ਕੇਦਾਰਨਾਥ ਤੋਂ ਆ ਰਹੇ ਸ਼ਰਧਾਲੂਆਂ ਦੀ ਕਾਰ ਨਾਲੇ ''ਚ ਡਿੱਗੀ, 3 ਦੀ ਮੌਤ

ਉਤਰਾਖੰਡ— ਸ਼੍ਰੀਨਗਰ 'ਚ ਅੱਜ ਸਵੇਰੇ ਸੜਕ ਹਾਦਸੇ 'ਚ 3 ਲੋਕਾਂ ਦੀ ਮੌਤ ਹੋ ਗਈ ਅਤੇ 2 ਜ਼ਖਮੀ ਹੋ ਗਏ। ਜ਼ਖਮੀਆਂ 'ਚ ਇਕ ਔਰਤ ਦੀ ਹਾਲਤ ਗੰਭੀਰ ਹੈ।
ਕੀਰਤੀਨਗਰ ਕੋਤਵਾਲੀ ਖੇਤਰ 'ਚ ਪੈਣ ਵਾਲੇ ਜੁਆਲਗੜ੍ਹ 'ਚ ਕੇਦਾਰਨਾਥ ਤੋਂ ਦਿੱਲੀ ਆ ਰਹੀ ਸ਼ਰਧਾਲੂਆਂ ਦੀ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ, ਜਿਸ 'ਚ ਔਰਤ ਸਮੇਤ 3 ਲੋਕਾਂ ਦੀ ਮੌਤ ਹੋ ਗਈ ਜਦਕਿ 2 ਜ਼ਖਮੀ ਹੋ ਗਏ। ਹਾਦਸੇ ਦਾ ਸ਼ਿਕਾਰ ਕਾਰ 'ਚ ਦਿੱਲੀ ਦੇ 5 ਲੋਕ ਕੇਦਾਰਨਾਥ ਤੋਂ ਦਿੱਲੀ ਆ ਰਹੇ ਸਨ ਕਿ ਬਦਰੀਨਾਥ ਹਾਈਵੇਅ 'ਤੇ ਜੁਆਲਗੜ੍ਹ ਪੁੱਲ 'ਤੇ ਬੇਕਾਬੂ ਕਰ ਹੇਠਾਂ ਬਰਸਾਤੀ ਨਾਲੇ 'ਚ ਡਿੱਗ ਗਈ। ਮੌਕੇ 'ਤੇ ਪੁੱਜੇ ਪੁਲਸ ਪ੍ਰਸ਼ਾਸਨ ਨੇ 2 ਜ਼ਖਮੀਆਂ ਨੂੰ ਕੱਢ ਕੇ ਹਸਪਤਾਲ 'ਚ ਭਰਤੀ ਕਰਵਾਇਆ, ਜਿੱਥੇ ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ। ਦੋਵੇਂ ਜ਼ਖਮੀ ਪਤੀ-ਪਤਨੀ ਹਨ, ਜਿਨ੍ਹਾਂ 'ਚ ਇਕ ਔਰਤ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ।