ਵੈੱਬ ਡੈਸਕ - ਭਾਰਤੀ ਘਰਾਂ 'ਚ ਸਦੀਆਂ ਤੋਂ ਵਰਤਿਆ ਜਾਣ ਵਾਲਾ ਨਾਰੀਅਲ ਤੇਲ ਸਿਰਫ਼ ਇਕ ਤੇਲ ਨਹੀਂ, ਸਗੋਂ ਵਾਲਾਂ ਦੀ ਹਰ ਸਮੱਸਿਆ ਦਾ ਹੱਲ ਹੈ। ਅੱਜ-ਕੱਲ੍ਹ ਦੇ ਮਹਿੰਗੇ ਹੇਅਰ ਸੀਰਮ ਅਤੇ ਕੈਮੀਕਲ ਯੁਕਤ ਤੇਲ ਵਾਲਾਂ ਨੂੰ ਅੰਦਰੋਂ ਕਮਜ਼ੋਰ ਕਰ ਰਹੇ ਹਨ, ਅਜਿਹੇ 'ਚ ਸ਼ੁੱਧ ਨਾਰੀਅਲ ਤੇਲ ਵਾਲਾਂ ਨੂੰ ਜੜ੍ਹੋਂ ਮਜ਼ਬੂਤ ਬਣਾਉਣ 'ਚ ਮਦਦਗਾਰ ਸਾਬਤ ਹੁੰਦਾ ਹੈ।

ਨਾਰੀਅਲ ਤੇਲ ਲਗਾਉਣ ਦੇ 5 ਵੱਡੇ ਫਾਇਦੇ :- 

- ਇਹ ਤੇਲ ਵਾਲਾਂ ਦੇ ਅੰਦਰ ਤੱਕ ਜਾ ਕੇ ਪੋਸ਼ਣ ਦਿੰਦਾ ਹੈ, ਜਿਸ ਨਾਲ ਵਾਲਾਂ ਦਾ ਟੁੱਟਣਾ ਅਤੇ ਝੜਨਾ ਘੱਟ ਜਾਂਦਾ ਹੈ।
- ਨਾਰੀਅਲ ਤੇਲ ਵਾਲਾਂ ਦੀ ਗੁਆਚੀ ਹੋਈ ਚਮਕ ਵਾਪਸ ਲਿਆਉਂਦਾ ਹੈ ਅਤੇ ਰੁੱਖੇ ਵਾਲਾਂ ਨੂੰ ਰੇਸ਼ਮੀ ਬਣਾਉਂਦਾ ਹੈ।
- ਇਸ 'ਚ ਮੌਜੂਦ ਐਂਟੀ-ਫੰਗਲ ਗੁਣ ਸਿਰ ਦੀ ਚਮੜੀ ਨੂੰ ਸਾਫ਼ ਰੱਖਦੇ ਹਨ ਅਤੇ ਡੈਂਡਰਫ (ਸਿਕਰੀ) ਨੂੰ ਦੂਰ ਕਰਦੇ ਹਨ।
- ਵਾਲਾਂ ਦੇ ਸਿਰਿਆਂ 'ਤੇ ਤੇਲ ਲਗਾਉਣ ਨਾਲ ਦੋ-ਮੂੰਹੇ ਵਾਲਾਂ ਦੀ ਸਮੱਸਿਆ ਖ਼ਤਮ ਹੁੰਦੀ ਹੈ।
- ਨਿਯਮਿਤ ਮਾਲਿਸ਼ ਨਾਲ ਸਿਰ 'ਚ ਖੂਨ ਦਾ ਦੌਰਾ ਵਧਦਾ ਹੈ, ਜਿਸ ਨਾਲ ਵਾਲ ਤੇਜ਼ੀ ਨਾਲ ਲੰਬੇ ਹੁੰਦੇ ਹਨ।

ਵਰਤੋਂ ਦਾ ਸਹੀ ਤਰੀਕਾ :- 

ਤੇਲ ਨੂੰ ਹਲਕਾ ਕੋਸਾ ਕਰਕੇ ਜੜ੍ਹਾਂ 'ਚ ਉਂਗਲਾਂ ਦੇ ਪੋਰਿਆਂ ਨਾਲ ਮਾਲਿਸ਼ ਕਰੋ। ਇਸ ਨੂੰ ਨਹਾਉਣ ਤੋਂ 2 ਘੰਟੇ ਪਹਿਲਾਂ ਜਾਂ ਰਾਤ ਨੂੰ ਲਗਾ ਕੇ ਸੌਂ ਜਾਓ ਅਤੇ ਅਗਲੇ ਦਿਨ ਕਿਸੇ ਹਲਕੇ ਸ਼ੈਂਪੂ ਨਾਲ ਧੋ ਲਓ।