SpaceX ਚਾਰ ਪੁਲਾੜ ਯਾਤਰੀਆਂ ਨਾਲ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ਲਈ ਹੋਇਆ ਰਵਾਨਾ

ਕੇਪ ਕੈਨਾਵੇਰਲ (ਭਾਸ਼ਾ): ਸਪੇਸਐਕਸ ਬੁੱਧਵਾਰ ਨੂੰ ਨਾਸਾ ਦੇ ਚਾਰ ਪੁਲਾੜ ਯਾਤਰੀਆਂ ਨਾਲ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ (ਆਈਐਸਐਸ) ਲਈ ਰਵਾਨਾ ਹੋਇਆ। ਜ਼ਿਕਰਯੋਗ ਹੈ ਕਿ ਸਪੇਸਐਕਸ ਨੇ ਦੋ ਦਿਨ ਪਹਿਲਾਂ ਇੱਕ ਚਾਰਟਰਡ ਉਡਾਣ ਪੂਰੀ ਕੀਤੀ ਸੀ। ਇਹ ਪਹਿਲੀ ਵਾਰ ਹੈ ਜਦੋਂ ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਦੇ ਚਾਲਕ ਦਲ ਵਿੱਚ ਮਰਦ ਅਤੇ ਔਰਤਾਂ ਬਰਾਬਰ ਗਿਣਤੀ ਵਿਚ ਹਨ। ਇਨ੍ਹਾਂ ਵਿੱਚੋਂ ਪਹਿਲੀ ਕਾਲੀ ਔਰਤ ਜੈਸਿਕਾ ਵਾਟਕਿੰਸ ਇਕ ਲੰਬੀ ਪੁਲਾੜ ਯਾਤਰਾ ਕਰ ਰਹੀ ਹੈ। 

ਪੜ੍ਹੋ ਇਹ ਅਹਿਮ ਖ਼ਬਰ -ਗੁਤਾਰੇਸ ਨੇ ਪੁਤਿਨ ਨਾਲ ਕੀਤੀ ਮੁਲਾਕਾਤ, ਯੂਕ੍ਰੇਨੀ ਲੋਕਾਂ ਦੀ ਨਿਕਾਸੀ 'ਤੇ ਬਣੀ ਸਹਿਮਤੀ

ਨਾਸਾ ਪੁਲਾੜ ਮਿਸ਼ਨ ਦੀ ਮੁਖੀ ਕੈਥੀ ਲੁਏਡਰਜ਼ ਨੇ ਲਾਂਚ ਦੀ ਪੂਰਵ ਸੰਧਿਆ 'ਤੇ ਕਿਹਾ ਕਿ ਇਹ ਵਿਭਿੰਨਤਾਵਾਂ ਵਿੱਚੋਂ ਇੱਕ ਹੈ, ਮੈਨੂੰ ਲੱਗਦਾ ਹੈ ਕਿ ਇਹ ਅਜਿਹਾ ਚਾਲਕ ਦਲ ਹੈ ਜੋ ਅਸਲ ਵਿਚ ਮੈਂ ਬਹੁਤ ਲੰਬੇ ਸਮੇਂ ਬਾਅਦ ਦੇਖਿਆ ਹੈ। ਪੁਲਾੜ ਯਾਤਰੀ ਰਵਾਨਾ ਹੋਣ ਦੇ 16 ਘੰਟੇ ਬਾਅਦ ਬੁੱਧਵਾਰ ਰਾਤ ਪੁਲਾੜ ਸਟੇਸ਼ਨ ਪਹੁੰਚਣ ਵਾਲੇ ਹਨ। ਉਹ ਆਈਐਸਐਸ ਵਿੱਚ ਪੰਜ ਮਹੀਨੇ ਬਿਤਾਉਣਗੇ। ਐਲੋਨ ਮਸਕ ਦੇ ਸਪੇਸਐਕਸ ਨੇ ਨਾਸਾ ਲਈ ਪੰਜ ਪੁਲਾੜ ਯਾਤਰੀ ਅਤੇ ਦੋ ਨਿੱਜੀ ਪੁਲਾੜ ਯਾਤਰਾ ਮਿਸ਼ਨ ਭੇਜੇ ਹਨ। ਨਵੇਂ ਪੁਲਾੜ ਯਾਤਰੀਆਂ ਦੇ ਆਈਐਸਐਸ 'ਤੇ ਪਹੁੰਚਣ ਤੋਂ ਬਾਅਦ ਇਹ ਤਿੰਨ ਅਮਰੀਕੀ ਅਤੇ ਇਕ ਜਰਮਨ ਪੁਲਾੜ ਯਾਤਰੀ ਜਿਹੜੇ ਲੋਕਾਂ ਦੀ ਜਗ੍ਹਾ ਲੈਣਗੇ, ਉਹ ਸਪੇਸਐਕਸ ਦੇ ਆਪਣੇ ਕੈਪਸੂਲ ਦੁਆਰਾ ਧਰਤੀ 'ਤੇ ਵਾਪਸ ਆਉਣਗੇ। ਆਈਐਸਐਸ 'ਤੇ ਤਿੰਨ ਰੂਸੀ ਪੁਲਾੜ ਯਾਤਰੀ ਵੀ ਹਨ।

ਪੜ੍ਹੋ ਇਹ ਅਹਿਮ ਖ਼ਬਰ- ਸ਼ਾਹਬਾਜ਼ ਸ਼ਰੀਫ ਨੇ ਅਮਰੀਕਾ ਨੂੰ ਲੈ ਕੇ ਦਿੱਤਾ ਅਹਿਮ ਬਿਆਨ, ਕਿਹਾ-ਪਿਛਲੀ ਸਰਕਾਰ ਦੇ ਫ਼ੈਸਲੇ 'ਤੇ ਅਫ਼ਸੋਸ