ਵੈੱਬ ਡੈਸਕ - ਹਰ ਕੋਈ ਚਾਹੁੰਦਾ ਹੈ ਕਿ ਉਸ ਦਾ ਚਿਹਰਾ ਸਾਫ਼ ਅਤੇ ਚਮਕਦਾਰ ਦਿਖੇ, ਪਰ ਪ੍ਰਦੂਸ਼ਣ ਅਤੇ ਮਿੱਟੀ-ਘੱਟੇ ਕਾਰਨ ਚਿਹਰੇ 'ਤੇ 'ਡੈੱਡ ਸਕਿਨ' (ਮ੍ਰਿਤ ਕੋਸ਼ਿਕਾਵਾਂ) ਦੀ ਪਰਤ ਜੰਮ ਜਾਂਦੀ ਹੈ। ਇਸ ਨਾਲ ਚਿਹਰਾ ਬੇਜਾਨ ਅਤੇ ਕਾਲਾ ਦਿਖਣ ਲੱਗਦਾ ਹੈ। ਜੇਕਰ ਤੁਸੀਂ ਵੀ ਇਸ ਤੋਂ ਪਰੇਸ਼ਾਨ ਹੋ, ਤਾਂ ਤੁਹਾਡੀ ਰਸੋਈ ਵਿੱਚ ਮੌਜੂਦ 'ਓਟਸ' ਤੁਹਾਡੇ ਲਈ ਜਾਦੂਈ ਸਾਬਤ ਹੋ ਸਕਦੇ ਹਨ।

ਓਟਸ ਹੀ ਕਿਉਂ?

ਓਟਸ 'ਚ 'ਸੈਪੋਨਿਨ' ਨਾਮਕ ਤੱਤ ਹੁੰਦਾ ਹੈ ਜੋ ਕੁਦਰਤੀ ਕਲੀਂਜ਼ਰ ਵਜੋਂ ਕੰਮ ਕਰਦਾ ਹੈ। ਇਹ ਚਮੜੀ ਦੇ ਅੰਦਰ ਤੱਕ ਜਾ ਕੇ ਗੰਦਗੀ ਨੂੰ ਬਾਹਰ ਕੱਢਦਾ ਹੈ ਅਤੇ ਚਮੜੀ ਨੂੰ ਬਿਨਾਂ ਨੁਕਸਾਨ ਪਹੁੰਚਾਏ ਐਕਸਫੋਲੀਏਟ ਕਰਦਾ ਹੈ।

ਡੈੱਡ ਸਕਿਨ ਸਾਫ਼ ਕਰਨ ਲਈ 3 ਆਸਾਨ ਤਰੀਕੇ :-

ਓਟਸ ਅਤੇ ਦਹੀ 
- ਦੋ ਚਮਚ ਪੀਸੇ ਹੋਏ ਓਟਸ 'ਚ ਇਕ ਚਮਚ ਤਾਜ਼ਾ ਦਹੀ ਮਿਲਾਓ। ਇਸ ਪੇਸਟ ਨਾਲ 5 ਮਿੰਟ ਤੱਕ ਚਿਹਰੇ 'ਤੇ ਹਲਕੀ ਮਸਾਜ ਕਰੋ ਅਤੇ ਫਿਰ ਧੋ ਲਓ। ਇਹ ਡੈੱਡ ਸਕਿਨ ਹਟਾ ਕੇ ਚਿਹਰੇ 'ਤੇ ਤੁਰੰਤ ਨਿਖਾਰ ਲਿਆਉਂਦਾ ਹੈ।

ਓਟਸ ਅਤੇ ਸ਼ਹਿਦ 
- ਜੇਕਰ ਤੁਹਾਡੀ ਚਮੜੀ ਖੁਸ਼ਕ ਹੈ, ਤਾਂ ਓਟਸ 'ਚ ਸ਼ਹਿਦ ਮਿਲਾ ਕੇ ਲਗਾਓ। ਇਹ ਚਮੜੀ ਨੂੰ ਨਰਮ ਬਣਾਉਂਦਾ ਹੈ ਅਤੇ ਰੰਗ ਸਾਫ਼ ਕਰਦਾ ਹੈ।

ਓਟਸ ਅਤੇ ਗੁਲਾਬ ਜਲ 
- ਤੇਲਯੁਕਤ ਚਮੜੀ ਵਾਲੇ ਲੋਕ ਓਟਸ ਨੂੰ ਗੁਲਾਬ ਜਲ 'ਚ ਮਿਲਾ ਕੇ ਸਕ੍ਰੱਬ ਵਜੋਂ ਵਰਤ ਸਕਦੇ ਹਨ। ਇਹ ਵਾਧੂ ਤੇਲ ਨੂੰ ਸੋਖ ਲੈਂਦਾ ਹੈ ਅਤੇ ਮੁਹਾਸਿਆਂ ਤੋਂ ਬਚਾਉਂਦਾ ਹੈ।

ਵਰਤੋਂ ਲਈ ਖ਼ਾਸ ਟਿਪ :-

ਹਮੇਸ਼ਾ ਓਟਸ ਨੂੰ ਹਲਕਾ ਦਰਦਰਾ ਪੀਸ ਕੇ ਹੀ ਵਰਤੋ। ਬਹੁਤ ਜ਼ਿਆਦਾ ਜ਼ੋਰ ਨਾਲ ਮਸਾਜ ਨਾ ਕਰੋ, ਸਗੋਂ ਉਂਗਲਾਂ ਦੇ ਪੋਰਿਆਂ ਨਾਲ ਗੋਲਾਈ 'ਚ ਸਕ੍ਰੱਬ ਕਰੋ।