ਦੱਖਣੀ ਇਲੀਨੋਇਸ ’ਚ ਗੋਲੀਬਾਰੀ, ਸ਼ੱਕੀ ਫਰਾਰ

ਈਸਟ ਸੈਂਟ ਲੁਈਸ/ਅਮਰੀਕਾ (ਭਾਸ਼ਾ) : ਅਮਰੀਕਾ ਦੇ ਦੱਖਣੀ ਇਲੀਨੋਇਸ ਵਿਚ ਵੀਰਵਾਰ ਨੂੰ ਗੋਲੀਬਾਰੀ ਵਿਚ ਕਈ ਲੋਕ ਜ਼ਖ਼ਮੀ ਹੋ ਗਏ। ‘ਬੇਲੇਵਿਲੇ ਨਿਊਜ਼-ਡੈਮੋਕ੍ਰੇਟ’ ਦੀ ਖ਼ਬਰ ਮੁਤਾਬਕ ਗੋਲੀਬਾਰੀ ਦੇ ਪੀੜਤਾਂ ਵਿਚ ਇਕ ਪੁਰਸ਼ ਅਤੇ ਇਕ ਮਹਿਲਾ ਸ਼ਾਮਲ ਹੈ ਪਰ ਪੁਲਸ ਨੇ ਅਜੇ ਪੀੜਤਾਂ ਦੀ ਸਹੀ ਸੰਖਿਆ ਦੇ ਬਾਰੇ ਵਿਚ ਨਹੀਂ ਦੱਸਿਆ ਹੈ। ਈਸਟ ਸੈਂਟ ਲੁਈਸ ਪੁਲਸ ਮੁਖੀ ਕੈਂਡਲ ਪੇਰੀ ਨੇ ਦੱਸਿਆ ਕਿ ‘ਕਈ ਲੋਕਾਂ ’ਤੇ ਗੋਲੀਆਂ’ ਚਲਾਈਆਂ ਗਈਆਂ।

ਕੇ.ਐਮ.ਓ.ਵੀ.-ਟੀ.ਵੀ. ਦੀ ਖ਼ਬਰ ਮੁਤਾਬਕ ਗੋਲੀਬਾਰੀ ਦੇ ਸ਼ੱਕੀਆਂ ਨੇ ਨਜ਼ਦੀਕ ਦੇ ਇਕ ਰੇਲਵੇ ਕ੍ਰਾਸਿੰਗ ਨੂੰ ਪਾਰ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਉਨ੍ਹਾਂ ਦੀ ਗੱਡੀ ਉਥੇ ਫਸ ਗਈ। ਪੁਲਸ ਜੰਗਲੀ ਖ਼ੇਤਰ ਵਿਚ ਸ਼ੱਕੀਆਂ ਦੀ ਭਾਲ ਕਰ ਰਹੀ ਹੈ। ਇਲੀਨੋਇਸ ਸੂਬਾ ਪੁਲਸ ਨੇ ਇਕ ਸਮਾਚਾਰ ਬਿਆਨ ਵਿਚ ਕਿਹਾ ਕਿ ਗੋਲੀਬਾਰੀ ਸ਼ਾਮ 4 ਵਜੇ ਦੇ ਬਾਅਦ ਹੋਈ।