ਅਮਰੀਕੀ ਜਲ ਸੈਨਾ ਨੇ ਕੀਤਾ ਯੋਗਾ, ਤਸਵੀਰ ਕੀਤੀ ਟਵੀਟ

ਵਾਸ਼ਿੰਗਟਨ (ਬਿਊਰੋ): ਬੀਤੇ ਕੁਝ ਸਮੇਂ ਤੋਂ ਭਾਰਤ ਵਿਚ ਹੀ ਨਹੀਂ ਸਗੋਂ ਵਿਦੇਸ਼ਾਂ ਵਿਚ ਵੀ ਯੋਗਾ ਨੂੰ ਮਹੱਤਵ ਦਿੱਤਾ ਜਾ ਰਿਹਾ ਹੈ।ਇਸ ਸਿਲਸਿਲੇ ਵਿਚ ਅਮਰੀਕੀ ਜਲ ਸੈਨਾ ਨੇ ਵੀ ਆਪਣੇ ਜਹਾਜ਼ 'ਤੇ ਯੋਗਾ ਕਰਦੇ ਫੌਜੀਆਂ ਦੀ ਤਸਵੀਰ ਟਵਿੱਟਰ 'ਤੇ ਸ਼ੇਅਰ ਕੀਤੀ। ਟਵੀਟ ਵਿਚ ਅਮਰੀਕੀ ਫੌਜ ਨੇ ਲਿਖਿਆ,''ਕੀ ਤੁਸੀਂ ਜਾਣਦੇ ਹੋ ਕਿ ਯੋਗਾ ਉਹਨਾਂ ਕਈ ਤਰੀਕਿਆਂ ਵਿਚੋਂ ਇਕ ਹੈ ਜੋ ਸਮੁੰਦਰ ਵਿਚ ਮਲਾਹ ਆਪਣੇ ਮਨ ਅਤੇ ਸਰੀਰ ਨੂੰ ਫਿੱਟ ਰੱਖਣ ਲਈ ਕਰ ਸਕਦੇ ਹਨ।''

Calm before the storm. #Namaste

Did you know that #Yoga is one of the many ways that Sailors can get their mind and body right at sea to stay Navy fit? #FridayFitness pic.twitter.com/1FiYwQlOSn

— U.S. Navy (@USNavy) January 10, 2020

ਸ਼ੁੱਕਰਵਾਰ ਨੂੰ ਅਮਰੀਕੀ ਜਲ ਸੈਨਾ ਨੇ ਆਪਣੇ ਅਧਿਕਾਰਤ ਅਕਾਊਂਟ ਤੋਂ ਯੋਗਾ ਕਰਦਿਆਂ ਜਲ ਸੈਨਿਕਾਂ ਦੀ ਤਸਵੀਰ ਟਵੀਟ ਕੀਤੀ। ਇਸ ਵਿਚ ਫੌਜੀਆਂ ਨੂੰ ਇਕ ਜਹਾਜ਼ 'ਤੇ ਯੋਗ ਆਸਣ ਕਰਦਿਆਂ ਦਿਖਾਇਆ ਗਿਆ ਹੈ। ਅਮਰੀਕੀ ਜਲ ਸੈਨਾ ਨੇ ਤਸਵੀਰ ਸ਼ੇਅਰ ਕਰਦਿਆਂ ਯੋਗਾ ਦੇ ਲਾਭਾਂ ਦੇ ਬਾਰੇ ਵਿਚ ਲਿਖਿਆ ਹੈ। ਇਕ ਯੋਗਾ ਟਰੇਨਰ ਦੇ ਪਿੱਛੇ 7 ਲੋਕ ਯੋਗਾ ਕਰ ਰਹੇ ਹਨ। ਉਹਨਾਂ ਦੇ ਪਿੱਛੇ ਵਿਸ਼ਾਲ ਸਮੁੰਦਰ ਫੈਲਿਆ ਦਿਖਾਈ ਦੇ ਰਿਹਾ ਹੈ।

ਉਹਨਾਂ ਦੇ ਇਸ ਟਵੀਟ ਨੂੰ 19,000 ਤੋਂ ਵੱਧ ਲਾਈਕਸ ਮਿਲੇ ਹਨ ਅਤੇ ਉਸ ਨੂੰ 7,800 ਤੋਂ ਜਿਆਦਾ ਵਾਰ ਰੀਟਵੀਟ ਕੀਤਾ ਗਿਆ ਹੈ। ਇੱਥੇ ਦੱਸ ਦਈਏ ਕਿ ਪੀ.ਐੱਮ. ਨਰਿੰਦਰ ਮੋਦੀ ਨੇ ਸੰਯੁਕਤ ਰਾਸ਼ਟਰ ਨੂੰ 21 ਜੂਨ ਨੂੰ ਅੰਤਰਰਾਸ਼ਟਰੀ ਯੋਗ ਦਿਵਸ ਐਲਾਨਣ ਲਈ ਰਾਜ਼ੀ ਕੀਤਾ ਸੀ। ਇਰ ਤਰੀਕ ਇਸ ਲਈ ਚੁਣੀ ਗਈ ਕਿਉਂਕਿ ਉੱਤਰੀ ਭਾਗ ਦਾ ਸਭ ਤੋਂ ਲੰਬਾ ਦਿਨ 21 ਜੂਨ ਨੂੰ ਹੀ ਹੁੰਦਾ ਹੈ।