ਕੇਂਦਰ ਸਰਕਾਰ ਦੀ 'ਅੰਮ੍ਰਿਤ ਯੋਜਨਾ' ਨਾਲ ਬਦਲੀ ਪੰਜਾਬ ਦੇ ਸ਼ਹਿਰਾਂ ਦੀ ਤਸਵੀਰ

ਵੈੱਬ ਡੈਸਕ- ਪੰਜਾਬ ਦੇ ਸ਼ਹਿਰੀ ਇਲਾਕਿਆਂ 'ਚ ਪਿਛਲੇ 5 ਸਾਲਾਂ 'ਚ ਕੇਂਦਰ ਸਰਕਾਰ ਦੀ AMRUT (ਅਟਲ ਮਿਸ਼ਨ ਫਾਰ ਰੀਜੁਵੇਨੇਸ਼ਨ ਐਂਡ ਅਰਬਨ ਟਰਾਂਸਫਾਰਮੇਸ਼ਨ) ਯੋਜਨਾ ਨੇ ਬੁਨਿਆਦੀ ਢਾਂਚੇ 'ਚ ਵੱਡੀ ਤਬਦੀਲੀ ਲਿਆਉਣ ਦੀ ਕੋਸ਼ਿਸ਼ ਕੀਤੀ ਹੈ। ਜਲ ਸਪਲਾਈ, ਸੀਵਰੇਜ ਸਿਸਟਮ ਅਤੇ ਗ੍ਰੀਨ ਖੇਤਰਾਂ ਦੇ ਵਿਕਾਸ 'ਤੇ ਫੋਕਸ ਕਰਦੇ ਹੋਏ ਹਜ਼ਾਰਾਂ ਕਰੋੜ ਰੁਪਏ ਖਰਚ ਕੀਤੇ ਹਨ। ਸੀਵਰੇਜ ਵਿਵਸਥਾ 'ਚ ਸੁਧਾਰ ਨੇ ਵੀ ਸ਼ਹਿਰਾਂ ਨੂੰ ਨਵੀਂ ਪਛਾਣ ਦਿੱਤੀ ਹੈ। ਨਵੀਆਂ ਲਾਈਆਂ ਅਤੇ ਟ੍ਰੀਟਮੈਂਟ ਸਿਸਟਮ ਨਾਲ ਪਾਣੀ ਭਰਨ ਦੀ ਸਮੱਸਿਆ ਘਟੀ ਹੈ ਅਤੇ ਸਾਫ਼-ਸਫਾਈ 'ਚ ਸੁਧਾਰ ਹੋਇਆ ਹੈ। ਇਸ ਨਾਲ ਸਿਹਤ ਸੰਬੰਧੀ ਜ਼ੋਖਮ ਵੀ ਘੱਟ ਹੋਇਆ ਹੈ।

ਸ਼ਹਿਰਾਂ ਦੀਆਂ ਪਾਰਕਾਂ ਨੂੰ ਮਿਲਿਆ ਨਵਾਂ ਜੀਵਨ 

AMRUT ਯੋਜਨਾ ਦਾ ਇਕ ਹੋਰ ਅਹਿਮ ਪਹਿਲੂ- ਹਰਿਆਲੀ ਹੈ। ਪਿਛਲੇ ਕੁਝ ਸਾਲਾਂ 'ਚ ਸ਼ਹਿਰਾਂ ਦੀਆਂ ਪਾਰਕਾਂ ਨੂੰ ਨਵਾਂ ਜੀਵਨ ਮਿਲਿਆ ਹੈ। ਛੋਟੇ ਸ਼ਹਿਰਾਂ ਦੀਆਂ ਪਾਰਕਾਂ ਹੁਣ ਲੋਕਾਂ ਦੇ ਮਿਲਣ-ਜੁਲਣ ਦੇ ਸਥਾਨ ਬਣ ਗਏ ਹਨ। ਬੱਚਿਆਂ ਦੇ ਖੇਡਣ ਤੋਂ ਲੈ ਕੇ ਬਜ਼ੁਰਗਾਂ ਧੀ ਸੈਰ ਤੱਕ, ਇਹ ਸਥਾਨ ਸ਼ਹਿਰੀ ਵਿਕਾਸ ਦਾ ਅਹਿਮ ਹਿੱਸਾ ਬਣ ਚੁੱਕੇ ਹਨ। 

3,626 ਕਰੋੜ ਦੇ ਪ੍ਰਾਜੈਕਟ, 80 ਫੀਸਦੀ ਤੋਂ ਵੱਧ ਕੰਮ ਪੂਰਾ

ਰਾਜ 'ਚ AMRUT ਦੇ ਅਧੀਨ ਕੁੱਲ 214 ਪ੍ਰਾਜੈਕਟ ਮਨਜ਼ੂਰ ਹੋਏ, ਜਿਨ੍ਹਾਂ ਦੀ ਕੁੱਲ ਲਾਗਤ 3,626 ਕਰੋੜ ਰਹੀ। ਇਨ੍ਹਾਂ 'ਚੋਂ ਲਗਭਗ 2,980 ਕਰੋੜ ਦੇ ਕੰਮ ਪੂਰੇ ਕੀਤੇ ਜਾ ਚੁੱਕੇ ਹਨ ਯਾਨੀ ਕਰੀਬ 82 ਫੀਸਦੀ ਪ੍ਰਾਜੈਕਟ ਪੂਰੇ ਹੋ ਚੁੱਕੇ ਹਨ।

• ਹਰ ਘਰ ਪਾਣੀ ਵੱਲ ਵਧਦਾ ਪੰਜਾਬ
• AMRUT 2.0 ਦੇ ਅਧੀਨ ਟੀਚਾ ਹੈ ਕਿ ਹਰ ਸ਼ਹਿਰੀ ਘਰ ਟੂਟੀ ਨਾਲ ਪਾਣੀ ਪਹੁੰਚੇ। 
• ਕੁੱਲ ਬਜਟ ਦਾ 60-65 ਫੀਸਦੀ ਹਿੱਸਾ ਪਾਣੀ ਦੀ ਸਪਲਾਈ 'ਤੇ ਖਰਚ 
• ਮਲੋਟ ਸ਼ਹਿਰ 'ਚ 16.25 ਕਰੋੜ ਰੁਪਏ ਦੀ ਯੋਜਨਾ ਨਾਲ ਲਗਭਗ 1 ਲੱਖ ਲੋਕਾਂ ਨੂੰ ਫ਼ਾਇਦਾ
• ਸਮਾਨਾ (ਪਟਿਆਲਾ) 'ਚ 61 ਕਰੋੜ ਦਾ ਜਲ ਪ੍ਰਾਜੈਕਟ
• ਇਨ੍ਹਾਂ ਪ੍ਰਾਜੈਕਟਾਂ ਨਾਲ ਕਈ ਸ਼ਹਿਰਾਂ 'ਚ ਪਾਣੀ ਦੀ ਸਪਲਾਈ ਪਹਿਲਾਂ ਤੋਂ ਵੱਧ ਨਿਯਮਿਤ ਹੋਈ ਹੈ ਅਤੇ ਟੈਂਕਰ 'ਤੇ ਨਿਰਭਰਤਾ ਘੱਟ ਹੋਈ ਹੈ। 

ਸੀਵਰੇਜ ਨੈੱਟਵਰਕ ਦਾ ਵਿਸਥਾਰ, ਸਿਹਤ 'ਚ ਸੁਧਾਰ

• ਇਸ ਸਕੀਮ ਦੇ ਤਹਿਤ ਸੀਵਰੇਜ ਪਾਈਪਲਾਈਨਾਂ ਅਤੇ ਸੀਵਰੇਜ ਟ੍ਰੀਟਮੈਂਟ ਪਲਾਂਟ (ਐੱਸ.ਟੀ.ਪੀ.) ਬਣਾਏ ਗਏ ਹਨ।
• ਕਈ ਸ਼ਹਿਰਾਂ 'ਚ ਪਾਣੀ ਭਰਨ ਦੀ ਸਮੱਸਿਆ 'ਚ ਕਮੀ
• ਸਵੱਛਤਾ ਅਤੇ ਜਨਤਕ ਸਿਹਤ 'ਚ ਸੁਧਾਰ
• ਹਾਲਾਂਕਿ ਕੁਝ ਪ੍ਰਾਜੈਕਟ ਅਜੇ ਵੀ ਅਧੂਰੇ ਹਨ, ਜਿਸ ਕਾਰਨ ਪੂਰੀ ਸਮਰੱਥਾ ਹਾਸਲ ਨਹੀਂ ਹੋ ਸਕੀ ਹੈ।

ਸ਼ਹਿਰਾਂ 'ਚ ਹਰੇ-ਭਰੇ ਖੇਤਰਾਂ 'ਚ ਵਾਧਾ

• AMRUT ਦੇ ਤਹਿਤ ਪਾਰਕਾਂ ਅਤੇ ਹਰੇ-ਭਰੇ ਖੇਤਰਾਂ ਦਾ ਵਿਕਾਸ ਕੀਤਾ ਗਿਆ:
• ਨਵੇਂ ਪਾਰਕ ਅਤੇ ਓਪਨ ਜਿੰਮ
• ਪੈਦਲ ਟ੍ਰੈਕ ਅਤੇ ਕਮਿਊਨਿਟੀ ਸਪੇਸ
• ਇਸ ਨਾਲ ਛੋਟੇ ਸ਼ਹਿਰਾਂ ਵਿਚ ਵੀ ਲੋਕਾਂ ਨੂੰ ਬਿਹਤਰ ਜੀਵਨ ਪੱਧਰ ਦਾ ਅਨੁਭਵ ਮਿਲਿਆ ਹੈ।

ਡਾਟਾ

• 214 ਪ੍ਰੋਜੈਕਟਾਂ ਨੂੰ ਮਨਜ਼ੂਰੀ
• ਕੁੱਲ ਲਾਗਤ 3,626 ਕਰੋੜ ਰੁਪਏ
• 2,980 ਕਰੋੜ ਰੁਪਏ ਦੇ ਕੰਮ ਪੂਰੇ ਕੀਤੇ ਗਏ
•  60% ਤੋਂ ਵੱਧ ਬਜਟ ਪਾਣੀ ਦੀ ਸਪਲਾਈ 
• 665 ਕਰੋੜ ਰੁਪਏ (2026-27 ਦੀ ਵੰਡ)
• ਮਲੋਟ 'ਚ 1 ਲੱਖ ਲੋਕਾਂ ਨੂੰ ਲਾਭ

AMRUT ਸਕੀਮ ਨੇ ਪੰਜਾਬ ਦੇ ਸ਼ਹਿਰਾਂ 'ਚ ਬੁਨਿਆਦੀ ਢਾਂਚੇ ਦੀਆਂ ਸਹੂਲਤਾਂ ਨੂੰ ਮਜ਼ਬੂਤ ​​ਕੀਤਾ ਹੈ। ਪਾਣੀ, ਸੀਵਰੇਜ ਅਤੇ ਹਰਿਆਲੀ ਵਾਲੇ ਖੇਤਰਾਂ 'ਚ ਸੁਧਾਰ ਨਜ਼ਰ ਆ ਰਿਹਾ ਹੈ ਪਰ ਪੂਰੀ ਸਫਲਤਾ ਲਈ ਸਮੇਂ ਸਿਰ ਲਾਗੂ ਕਰਨਾ ਅਤੇ ਸਥਾਨਕ ਸੰਸਥਾਵਾਂ ਦੀ ਸਮਰੱਥਾ 'ਚ ਵਾਧਾ ਕਰਨਾ ਜ਼ਰੂਰੀ ਹੋਵੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e