ਸ਼੍ਰੀਲੰਕਾ ''ਚ ਦਿਤਵਾ ਚੱਕਰਵਾਤ ਕਾਰਨ 190 ਲੋਕਾਂ ਦੀ ਮੌਤ, ਭਾਰਤ ਦੀ ਮਦਦ ਨਾਲ ਬਚਾਅ ਮੁਹਿੰਮ ਜਾਰੀ

ਕੋਲੰਬੋ- ਸ਼੍ਰੀਲੰਕਾ ਨੇ ਚੱਕਰਵਾਤ 'ਦਿਤਵਾ' ਕਾਰਨ ਆਏ ਹੜ੍ਹ ਅਤੇ ਜ਼ਮੀਨ ਖਿਸਕਣ ਨਾਲ ਹੋਈ ਤਬਾਹੀ ਅਤੇ 190 ਤੋਂ ਵੱਧ ਲੋਕਾਂ ਦੀ ਮੌਤ ਤੋਂ ਬਾਅਦ ਐਤਵਾਰ ਨੂੰ ਭਾਰਤ ਦੀ ਮਦਦ ਨਾਲ ਰਾਹਤ ਤੇ ਬਚਾਅ ਕੰਮ ਜਾਰੀ ਰੱਖਿਆ। ਸ਼੍ਰੀਲੰਕਾ ਦੇ ਆਫ਼ਤ ਪ੍ਰੰਬਧਨ ਕੇਂਦਰ (ਡੀਐੱਮਸਈ) ਵਲੋਂ ਐਤਵਾਰ ਦੁਪਹਿਰ 12 ਵਜੇ ਜਾਰੀ ਕੀਤੇ ਗਏ ਅੰਕੜਿਆਂ ਅਨੁਸਾਰ, ਵੀਰਵਾਰ ਤੋਂ ਹੁਣ ਤੱਕ 193 ਲੋਕਾਂ ਦੀ ਮੌਤ ਹੋ ਚੁਕੀ ਹੈ ਅਤੇ 228 ਲੋਕ ਲਾਪਤਾ ਹਨ। ਡੀਐੱਮਸੀ ਨੇ ਦੱਸਿਆ ਕਿ 9,68,304 ਲੋਕ ਪ੍ਰਭਾਵਿਤ ਹੋਏ ਹਨ। 

ਇਸ ਵਿਚ, ਭਾਰਤ ਦੀ ਰਾਸ਼ਟਰੀ ਆਫ਼ਤ ਪ੍ਰਤੀਕਿਰਿਆ ਫ਼ੋਰਸ (ਐੱਨਡੀਆਰਐੱਫ) ਅਤੇ ਭਾਰਤੀ ਹਵਾਈ ਫ਼ੌਜ ਦੇ ਕਰਮਚਾਰੀ ਲੋਕਾਂ ਦੀ ਜਾਨ ਬਚਾਉਣ 'ਚ ਸ਼੍ਰੀਲੰਕਾਈ ਅਧਿਕਾਰੀਆਂ ਦੀ ਮਦਦ ਲਈ ਜੰਗੀ ਪੱਧਰ 'ਤੇ ਕੰਮ ਕਰ ਰਹੇ ਹਨ। ਵਿਦੇਸ਼ ਮੰਤਰੀ ਐੱਸ. ਜੈਸ਼ੰਕਰ ਨੇ ਸੋਸ਼ਲ ਮੀਡੀਆ 'ਤੇ ਲਿਖਿਆ,''ਐੱਨਡੀਆਰਐੱਫ ਦੇ ਕਰਮਚਾਰੀ ਸ਼੍ਰੀਲੰਕਾ 'ਚ ਸਥਾਨਕ ਅਧਿਕਾਰੀਆਂ ਨਾਲ ਕਰੀਬੀ ਤਾਲਮੇਲ ਦੇ ਅਧੀਨ ਰਾਹਤ ਮੁਹਿੰਮ ਜਾਰੀ ਰੱਖੇ ਹੋਏ ਹਨ।'' ਭਾਰਤ ਨੇ ਆਪਰੇਸ਼ਨ ਸਾਗਰ ਬੰਧੂ ਦੇ ਅਧੀਨ ਐੱਨਡੀਆਰਐੱਫ ਦੇ 80 ਕਰਮਚਾਰੀਆਂ ਦੇ 2 ਤਲਾਸ਼ ਅਤੇ ਬਚਾਅ ਟੀਮਾਂ ਨੂੰ ਸ਼੍ਰੀਲੰਕਾ ਭੇਜਿਆ ਹੈ।