ਅੱਤਵਾਦੀਆਂ ਨੇ ਪੱਛਮੀ ਅਫਗਾਨਿਸਤਾਨ ਵਿੱਚ 11 ਪੁਲਸ ਮੁਲਾਜ਼ਮਾਂ ਨੂੰ ਕੀਤਾ ਕਤਲ

ਹੇਰਾਤ (ਏ.ਐਫ.ਪੀ.)-ਤਾਲੀਬਾਨ ਅੱਤਵਾਦੀਆਂ ਨੇ ਪੱਛਮੀ ਅਫਗਾਨਿਸਤਾਨ ਦੀ ਇੱਕ ਜਾਂਚ ਚੌਕੀ ਉੱਤੇ ਸੰਨ੍ਹ ਲਗਾਕੇ ਹਮਲਾ ਕਰ ਦਿੱਤਾ। ਇਸ ਹਮਲੇ ਵਿੱਚ ਘੱਟੋ-ਘੱਟ 9 ਪੁਲਸ ਮੁਲਾਜ਼ਮਾਂ ਦੀ ਮੌਤ ਹੋ ਗਈ। ਅਧਿਕਾਰੀਆਂ ਨੇ ਅੱਜ ਇਹ ਜਾਣਕਾਰੀ ਦਿੱਤੀ। ਹੇਰਾਤ ਦੇ ਸੂਬਾ ਗਵਰਨਰ ਬੁਲਾਰੇ ਜੈਲਾਨੀ ਫਰਹਾਦ ਨੇ ਏ.ਐਫ.ਪੀ. ਨੂੰ ਦੱਸਿਆ ਕਿ ਦੋ ਹੋਰ ਪੁਲਸ ਮੁਲਾਜ਼ਮਾਂ ਦੀ ਮੌਤ ਇਸ ਜਾਂਚ ਚੌਕੀ ਤੋਂ ਜਾਣ ਵਾਲੇ ਰਸਤੇ ਵਿੱਚ ਰੱਖੇ ਗਏ ਬੰਬ ਦੇ ਫਟਣ ਕਾਰਨ ਹੋ ਗਈ। ਉਥੇ ਹੀ ਇਸ ਘਟਨਾ ਵਿੱਚ ਚਾਰ ਪੁਲਸ ਮੁਲਾਜ਼ਮ ਵੀ ਜਖ਼ਮੀ ਹੋ ਗਏ। ਵੀਰਵਾਰ ਰਾਤ ਜਾਂਚ ਚੌਕੀ ਉੱਤੇ ਹਮਲਾ ਕਰਨ ਤੋਂ ਪਹਿਲਾਂ ਆਪਣੀ ਸਥਿਤੀ ਮਜ਼ਬੂਤ ਕਰਨ ਲਈ ਤਾਲੀਬਾਨ ਨੇ ਇਹ ਹਮਲਾ ਕੀਤਾ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਦੋ ਬਖ਼ਤਰਬੰਦ ਹਮਵੀਜ (ਵਾਹਨ) ਵੀ ਸ਼ਿੰਦਾਂਦ ਜਿਲ੍ਹੇ ਵਿੱਚ ਹੋਏ ਇਸ ਹਮਲੇ ਵਿੱਚ ਤਬਾਹ ਹੋ ਗਏ। ਉਥੇ ਹੀ,ਅੱਤਵਾਦੀਆਂ ਨੇ ਇਸ ਹਮਲੇ ਦੌਰਾਨ ਇੱਥੇ ਮੌਜੂਦ ਹਥਿਆਰਾਂ ਅਤੇ ਗੋਲਾਬਾਰੂਦ ਉੱਤੇ ਵੀ ਕਬਜ਼ਾ ਕਰ ਲਿਆ। ਸ਼ਿੰਦਾਂਦ ਜਿਲ੍ਹੇ ਦੇ ਗਵਰਨਰ ਸ਼ੁਕਰੂੱਲਾ ਸੰਤੋਖੀ ਨੇ ਮਰਨ ਵਾਲਿਆਂ ਦੀ ਗਿਣਤੀ ਦੀ ਪੁਸ਼ਟੀ ਕੀਤੀ ਹੈ। ਰਾਸ਼ਟਰਪਤੀ ਅਸ਼ਰਫ ਗਨੀ ਵਲੋਂ ਸ਼ਾਂਤੀ ਗੱਲਬਾਤ ਦੇ ਪ੍ਰਸਤਾਵ ਨੂੰ ਲੈ ਕੇ ਤਾਲੀਬਾਨ ਦਬਾਅ ਵਿੱਚ ਹੈ ਪਰ ਅਜੇ ਤੱਕ ਸਿੱਧੇ ਤੌਰ ਉੱਤੇ ਅੱਤਵਾਦੀ ਸੰਗਠਨ ਨੇ ਇਸ ਉੱਤੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਹੈ।