ਵੈੱਬ ਡੈਸਕ - ਵਿਆਹ ਤੋਂ ਪਹਿਲਾਂ ਹਰ ਕੁੜੀ ਚਾਹੁੰਦੀ ਹੈ ਕਿ ਉਸ ਦੀ ਚਮੜੀ ਸਾਫ਼, ਨਿਖਰੀ ਅਤੇ ਗਲੋਇੰਗ ਦਿਖਾਈ ਦੇਵੇ। ਇਸ ਦੇ ਲਈ ਮਹਿੰਗੇ ਪਾਰਲਰ ਟ੍ਰੀਟਮੈਂਟਸ ਦੀ ਲੋੜ ਨਹੀਂ ਹੈ, ਤੁਸੀਂ ਘਰ 'ਚ ਹੀ ਕੁਝ ਕੁਦਰਤੀ ਚੀਜ਼ਾਂ ਦੀ ਵਰਤੋਂ ਕਰਕੇ D-Tan ਫੇਸ ਪੈਕ ਤਿਆਰ ਕਰ ਸਕਦੇ ਹੋ।

ਕਿਉਂ ਜ਼ਰੂਰੀ ਹੈ ਬ੍ਰਾਈਡਲ ਸਕਿਨਕੇਅਰ?

ਰੋਜ਼ਾਨਾ ਦੀ ਧੂੜ, ਧੁੱਪ ਅਤੇ ਪ੍ਰਦੂਸ਼ਣ ਕਾਰਨ ਚਮੜੀ ਬੇਜਾਨ ਹੋ ਜਾਂਦੀ ਹੈ। ਬ੍ਰਾਈਡਲ ਸਕਿਨਕੇਅਰ ਦਾ ਮਤਲਬ ਚਮੜੀ ਦੀ ਡੀਪ ਕਲੀਨਿੰਗ ਅਤੇ ਟੈਨਿੰਗ ਨੂੰ ਹਟਾਉਣਾ ਹੈ ਤਾਂ ਜੋ ਵਿਆਹ ਵਾਲੇ ਦਿਨ ਤੁਹਾਡਾ ਲੁੱਕ ਹੋਰ ਵੀ ਸੁੰਦਰ ਲੱਗੇ।

ਘਰੇਲੂ ਮਾਸਕ ਦੇ ਫਾਇਦੇ :-

ਬੇਸਨ
- ਇਹ ਇਕ ਕੁਦਰਤੀ ਕਲੀਂਜ਼ਰ ਹੈ ਜੋ ਚਿਹਰੇ ਦੀ ਗੰਦਗੀ ਅਤੇ ਵਾਧੂ ਤੇਲ ਨੂੰ ਸਾਫ਼ ਕਰਦਾ ਹੈ।

ਦਹੀਂ
- ਇਸ 'ਚ ਮੌਜੂਦ ਲੈਕਟਿਕ ਐਸਿਡ ਡੈੱਡ ਸਕਿਨ ਸੈੱਲਸ ਨੂੰ ਹਟਾ ਕੇ ਚਿਹਰੇ ਨੂੰ ਤਾਜ਼ਗੀ ਅਤੇ ਨਮੀ ਦਿੰਦਾ ਹੈ।

ਭੁੰਨੀ ਹੋਈ ਹਲਦੀ
- ਇਹ ਚਮੜੀ ਦੇ ਦਾਗ-ਧੱਬਿਆਂ ਨੂੰ ਘੱਟ ਕਰਨ ਅਤੇ ਕੁਦਰਤੀ ਨਿਖਾਰ ਲਿਆਉਣ 'ਚ ਮਦਦਗਾਰ ਹੈ।

ਚਾਵਲ ਦਾ ਆਟਾ
- ਇਹ ਚਮੜੀ ਨੂੰ ਟਾਈਟ ਰੱਖਦਾ ਹੈ ਅਤੇ ਟੈਨਿੰਗ ਘਟਾ ਕੇ ਰੰਗ ਸਾਫ਼ ਕਰਦਾ ਹੈ।

ਮਸੂਰ ਦੀ ਦਾਲ
- ਇਹ ਇਕ ਵਧੀਆ ਸਕ੍ਰਬ ਵਜੋਂ ਕੰਮ ਕਰਦੀ ਹੈ ਅਤੇ ਚਮੜੀ ਨੂੰ ਸਿਹਤਮੰਦ ਬਣਾਉਂਦੀ ਹੈ।

ਨਾਰੀਅਲ ਤੇਲ
- ਇਹ ਚਮੜੀ ਨੂੰ ਡੂੰਘਾਈ ਨਾਲ ਨਮੀ ਦਿੰਦਾ ਹੈ ਅਤੇ ਖੁਸ਼ਕੀ ਤੋਂ ਬਚਾਉਂਦਾ ਹੈ।

ਵਰਤਣ ਦਾ ਤਰੀਕਾ :-

ਇਨ੍ਹਾਂ ਸਾਰੀਆਂ ਚੀਜ਼ਾਂ ਨੂੰ ਮਿਲਾ ਕੇ ਇਕ ਸਮੂਦ ਪੇਸਟ ਬਣਾ ਲਓ। ਇਸ ਨੂੰ ਚਿਹਰੇ ਅਤੇ ਗਰਦਨ 'ਤੇ 15-20 ਮਿੰਟ ਲਈ ਲਗਾਓ ਅਤੇ ਫਿਰ ਹਲਕੇ ਹੱਥਾਂ ਨਾਲ ਰਗੜਦੇ ਹੋਏ ਧੋ ਲਓ। ਚੰਗੇ ਨਤੀਜਿਆਂ ਲਈ ਇਸ ਦੀ ਵਰਤੋਂ ਹਫ਼ਤੇ 'ਚ 2-3 ਵਾਰ ਕਰੋ।

ਸਾਵਧਾਨੀ :-

ਚਿਹਰੇ 'ਤੇ ਲਗਾਉਣ ਤੋਂ ਪਹਿਲਾਂ ਪੈਚ ਟੈਸਟ ਜ਼ਰੂਰ ਕਰੋ। ਜੇਕਰ ਤੁਹਾਡੀ ਚਮੜੀ ਸੰਵੇਦਨਸ਼ੀਲ ਹੈ, ਤਾਂ ਹਲਦੀ ਦੀ ਮਾਤਰਾ ਘੱਟ ਰੱਖੋ ਅਤੇ ਅੱਖਾਂ ਦੇ ਆਲੇ-ਦੁਆਲੇ ਇਸ ਪੈਕ ਨੂੰ ਨਾ ਲਗਾਓ।