ਅਮਰੀਕਾ : ਨੌਜਵਾਨ 'ਤੇ ਅੱਤਵਾਦੀ ਹਮਲੇ ਦੀ ਯੋਜਨਾ ਬਣਾਉਣ ਦਾ ਦੋਸ਼, ਕੀਤਾ ਗਿਆ ਗ੍ਰਿਫ਼ਤਾਰ

ਵਾਸ਼ਿੰਗਟਨ (ਆਈ.ਏ.ਐੱਨ.ਐੱਸ.)- ਅਮਰੀਕਾ ਦੇ ਫਿਲਾਡੇਲਫੀਆ ਸ਼ਹਿਰ ਵਿੱਚ ਇੱਕ 17 ਸਾਲਾ ਨੌਜਵਾਨ ਅਲਕਾਇਦਾ ਨਾਲ ਜੁੜੇ ਇੱਕ ਗਲੋਬਲ ਅੱਤਵਾਦੀ ਸਮੂਹ ਦੇ ਸੰਪਰਕ ਵਿੱਚ ਸੀ ਅਤੇ ਉਸ ਕੋਲ ਵੱਡੀ ਗਿਣਤੀ ਵਿੱਚ ਬੰਦੂਕਾਂ ਦੀ ਸਨ। ਇਸ ਦੇ ਨਾਲ ਹੀ ਉਹ ਹਮਲਾ ਕਰਨ ਲਈ ਬੰਬ ਬਣਾ ਰਿਹਾ ਸੀ। ਐਫ.ਬੀ.ਆਈ. ਨੇ ਉਕਤ ਜਾਣਕਾਰੀ ਦਿੱਤੀ।

ਫੋਕਸ ਨਿਊਜ਼ ਦੀ ਰਿਪੋਰਟ ਮੁਤਾਬਕ ਸੋਮਵਾਰ ਨੂੰ ਇੱਕ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਿਤ ਕਰਦੇ ਹੋਏ ਐਫ.ਬੀ.ਆਈ. ਸਪੈਸ਼ਲ ਏਜੰਟ ਇਨ ਚਾਰਜ ਜੈਕਲੀਨ ਮੈਗੁਇਰ ਨੇ ਕਿਹਾ ਕਿ ਨੌਜਵਾਨ, ਜਿਸਨੂੰ 11 ਅਗਸਤ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਫਿਲਹਾਲ ਉਸਦਾ ਨਾਮ ਨਹੀਂ ਦੱਸਿਆ ਗਿਆ ਹੈ, ਉਸ ਦੀ ਨਾ ਸਿਰਫ ਫਿਲਡੇਲਫੀਆ ਵਿੱਚ ਸਗੋਂ ਵੱਖ-ਵੱਖ ਥਾਵਾਂ 'ਤੇ ਹਮਲੇ ਕਰਨ ਦੀ ਯੋਜਨਾ ਸੀ। ਮੈਗੁਇਰ ਨੇ ਕਿਹਾ ਕਿ "ਸਭ ਤੋਂ ਵੱਧ ਚਿੰਤਾ ਦਾ ਵਿਸ਼ਾ ਉਸ ਦੀ ਹਥਿਆਰਾਂ ਤੱਕ  ਅਤੇ ਤੁਰੰਤ ਵਿਸਫੋਟਕ ਉਪਕਰਣਾਂ ਦੇ ਨਿਰਮਾਣ ਲਈ ਆਮ ਤੌਰ 'ਤੇ ਵਰਤੀਆਂ ਜਾਣ ਵਾਲੀਆਂ ਵਸਤਾਂ ਅਤੇ ਸਮੱਗਰੀਆਂ ਤੱਕ ਉਸ ਦੀ ਪਹੰੁਚ ਸੀ। ਉਸਨੇ ਜੋ ਚੀਜ਼ਾਂ ਖਰੀਦੀਆਂ ਉਹਨਾਂ ਵਿੱਚ ਰਣਨੀਤਕ ਉਪਕਰਣ, ਵਾਇਰਿੰਗ, ਰਸਾਇਣ ਅਤੇ ਉਪਕਰਣ ਅਕਸਰ ਡੈਟੋਨੇਟਰ ਵਜੋਂ ਵਰਤੇ ਜਾਂਦੇ ਸਨ।" 

ਏਜੰਟ ਨੇ ਕਿਹਾ ਕਿ ਇਹ ਖਰੀਦਦਾਰੀ ਪਿਛਲੇ ਕੁਝ ਹਫ਼ਤਿਆਂ ਦੇ ਅੰਦਰ ਕੀਤੀ ਗਈ ਸੀ, ਜਿਸ ਨੇ ਇਸ ਮਾਮਲੇ ਨੂੰ "ਖਤਰੇ ਅਤੇ ਤਰਜੀਹ ਦੋਵਾਂ ਵਿੱਚ" ਤੇਜ਼ੀ ਨਾਲ ਵਧਾ ਦਿੱਤਾ। ਜਾਂਚਕਰਤਾਵਾਂ ਨੇ ਸ਼ੱਕੀ ਦੀ ਗਤੀਵਿਧੀ ਦੀ ਨਿਗਰਾਨੀ ਕੀਤੀ, ਜਦੋਂ ਇਹ ਪਤਾ ਲੱਗਾ ਕਿ ਉਹ ਅੱਤਵਾਦੀ ਸਮੂਹ ਕਾਤੀਬਤ ਅਲ ਤੌਹੀਦ ਵਾਲ ਜੇਹਾਦ (ਕੇਟੀਜੇ) ਦੇ ਸੰਪਰਕ ਵਿੱਚ ਸੀ। ਇਹ ਇੱਕ ਅਲ ਕਾਇਦਾ ਨਾਲ ਸਬੰਧਤ ਸਮੂਹ ਹੈ ਅਤੇ ਜੋ ਮੁੱਖ ਤੌਰ 'ਤੇ ਸੀਰੀਆ ਦੇ ਇਦਲਿਬ ਸੂਬੇ ਵਿੱਚ ਕੰਮ ਕਰਦਾ ਹੈ। ਐਫਬੀਆਈ ਅਨੁਸਾਰ ਨੌਜਵਾਨ ਨੇ ਕਥਿਤ ਤੌਰ 'ਤੇ ਮਾਰਚ ਅਤੇ ਅਪ੍ਰੈਲ ਵਿੱਚ ਇੰਸਟਾਗ੍ਰਾਮ 'ਤੇ ਕੇਟੀਜੇ ਤੋਂ ਮੀਡੀਆ ਭੇਜਿਆ ਅਤੇ ਪ੍ਰਾਪਤ ਕੀਤਾ, ਜਿਸ ਵਿੱਚ ਬੰਬ ਬਣਾਉਣ ਦੇ ਤਰੀਕੇ ਸਮੇਤ ਅਪਰਾਧਿਕ ਕਾਰਵਾਈਆਂ ਲਈ ਅੱਤਵਾਦੀ ਪ੍ਰਚਾਰ ਅਤੇ ਮਾਰਗਦਰਸ਼ਨ ਸ਼ਾਮਲ ਸੀ। 

ਪੜ੍ਹੋ ਇਹ ਅਹਿਮ ਖ਼ਬਰ-ਸਿੱਖ ਨੇ ਰਚਿਆ ਇਤਿਹਾਸ, ਪੱਗ ਅਤੇ ਦਾੜ੍ਹੀ ਨਾਲ ਯੂ.ਐੱਸ. ਮਰੀਨ ਕੈਂਪ 'ਚ ਹੋਇਆ ਗ੍ਰੈਜੁਏਟ 

ਫੌਕਸ ਨਿਊਜ਼ ਨੇ ਮੈਗੁਇਰ ਦੇ ਹਵਾਲੇ ਨਾਲ ਕਿਹਾ ਕਿ ਦੋਸ਼ੀ ਨੌਜਵਾਨ "ਅੱਤਵਾਦੀ ਗਤੀਵਿਧੀਆਂ ਵਿੱਚ ਸ਼ਾਮਲ ਹੋਣ ਜਾਂ ਸਮਰਥਨ ਕਰਨ ਦੇ ਉਦੇਸ਼ ਨਾਲ ਵਿਦੇਸ਼ ਯਾਤਰਾ ਕਰਨ ਲਈ ਕਦਮ ਚੁੱਕ ਰਿਹਾ ਸੀ।" ਇੱਕ ਬਿਆਨ ਵਿੱਚ ਫਿਲਾਡੇਲਫੀਆ ਦੇ ਜ਼ਿਲ੍ਹਾ ਅਟਾਰਨੀ ਲੈਰੀ ਕ੍ਰਾਸਨਰ ਨੇ ਕਿਹਾ ਕਿ ਸ਼ੱਕੀ ਨੌਜਵਾਨ ਦਾ ਨਾਮ ਉਸਦੀ ਉਮਰ ਦੇ ਕਾਰਨ ਨਹੀਂ ਦੱਸਿਆ ਗਿਆ ਅਤੇ ਇਸ ਵੇਲੇ ਉਹ ਰਾਜ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਿਹਾ ਹੈ, ਹਾਲਾਂਕਿ ਇਹ ਦੋਸ਼ ਬਦਲ ਜਾਣਗੇ। ਕ੍ਰਾਸਨਰ ਨੇ ਅੱਗੇ ਕਿਹਾ ਕਿ ਇਹ ਦੋਸ਼ ਸਮੂਹਿਕ ਵਿਨਾਸ਼ ਦੇ ਹਥਿਆਰ, ਅਪਰਾਧਿਕ ਸਾਜ਼ਿਸ਼, ਅੱਗਜ਼ਨੀ, ਤਬਾਹੀ ਪੈਦਾ ਕਰਨ ਜਾਂ ਜੋਖਮ ਵਿੱਚ ਪਾਉਣ, ਅਪਰਾਧਿਕ ਸ਼ਰਾਰਤ ਕਰਨ ਦੀ ਕੋਸ਼ਿਸ਼, ਅਪਰਾਧ ਦਾ ਇੱਕ ਸਾਧਨ ਰੱਖਣ ਅਤੇ ਕਿਸੇ ਹੋਰ ਵਿਅਕਤੀ ਨੂੰ ਲਾਪਰਵਾਹੀ ਨਾਲ ਖ਼ਤਰੇ ਵਿੱਚ ਪਾਉਣ ਦੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।