ਦੁਨੀਆ ਦਾ ਇਹ ਸ਼ਹਿਰ parrots ਤੋਂ ਪਰੇਸ਼ਾਨ, ਵਾਰ-ਵਾਰ ਹਨੇਰੇ ''ਚ ਡੁੱਬ ਰਿਹਾ ਇਲਾਕਾ

ਬਿਊਨਸ ਆਇਰਸ: ਅਰਜਨਟੀਨਾ ਦੇ ਪੂਰਬੀ ਅਟਲਾਂਟਿਕ ਤੱਟ ਨੇੜੇ ਸਥਿਤ ਹਿਲਾਰੀਓ ਐਸਕਾਸੂਬੀ ਸ਼ਹਿਰ ਪਿਛਲੇ ਕੁਝ ਸਮੇਂ ਤੋਂ ਇਕ ਵੱਖਰੀ ਤਰ੍ਹਾਂ ਦੀ ਸਮੱਸਿਆ ਦਾ ਸਾਹਮਣਾ ਕਰ ਰਿਹਾ ਹੈ। ਸ਼ਹਿਰ ਵਿੱਚ ਵੱਡੀ ਗਿਣਤੀ ਵਿੱਚ ਤੋਤਿਆਂ ਦੀ ਆਮਦ ਕਾਰਨ ਇਹ ਸਮੱਸਿਆ ਪੈਦਾ ਹੋਈ ਹੈ। ਹਜ਼ਾਰਾਂ ਦੀ ਗਿਣਤੀ ਵਿੱਚ ਤੋਤੇ ਜੰਗਲਾਂ ਵਿੱਚੋਂ ਸ਼ਹਿਰ ਵਿੱਚ ਆ ਗਏ ਹਨ ਜੋ ਗੰਦਗੀ ਫੈਲਾ ਕੇ, ਰੌਲਾ ਪਾ ਕੇ ਅਤੇ ਤਾਰਾਂ ਕੱਟ ਕੇ ਆਮ ਲੋਕਾਂ ਦਾ ਜਿਊਣਾ ਮੁਸ਼ਕਲ ਕਰ ਰਹੇ ਹਨ। ਸ਼ਹਿਰ ਦੇ ਨੇੜੇ ਜੰਗਲਾਂ ਦੀ ਅੰਨ੍ਹੇਵਾਹ ਕਟਾਈ ਕਾਰਨ ਇਹ ਹਰੇ, ਪੀਲੇ ਅਤੇ ਰੰਗ ਦੇ ਪੰਛੀ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸ਼ਹਿਰ ਵਿੱਚ ਆ ਗਏ ਹਨ।

ਰਾਇਟਰਜ਼ ਦੀ ਰਿਪੋਰਟ ਅਨੁਸਾਰ ਤੋਤਿਆਂ ਦੇ ਝੁੰਡ ਬਿਜਲੀ ਦੀਆਂ ਤਾਰਾਂ ਨੂੰ ਕੱਟ ਦਿੰਦੇ ਹਨ, ਜਿਸ ਨਾਲ ਬਿਜਲੀ ਬੰਦ ਹੋ ਜਾਂਦੀ ਹੈ, ਅਤੇ ਕਈ ਵਾਰ ਫੋਨ ਅਤੇ ਇੰਟਰਨੈਟ ਤਾਰਾਂ ਨੂੰ ਕੱਟ ਦਿੱਤਾ ਜਾਂਦਾ ਹੈ। ਇਸ ਕਾਰਨ ਸ਼ਹਿਰ ਵਿੱਚ ਹਰ ਰੋਜ਼ ਕੋਈ ਨਾ ਕੋਈ ਸਮੱਸਿਆ ਪੈਦਾ ਹੁੰਦੀ ਰਹਿੰਦੀ ਹੈ। ਸਥਾਨਕ ਪੱਤਰਕਾਰ ਰੈਮਨ ਅਲਵਾਰੇਜ਼ ਦਾ ਕਹਿਣਾ ਹੈ ਕਿ ਤੋਤੇ ਰੋਜ਼ਾਨਾ ਜੀਵਨ ਵਿੱਚ ਕਈ ਸਮੱਸਿਆਵਾਂ ਪੈਦਾ ਕਰ ਰਹੇ ਹਨ।

ਤੋਤਿਆਂ ਨੂੰ ਭਜਾਉਣ ਦੀ ਕੋਸ਼ਿਸ਼ ਨਾਕਾਮ

ਰੈਮਨ ਅਨੁਸਾਰ ਸਥਾਨਕ ਵਾਸੀਆਂ ਨੇ ਤੋਤਿਆਂ ਨੂੰ ਡਰਾਉਣ ਅਤੇ ਭਜਾਉਣ ਲਈ ਕਈ ਤਰੀਕੇ ਅਪਣਾਏ ਹਨ। ਡਰਾਉਣੀਆਂ ਆਵਾਜ਼ਾਂ ਅਤੇ ਲੇਜ਼ਰ ਲਾਈਟਾਂ ਦੀ ਵਰਤੋਂ ਕਰਕੇ ਤੋਤਿਆਂ ਨੂੰ ਭਜਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ, ਪਰ ਇਹ ਸਾਰੀਆਂ ਚਾਲਾਂ ਅਸਫਲ ਸਾਬਤ ਹੋਈਆਂ ਹਨ। ਲੋਕਾਂ ਦੇ ਰੋਜ਼ਾਨਾ ਜੀਵਨ ਵਿੱਚ ਤੋਤਿਆਂ ਕਾਰਨ ਹੋਣ ਵਾਲੀਆਂ ਸਮੱਸਿਆਵਾਂ ਵਧਦੀਆਂ ਜਾ ਰਹੀਆਂ ਹਨ। ਜੀਵ-ਵਿਗਿਆਨੀਆਂ ਅਨੁਸਾਰ ਆਲੇ-ਦੁਆਲੇ ਦੀਆਂ ਪਹਾੜੀਆਂ ਵਿੱਚ ਜੰਗਲ ਦੂਰ-ਦੂਰ ਤੱਕ ਫੈਲੇ ਹੋਏ ਸਨ। ਇਹ ਪੰਛੀ ਸਾਲਾਂ ਤੋਂ ਇਨ੍ਹਾਂ ਜੰਗਲਾਂ ਵਿਚ ਵੱਡੀ ਗਿਣਤੀ ਵਿਚ ਰਹਿ ਰਹੇ ਹਨ। ਹਾਲ ਹੀ ਦੇ ਸਾਲਾਂ ਵਿੱਚ, ਜੰਗਲਾਂ ਦੀ ਕਟਾਈ ਨੇ ਇਨ੍ਹਾਂ ਰੰਗੀਨ ਪੰਛੀਆਂ ਨੂੰ ਬੇਘਰ ਕਰ ਦਿੱਤਾ ਹੈ। ਜਿਵੇਂ-ਜਿਵੇਂ ਅਰਜਨਟੀਨਾ ਵਿੱਚ ਜੰਗਲ ਅਲੋਪ ਹੋ ਰਹੇ ਹਨ, ਉਹ ਭੋਜਨ, ਪਾਣੀ ਅਤੇ ਆਸਰਾ ਦੀ ਭਾਲ ਵਿੱਚ ਨੇੜਲੇ ਸ਼ਹਿਰਾਂ ਵਿੱਚ ਪਹੁੰਚ ਰਹੇ ਹਨ।

ਪੜ੍ਹੋ ਇਹ ਅਹਿਮ ਖ਼ਬਰ- ਭਾਰਤ, ਕੈਨੇਡਾ ਵਿਚਾਲੇ ਸਬੰਧਾਂ ਨੂੰ ਮਜ਼ਬੂਤ ​​ਕਰਨ ਤਹਿਤ ਗੱਲਬਾਤ 'ਚ ਤੇਜ਼ੀ

ਜੰਗਲਾਂ ਨੂੰ ਬਚਾਉਣ ਨਾਲ ਸਮੱਸਿਆ ਹੋਵੇਗੀ ਹੱਲ 

ਜੀਵ-ਵਿਗਿਆਨੀ ਡਾਇਨਾ ਲੇਰਾ ਦਾ ਕਹਿਣਾ ਹੈ ਕਿ ਪਿਛਲੇ ਕੁਝ ਸਾਲਾਂ ਵਿਚ ਸ਼ਹਿਰ ਵੱਲ ਤੋਤਿਆਂ ਦੀ ਆਵਾਜਾਈ ਤੇਜ਼ੀ ਨਾਲ ਵਧੀ ਹੈ। ਖਾਸ ਤੌਰ 'ਤੇ ਸਰਦੀਆਂ ਦੇ ਮੌਸਮ ਵਿਚ ਉਹ ਪਨਾਹ ਦੀ ਭਾਲ ਵਿਚ ਸ਼ਹਿਰ ਆਉਂਦੇ ਹਨ। ਤੋਤਿਆਂ ਦੇ ਇਹ ਝੁੰਡ ਸਥਾਨਕ ਲੋਕਾਂ ਲਈ ਮੁਸੀਬਤ ਦਾ ਕਾਰਨ ਵੀ ਬਣਦੇ ਹਨ ਪਰ ਸਾਨੂੰ ਸਥਿਤੀ ਸਮਝਣ ਦੀ ਲੋੜ ਹੈ। ਲੇਰਾ ਦਾ ਕਹਿਣਾ ਹੈ ਕਿ ਸਾਨੂੰ ਆਪਣੇ ਕੁਦਰਤੀ ਵਾਤਾਵਰਨ ਨੂੰ ਬਹਾਲ ਕਰਨਾ ਸ਼ੁਰੂ ਕਰਨ ਦੀ ਲੋੜ ਹੈ। ਸਾਨੂੰ ਉਨ੍ਹਾਂ ਰਣਨੀਤੀਆਂ ਬਾਰੇ ਸੋਚਣਾ ਪਵੇਗਾ ਤਾਂ ਜੋ ਵਿਕਾਸ ਦੇ ਨਾਂ 'ਤੇ ਪਸ਼ੂ-ਪੰਛੀਆਂ ਦੇ ਘਰ ਨਾ ਖੋਹ ਲਏ ਜਾਣ। ਇਸ ਰਾਹੀਂ ਹੀ ਅਜਿਹੀਆਂ ਸਮੱਸਿਆਵਾਂ ਦਾ ਸਥਾਈ ਹੱਲ ਨਿਕਲ ਸਕੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।