ਸਿੰਗਾਪੁਰ ਦੇ ਰਾਸ਼ਟਰਪਤੀ ਨੇ ਬਚਾਅ ਕਾਰਜਾਂ ਵਿੱਚ ਸ਼ਾਮਲ ਪ੍ਰਵਾਸੀ ਕਾਮਿਆਂ ਨਾਲ ਕੀਤੀ ਮੁਲਾਕਾਤ

ਇੰਟਰਨੈਸ਼ਨਲ ਡੈਸਕ- ਸਿੰਗਾਪੁਰ ਦੇ ਰਾਸ਼ਟਰਪਤੀ ਥਰਮਨ ਸ਼ਨਮੁਗਰਤਨਮ ਨੇ ਐਤਵਾਰ ਨੂੰ ਸਿੰਗਾਪੁਰ ਵਿੱਚ ਦੋ ਵੱਖ-ਵੱਖ ਬਚਾਅ ਕਾਰਜਾਂ ਵਿੱਚ ਸ਼ਾਮਲ ਪ੍ਰਵਾਸੀ ਕਾਮਿਆਂ, ਜਿਨ੍ਹਾਂ ਵਿੱਚ ਭਾਰਤੀ ਵੀ ਸ਼ਾਮਲ ਸਨ, ਨਾਲ ਮੁਲਾਕਾਤ ਕੀਤੀ। ਇਕ ਰਿਪੋਰਟ ਅਨੁਸਾਰ ਸ਼ਨਮੁਗਰਤਨਮ ਅਤੇ ਉਨ੍ਹਾਂ ਦੀ ਪਤਨੀ ਜੇਨ ਇਟੋਗੀ ਨੇ ਸਿੰਗਾਪੁਰ ਦੀ ਆਜ਼ਾਦੀ ਦੇ 60 ਸਾਲ ਪੂਰੇ ਹੋਣ 'ਤੇ ਰਾਸ਼ਟਰਪਤੀ ਮਹਿਲ ਵਿੱਚ ਆਯੋਜਿਤ ਇੱਕ ਰਾਸ਼ਟਰੀ ਦਿਵਸ ਓਪਨ ਹਾਊਸ ਵਿੱਚ ਕਾਮਿਆਂ ਦਾ ਸਵਾਗਤ ਕੀਤਾ। 

ਇੱਕ ਘਟਨਾ ਵਿੱਚ 46 ਸਾਲਾ ਭਾਰਤੀ ਫੋਰਮੈਨ ਅਤੇ ਉਨ੍ਹਾਂ ਦੀ 7 ਮੈਂਬਰਾਂ ਦੀ ਟੀਮ ਨੇ 26 ਜੁਲਾਈ ਨੂੰ ਤਾਨਜੋਂਗ ਕਾਟੋਂਗ ਰੋਡ ਸਾਊਥ 'ਤੇ ਇੱਕ ਸਿੰਕਹੋਲ ਵਿੱਚ ਡਿੱਗੀ ਕਾਰ ਵਿੱਚੋਂ ਇੱਕ ਔਰਤ ਨੂੰ ਬਚਾਇਆ। ਇੱਕ ਹੋਰ ਘਟਨਾ ਵਿੱਚ ਇਸ ਸਾਲ ਅਪ੍ਰੈਲ ਵਿੱਚ ਰਿਵਰ ਵੈਲੀ ਵਿੱਚ ਤੀਜੀ ਮੰਜ਼ਿਲ ਦੀ ਇੱਕ ਸੜਦੀ ਹੋਈ ਦੁਕਾਨ ਤੋਂ 11 ਕਰਮਚਾਰੀਆਂ ਨੇ ਬੱਚਿਆਂ ਨੂੰ ਬਚਾਉਣ ਵਿੱਚ ਮਦਦ ਕੀਤੀ। 

ਇਹ ਵੀ ਪੜ੍ਹੋ- ਧਾਰਮਿਕ ਸਥਾਨ 'ਤੇ ਜਾ ਰਹੇ ਸ਼ਰਧਾਲੂਆਂ ਦੀ ਨਹਿਰ 'ਚ ਜਾ ਡਿੱਗੀ ਗੱਡੀ, 11 ਦੀ ਹੋ ਗਈ ਮੌਤ

ਰਾਸ਼ਟਰਪਤੀ ਥਰਮਨ ਨੇ ਮਹਿਲਾ ਡਰਾਈਵਰ ਨੂੰ ਬਚਾਉਣ ਵਾਲੇ ਕਾਮਿਆਂ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ, "ਤੁਸੀਂ ਉਸ ਦੀ ਜਾਨ ਬਚਾਈ, ਧੰਨਵਾਦ।" ਔਰਤ ਨੂੰ ਬਚਾਉਣ ਵਾਲਿਆਂ ਵਿੱਚ ਖੁਦਾਈ ਕਰਨ ਵਾਲੇ ਆਪਰੇਟਰ ਸਦਾਪਿਲਈ ਰਾਜੇਂਦਰਨ (56), ਅਤੇ ਉਸ ਦੇ ਸਹਿਯੋਗੀ ਅਨਬਾਜ਼ਗਨ ਵੇਲਮੁਰੁਗਨ (26), ਪੂਮਾਲਾਈ ਸਰਵਨਨ (28), ਗਣੇਸ਼ਨ ਵੀਰਾਸੇਕਰਨ (32), ਬੋਸ ਅਜੀਤਕੁਮਾਰ (26) ਅਤੇ ਅਰੁਮੁਗਮ ਚੰਦੀਰਸੇਕਰਨ (47) ਸ਼ਾਮਲ ਸਨ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e