70 ਦੀ ਉਮਰ ''ਚ ਇਸ ਔਰਤ ਨੇ ਹਫ਼ਤੇ ''ਚ 3 ਦਿਨ ਭੁੱਖੇ ਰਹਿਣ ਦਾ ਬਣਾਇਆ ਨਿਯਮ, ਦੱਸੇ ਜ਼ਬਰਦਸਤ ਫਾਇਦੇ

ਇੰਟਰਨੈਸ਼ਨਲ ਡੈਸਕ : ਜੇ ਕਿਸੇ ਵਿਅਕਤੀ ਦੀ ਜੇਬ 'ਚ ਪੈਸੇ ਨਾ ਹੋਣ ਤਾਂ ਉਸ ਦਾ ਭੁੱਖਾ ਰਹਿਣਾ ਸਮਝ ਵਿੱਚ ਆਉਂਦਾ ਹੈ ਪਰ ਜੇਕਰ ਤੁਹਾਡੇ ਕੋਲ ਅਰਬਾਂ ਦੀ ਜਾਇਦਾਦ ਹੋਵੇ ਅਤੇ ਤੁਸੀਂ ਫਿਰ ਵੀ ਭੁੱਖੇ ਰਹੋ ਤਾਂ ਮਾਮਲਾ ਥੋੜ੍ਹਾ ਸਮਝ ਤੋਂ ਬਾਹਰ ਹੈ। ਹੁਣ ਕੋਈ ਮਜ਼ੇ ਲਈ ਤਾਂ ਅਜਿਹਾ ਕਰਦਾ ਨਹੀਂ ਹੋਵੇਗਾ। ਜ਼ਾਹਿਰ ਹੈ ਕਿ ਇਸ ਪਿੱਛੇ ਕੋਈ ਮਜਬੂਰੀ ਜ਼ਰੂਰ ਹੋਵੇਗੀ। ਅਜਿਹੀ ਹੀ ਕਹਾਣੀ ਹੈ ਟੀਵੀ ਸਟਾਰ ਸ਼ੈਰੋਨ ਓਸਬੋਰਨ (Sharon Osbourne) ਦੀ, ਜਿਸ ਨੇ ਆਪਣੀ ਜੀਵਨ ਸ਼ੈਲੀ ਬਾਰੇ ਅਜੀਬ ਖੁਲਾਸੇ ਕੀਤੇ ਹਨ। ਇਸ ਬਾਰੇ ਜਾਣ ਕੇ ਲੋਕ ਕਾਫੀ ਹੈਰਾਨ ਹਨ।

ਇਹ ਵੀ ਪੜ੍ਹੋ : ਸਿੱਧੂ ਮੂਸੇਵਾਲਾ ਕਤਲ ਕਾਂਡ: ਸਚਿਨ ਬਿਸ਼ਨੋਈ ਅਦਾਲਤ ’ਚ ਪੇਸ਼, ਜਾਣੋ ਕਿੰਨੇ ਦਿਨਾਂ ਦਾ ਮਿਲਿਆ ਪੁਲਸ ਰਿਮਾਂਡ

ਅੰਗਰੇਜ਼ੀ ਵੈੱਬਸਾਈਟ 'ਡੇਲੀ ਮੇਲ' 'ਚ ਛਪੀ ਰਿਪੋਰਟ ਮੁਤਾਬਕ ਅਮਰੀਕਾ ਦੀ ਮਸ਼ਹੂਰ ਟੀਵੀ ਸਟਾਰ ਨੇ ਕਿਹਾ ਕਿ ਉਹ ਫਿੱਟ ਰਹਿਣ ਲਈ ਕੁਝ ਦਿਨ ਪਹਿਲਾਂ ਓਜ਼ੈਂਪਿਕ ਨਾਂ ਦੀ ਦਵਾਈ ਲੈਂਦੀ ਸੀ, ਜਿਸ ਕਾਰਨ ਉਸ ਦਾ ਭਾਰ ਤੇਜ਼ੀ ਨਾਲ ਘਟਿਆ ਪਰ ਇਸ ਦੌਰਾਨ ਉਸ ਦੇ ਸਰੀਰ 'ਚ ਊਰਜਾ ਨਹੀਂ ਰਹੀ। ਸ਼ੈਰੋਨ ਨੇ ਦਵਾਈ ਬਾਰੇ ਦਾਅਵਾ ਕੀਤਾ ਕਿ ਇਸ ਨੇ ਉਸ ਦਾ ਭਾਰ 13 ਕਿਲੋ ਘਟਾ ਦਿੱਤਾ ਹੈ ਪਰ ਉਹ ਐਨਰਜੈਟਿਕ ਫੀਲ ਨਹੀਂ ਕਰਦੀ ਸੀ। ਅਜਿਹੇ 'ਚ ਉਸ ਨੇ ਭਾਰ ਘਟਾਉਣ ਲਈ ਨਵਾਂ ਫਾਰਮੂਲਾ ਅਪਣਾਇਆ ਹੈ, ਜਿਸ ਕਾਰਨ ਹੁਣ ਉਸ ਦੀ ਲਾਈਫ਼ 'ਸੈੱਟ' ਹੋ ਗਈ ਹੈ।

ਇਹ ਵੀ ਪੜ੍ਹੋ : ਵੱਡੀ ਖ਼ਬਰ : ਭਾਰਤ 'ਚ ਬੰਦ ਹੋਈ ਅਫਗਾਨ ਅੰਬੈਸੀ, ਜਾਣੋ ਕਿਉਂ ਆਈ ਇਹ ਨੌਬਤ

ਭੁੱਖੇ ਰਹਿਣ ਦਾ ਕਿਉਂ ਲਿਆ ਫ਼ੈਸਲਾ?

ਸ਼ੈਰੋਨ ਨੇ ਦੱਸਿਆ ਕਿ ਉਸ ਨੇ ਰੁਕ-ਰੁਕ (Intermittent fasting) ਕੇ ਵਰਤ ਰੱਖਣ ਦਾ ਸਹਾਰਾ ਲਿਆ। ਉਸ ਨੇ ਦੱਸਿਆ ਕਿ ਇਸ ਤਰ੍ਹਾਂ ਦੇ ਵਰਤ ਰੱਖਣ ਕਾਰਨ ਉਸ ਦਾ ਸਰੀਰ ਹੁਣ ਕਾਫੀ ਫਿੱਟ ਹੈ। ਇਸ ਨਾਲ ਸਰੀਰ 'ਚ ਵਾਧੂ ਚਰਬੀ ਘੱਟ ਹੋਣ ਲੱਗਦੀ ਹੈ। ਇਹ ਦਿਲ ਦੇ ਰੋਗੀਆਂ ਲਈ ਇਕ ਰਾਮਬਾਣ ਹੈ।

ਉਸ ਨੇ ਦਾਅਵਾ ਕੀਤਾ ਕਿ ਜੇਕਰ ਤੁਹਾਡਾ ਭਾਰ ਦਵਾਈ ਨਾਲ ਘਟਦਾ ਹੈ ਤਾਂ ਵੀ ਤੁਹਾਡੇ ਸਰੀਰ ਨੂੰ ਉਹ ਲਾਭ ਨਹੀਂ ਮਿਲਦਾ ਜੋ ਰੁਕ-ਰੁਕ ਕੇ ਵਰਤ ਰੱਖਣ ਨਾਲ ਮਿਲਦਾ ਹੈ। ਦੱਸ ਦੇਈਏ ਕਿ ਸ਼ੈਰੋਨ ਨੂੰ ਅਮਰੀਕਾ ਦੇ ਸਭ ਤੋਂ ਮਹਿੰਗੇ ਸਿਤਾਰਿਆਂ ਵਿੱਚ ਗਿਣਿਆ ਜਾਂਦਾ ਹੈ। ਉਹ ਅਮਰੀਕਾ ਦੇ ਸਭ ਤੋਂ ਮਸ਼ਹੂਰ ਟੀਵੀ ਰਿਐਲਿਟੀ ਸਟਾਰਾਂ 'ਚੋਂ ਇਕ ਹੈ। ਉਸ ਦੀ ਕੁਲ ਜਾਇਦਾਦ ਲਗਭਗ 18 ਅਰਬ ਰੁਪਏ ਹੈ।

ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।

ਜਗ ਬਾਣੀ ਈ-ਪੇਪਰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

 For IOS:- https://itunes.apple.com/in/app/id538323711?mt=8