ਅਮਰੀਕਾ ਦੇ ਇਸ ਸੂਬੇ 'ਚ ਭਾਰਤੀਆਂ ਦੀ ਆਬਾਦੀ ਹੋਈ ਦੁੱਗਣੀ, 20 ਫ਼ੀਸਦੀ ਕਾਰੋਬਾਰ 'ਤੇ ਵੀ ਕਾਬਜ਼

ਇੰਟਰਨੈਸ਼ਨਲ ਡੈਸਕ- ਅਮਰੀਕਾ ਵਿਚ ਵੱਡੀ ਗਿਣਤੀ ਵਿਚ ਭਾਰਤੀ ਭਾਈਚਾਰੇ ਦੇ ਲੋਕ ਰਹਿੰਦੇ ਹਨ। ਇੱਥੋਂ ਦਾ ਦੱਖਣੀ ਰਾਜ ਟੈਕਸਾਸ ਨਵੇਂ ਲਿਟਲ ਇੰਡੀਆ ਵਜੋਂ ਉੱਭਰ ਰਿਹਾ ਹੈ। ਅਮਰੀਕਾ ਦੇ ਉੱਤਰੀ ਅਤੇ ਪੂਰਬੀ ਰਾਜਾਂ ਜਿਵੇਂ ਕਿ ਨਿਊਯਾਰਕ, ਵਾਸ਼ਿੰਗਟਨ, ਬੋਸਟਨ ਅਤੇ ਸ਼ਿਕਾਗੋ ਤੋਂ ਭਾਰਤੀਆਂ ਨੇ ਟੈਕਸਾਸ ਵਿੱਚ ਸੰਭਾਵਨਾਵਾਂ ਦੀ ਖੋਜ ਕੀਤੀ। ਸਿਰਫ਼ 10 ਸਾਲਾਂ ਵਿੱਚ ਇੱਥੇ ਭਾਰਤੀਆਂ ਦੀ ਆਬਾਦੀ ਦੁੱਗਣੀ ਹੋ ਗਈ ਹੈ। 2010 ਵਿੱਚ ਇੱਥੇ 2.30 ਲੱਖ ਭਾਰਤੀ ਸਨ, ਜੋ 2020 ਵਿੱਚ ਵੱਧ ਕੇ ਕਰੀਬ 4.50 ਲੱਖ ਹੋ ਗਏ ਹਨ। 

ਦਬਦਬੇ ਦਾ ਅੰਦਾਜ਼ਾ ਇਸ ਤੱਥ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਟੈਕਸਾਸ ਦੇ ਕੁੱਲ ਕਾਰੋਬਾਰ ਦੇ 20% ਹਿੱਸੇ 'ਤੇ ਭਾਰਤੀਆਂ ਦਾ ਕਬਜ਼ਾ ਹੈ। ਟੈਕਸਾਸ ਵਿੱਚ ਤਕਨਾਲੋਜੀ, ਸਕੂਲ, ਵਿੱਤ, ਸੱਭਿਆਚਾਰ ਅਤੇ ਇੱਥੋਂ ਤੱਕ ਕਿ ਰਾਜਨੀਤੀ ਵਿੱਚ ਵੀ ਭਾਰਤੀਆਂ ਦਾ ਦਬਦਬਾ ਵਧਿਆ ਹੈ। ਟੈਕਸਾਸ ਵਿੱਚ ਰਹਿਣ ਵਾਲੇ ਲਗਭਗ ਸਾਰੇ ਭਾਰਤੀਆਂ ਕੋਲ ਕਾਲਜ ਦੀ ਡਿਗਰੀ ਹੈ। ਅੱਧੇ ਤੋਂ ਵੱਧ ਕੋਲ ਪੇਸ਼ੇਵਰ ਡਿਗਰੀਆਂ ਹਨ। ਟੈਕਸਾਸ ਦੇ ਚਾਰ ਸ਼ਹਿਰਾਂ ਕੋਲਿਨ, ਡੈਂਟਨ, ਡੱਲਾਸ ਅਤੇ ਟੈਰੈਂਟ ਵਿੱਚ ਭਾਰਤੀਆਂ ਦੀ ਉੱਥੇ ਕਾਰੋਬਾਰ ਵਿੱਚ 25 ਫ਼ੀਸਦੀ ਤੱਕ ਹਿੱਸੇਦਾਰੀ ਹੈ।

ਰਾਜਨੀਤੀ ਵਿੱਚ ਮਹੱਤਵਪੂਰਨ ਭੂਮਿਕਾ

ਕਦੇ ਟਰੰਪ ਦੀ ਰਿਪਬਲਿਕਨ ਪਾਰਟੀ ਦਾ ਗੜ੍ਹ ਮੰਨੇ ਜਾਂਦੇ ਟੈਕਸਾਸ ਸੂਬੇ ਵਿੱਚ ਡੈਮੋਕ੍ਰੇਟਿਕ ਪਾਰਟੀ ਹੁਣ ਮਜ਼ਬੂਤ ​​ਹੁੰਦੀ ਜਾ ਰਹੀ ਹੈ। ਇਸ ਦਾ ਮੁੱਖ ਕਾਰਨ ਇੱਥੇ ਭਾਰਤੀਆਂ ਦੀ ਆਬਾਦੀ ਵਧਣਾ ਹੈ। ਡੈਮੋਕਰੇਟਿਕ ਪ੍ਰੇਸਟਨ ਕੁਲਕਰਨੀ ਹਿਊਸਟਨ ਵਿੱਚ ਆਪਣੀ ਪਕੜ ਮਜ਼ਬੂਤ ​​ਕਰ ਰਹੇ ਹਨ। ਟੈਕਸਾਸ ਅਗਲੇ ਸਾਲ ਹੋਣ ਵਾਲੀਆਂ ਰਾਸ਼ਟਰਪਤੀ ਚੋਣਾਂ ਵਿੱਚ ਅਹਿਮ ਭੂਮਿਕਾ ਨਿਭਾਉਣ ਜਾ ਰਿਹਾ ਹੈ। ਇੱਥੇ 40 ਇਲੈਕਟੋਰਲ ਵੋਟਾਂ ਵਿੱਚ ਰਿਪਬਲਿਕਨ ਅਤੇ ਡੈਮੋਕਰੇਟ ਦਾ ਵੋਟ ਸ਼ੇਅਰ 50:49 ਹੈ। ਟੈਕਸਾਸ ਦੇ ਮਹਿੰਦਰ ਜੁਨੇਜਾ ਦਾ ਕਹਿਣਾ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਭਾਰਤੀ ਪ੍ਰਵਾਸੀ ਇੱਥੇ ਹਰ ਖੇਤਰ ਵਿੱਚ ਆਪਣੀ ਮੌਜੂਦਗੀ ਨੂੰ ਹੋਰ ਮਜ਼ਬੂਤ ​​ਕਰਨਗੇ।

ਪੜ੍ਹੋ ਇਹ ਅਹਿਮ ਖ਼ਬਰ-ਨਿਊਜ਼ੀਲੈਂਡ ਦੇ ਪਬਲਿਕ ਰੇਡੀਓ ਨੇ ਰੂਸ ਪੱਖੀ ਖ਼ਬਰਾਂ ਦਿਖਾਉਣ ਲਈ ਮੰਗੀ ਮੁਆਫ਼ੀ, ਜਾਣੋ ਪੂਰਾ ਮਾਮਲਾ 

ਸਭ ਤੋਂ ਵੱਧ ਕਮਾਈ ਕਰਨ ਵਾਲੇ ਪ੍ਰਵਾਸੀ ਵੀ ਭਾਰਤੀ 

ਇੰਸਟੀਚਿਊਟ ਫਾਰ ਅਰਬਨ ਪਾਲਿਸੀ ਅਨੁਸਾਰ ਟੈਕਸਾਸ ਵਿੱਚ ਸਭ ਤੋਂ ਵੱਧ ਭਾਰਤੀ ਡਾਇਸਪੋਰਾ ਦੀ ਔਸਤ ਆਮਦਨ 48.5 ਲੱਖ ਰੁਪਏ ਹੈ। 41% ਭਾਰਤੀਆਂ ਦੀ ਔਸਤ ਕਮਾਈ 1 ਕਰੋੜ 22 ਲੱਖ ਰੁਪਏ ਹੈ। ਗ੍ਰੀਨ ਕਾਰਡ ਧਾਰਕ ਭਾਰਤੀਆਂ ਦੀ ਚੌਥੀ ਸਭ ਤੋਂ ਵੱਡੀ ਆਬਾਦੀ ਟੈਕਸਾਸ ਦੇ ਡੈਲਾਸ ਫੋਰਟ ਵਿੱਚ ਹੈ। ਟੈਕਸਾਸ ਵਿੱਚ ਅੱਧੇ ਤੋਂ ਵੱਧ ਭਾਰਤੀ 3 ਖੇਤਰਾਂ- ਕੰਪਿਊਟਰ ਵਿਗਿਆਨ-STEM, ਪ੍ਰਬੰਧਨ ਅਤੇ ਸਿਹਤ ਸੰਭਾਲ ਵਿੱਚ ਹਨ। ਬਾਕੀ ਤਕਨਾਲੋਜੀ ਖੇਤਰ ਵਿੱਚ ਹਨ। ਇਹ ਅੰਦਾਜ਼ਾ ਲਗਾਇਆ ਗਿਆ ਹੈ ਕਿ 2 ਸਾਲਾਂ ਵਿੱਚ ਭਾਰਤੀ 30% ਕਾਰੋਬਾਰ 'ਤੇ ਕਬਜ਼ਾ ਕਰ ਸਕਦੇ ਹਨ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।