ਯੂਕ੍ਰੇਨ ਦੀ ਪ੍ਰਥਮ ਮਹਿਲਾ ਅਮਰੀਕਾ ਦੇ ''ਸਟੇਟ ਆਫ ਦ ਯੂਨੀਅਨ'' ਸੰਬੋਧਨ ''ਚ ਨਹੀਂ ਹੋਵੇਗੀ ਸ਼ਾਮਲ

ਕੀਵ (ਯੂਐਨਆਈ): ਯੂਕ੍ਰੇਨ ਦੀ ਪ੍ਰਥਮ ਮਹਿਲਾ ਓਲੇਨਾ ਜ਼ੇਲੇਂਸਕਾ 7 ਮਾਰਚ ਨੂੰ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਈਡੇਨ ਦੇ ਸਟੇਟ ਆਫ ਦਿ ਯੂਨੀਅਨ ਸੰਬੋਧਨ ਵਿੱਚ ਸ਼ਾਮਲ ਨਹੀਂ ਹੋਵੇਗੀ ਕਿਉਂਕਿ ਕਥਿਤ ਤੌਰ 'ਤੇ ਮਾਰੇ ਗਏ ਰੂਸੀ ਵਿਰੋਧੀ ਨੇਤਾ ਅਲੈਕਸੀ ਨੇਵਲਨੀ ਦੀ ਪਤਨੀ ਯੂਲੀਆ ਨਵਲਨਾਯਾ ਦੀ ਸੰਭਾਵਿਤ ਮੌਜੂਦਗੀ ਹੋਵੇਗੀ। ਵਾਸ਼ਿੰਗਟਨ ਪੋਸਟ ਨੇ ਬੁੱਧਵਾਰ ਨੂੰ ਇੱਕ ਅਧਿਕਾਰੀ ਦੇ ਹਵਾਲੇ ਨਾਲ ਜਾਣਕਾਰੀ ਦਿੱਤੀ ਕਿ ਇਵੈਂਟ ਵਿੱਚ ਨਵਲਨਾਯਾ ਦੀ ਭਾਗੀਦਾਰੀ ਬਾਰੇ ਅਫਵਾਹਾਂ ਨੇ ਕਥਿਤ ਤੌਰ 'ਤੇ ਕੀਵ ਲਈ 'ਬੇਅਰਾਮੀ ਪੈਦਾ ਕੀਤੀ' ਹੈ  ਕਿਉਂਕਿ ਉਸ ਦੇ ਪਤੀ ਦੇ ਕਈ ਬਿਆਨਾਂ ਵਿੱਚ ਕ੍ਰੀਮੀਆ ਅਤੇ ਰੂਸ ਨੂੰ ਜੋੜਦੇ ਹੋਏ ਦੋਵਾਂ ਦੇਸ਼ਾਂ ਦੇ ਇਤਿਹਾਸਕ ਸਬੰਧਾਂ ਦਾ ਜ਼ਿਕਰ ਕੀਤਾ ਗਿਆ ਸੀ। 

ਪੜ੍ਹੋ ਇਹ ਅਹਿਮ ਖ਼ਬਰ-''ਬਿਹਤਰ ਖਾਣਾ ਬਣਾਉਂਦੇ ਹਨ ਸੁਨਕ'', ਪਤਨੀ ਅਕਸ਼ਤਾ ਨੇ ਖੋਲ੍ਹੇ ਨਿੱਜ਼ੀ ਜ਼ਿੰਦਗੀ ਦੇ ਕਈ ਰਾਜ਼

ਜਦੋਂ ਕਿ ਨੇਵਲਨੀ ਨੇ ਆਮ ਤੌਰ 'ਤੇ 2014 ਵਿੱਚ ਮਾਸਕੋ ਦੀਆਂ ਕਾਰਵਾਈਆਂ ਦੀ ਨਿੰਦਾ ਕੀਤੀ ਸੀ। ਸ਼੍ਰੀਮਤੀ ਜ਼ੇਲੇਂਸਕਾ ਦਾ ਬਾਈਡੇਨ ਦੇ ਸੰਬੋਧਨ ਵਿੱਚ ਸ਼ਾਮਲ ਹੋਣ ਤੋਂ ਇਨਕਾਰ ਕਰਨਾ ਹੈਰਾਨੀਜਨਕ ਹੈ। ਰੂਸ ਦੀ ਜੇਲ੍ਹ ਸੇਵਾ ਨੇ 16 ਫਰਵਰੀ ਨੂੰ ਕਿਹਾ ਕਿ ਵਿਰੋਧੀ ਨੇਤਾ ਨੇਵਲਨੀ ਦੀ ਜੇਲ੍ਹ ਵਿੱਚ ਮੌਤ ਹੋ ਗਈ ਅਤੇ ਮੌਤ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਵਰਣਨਯੋਗ ਹੈ ਕਿ ਨੇਵਲਨੀ ਨੂੰ ਜਨਵਰੀ 2021 ਵਿਚ ਜਰਮਨੀ ਤੋਂ ਵਾਪਸ ਆਉਣ 'ਤੇ ਮਾਸਕੋ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਉਸੇ ਸਾਲ ਫਰਵਰੀ ਵਿੱਚ ਇੱਕ ਅਦਾਲਤ ਨੇ 2014 ਯਵੇਸ ਰੋਚਰ ਧੋਖਾਧੜੀ ਦੇ ਕੇਸ ਵਿੱਚ ਕਈ ਪ੍ਰੋਬੇਸ਼ਨ ਉਲੰਘਣਾਵਾਂ ਲਈ ਉਸਦੀ ਮੁਅੱਤਲ ਕੀਤੀ ਸਜ਼ਾ ਨੂੰ ਰੱਦ ਕਰ ਦਿੱਤਾ ਅਤੇ ਉਸਨੂੰ ਢਾਈ ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ। ਅਗਸਤ 2023 ਵਿੱਚ ਨੇਵਲਨੀ ਨੂੰ ਕੱਟੜਵਾਦ ਦੇ ਦੋਸ਼ਾਂ ਵਿੱਚ 19 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਸੀ। ਉਸ ਸਮੇਂ ਨੇਵਲਨੀ (47) ਪਹਿਲਾਂ ਹੀ ਧੋਖਾਧੜੀ ਅਤੇ ਗਬਨ, ਅਦਾਲਤ ਦੇ ਅਪਮਾਨ ਆਦਿ ਲਈ ਕਈ ਸਜ਼ਾਵਾਂ ਕੱਟ ਰਿਹਾ ਸੀ। ਉਸ ਨੇ ਆਪਣੇ ਆਪ ਨੂੰ ਸਾਰੇ ਦੋਸ਼ਾਂ ਤੋਂ ਬੇਕਸੂਰ ਦੱਸਿਆ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।