ਸੇਨੇਗਲ : ਪੁਰਸ਼ ਸਾਂਸਦਾਂ ਨੇ ਬਹਿਸ ਦੌਰਾਨ ਗਰਭਵਤੀ ਮਹਿਲਾ ਸਾਂਸਦ ਦੇ ਢਿੱਡ 'ਚ ਮਾਰੀ ਲੱਤ, ਤਸਵੀਰਾਂ ਵਾਇਰਲ

ਡਕਾਰ (ਬਿਊਰੋ): ਪੱਛਮੀ ਅਫ਼ਰੀਕਾ ਦੇ ਦੇਸ਼ ਸੇਨੇਗਲ ਦੀ ਸੰਸਦ ਵਿੱਚ 1 ਦਸੰਬਰ 2022 ਨੂੰ ਭਿਆਨਕ ਹਿੰਸਾ ਹੋਈ। ਇਹ ਹਿੰਸਾ ਇੰਨੀ ਵੱਧ ਗਈ ਸੀ ਕਿ ਇੱਥੋਂ ਦੇ ਸੰਸਦ ਮੈਂਬਰਾਂ ਨੇ ਆਪਣੀ ਮਹਿਲਾ ਸਾਥੀ ਦੇ ਢਿੱਡ 'ਤੇ ਲੱਤ ਮਾਰ ਦਿੱਤੀ। ਇਹ ਮਹਿਲਾ ਸਾਂਸਦ ਗਰਭਵਤੀ ਸੀ ਅਤੇ ਹਿੰਸਾ ਕਾਰਨ ਬੇਹੋਸ਼ ਹੋ ਗਈ। ਜਦੋਂ ਹਿੰਸਾ ਹੋਈ, ਉਸ ਸਮੇਂ ਸੰਸਦ 'ਚ ਬਜਟ 'ਤੇ ਬਹਿਸ ਹੋ ਰਹੀ ਸੀ। ਇਹ ਬਹਿਸ ਕਦੋਂ ਹਿੰਸਾ ਵਿੱਚ ਬਦਲ ਗਈ, ਕਿਸੇ ਨੂੰ ਪਤਾ ਨਹੀਂ ਲੱਗਾ। ਆਪਣੇ ਸਹਿਯੋਗੀ ਦੇ ਢਿੱਡ 'ਤੇ ਲੱਤ ਮਾਰਨ ਵਾਲੇ ਦੋ ਸੰਸਦ ਮੈਂਬਰਾਂ ਨੂੰ ਛੇ ਮਹੀਨਿਆਂ ਲਈ ਜੇਲ੍ਹ ਭੇਜ ਦਿੱਤਾ ਗਿਆ। ਜਿਸ ਸਮੇਂ ਇਹ ਘਟਨਾ ਵਾਪਰੀ, ਉਸ ਸਮੇਂ ਨਦੀਏ ਨੂੰ ਥੱਪੜ ਮਾਰਨ ਦੀਆਂ ਖ਼ਬਰਾਂ ਆਈਆਂ ਸਨ। ਇਹ ਪਹਿਲੀ ਵਾਰ ਹੈ ਜਦੋਂ ਅਜਿਹੀ ਘਟਨਾ ਵਾਪਰੀ ਹੈ ਜਿੱਥੇ ਕਿਸੇ ਗਰਭਵਤੀ ਮਹਿਲਾ ਸੰਸਦ ਮੈਂਬਰ ਨੂੰ ਨਿਸ਼ਾਨਾ ਬਣਾਇਆ ਗਿਆ।

ਦੇਣਾ ਪਵੇਗਾ ਜੁਰਮਾਨਾ 

ਸੇਨੇਗਲ ਦੇ ਸੰਸਦ ਮੈਂਬਰ ਮਾਮਦੌ ਨਿਆਂਗ ਅਤੇ ਮਸਾਤਾ ਸਾਂਬ ਨੂੰ ਜੇਲ੍ਹ ਭੇਜ ਦਿੱਤਾ ਗਿਆ। ਦੋਵਾਂ ਨੇ ਸੰਸਦ ਮੈਂਬਰ ਐਮੀ ਨਦੀਏ ਦੇ ਢਿੱਡ 'ਤੇ ਲੱਤ ਮਾਰੀ ਸੀ। ਐਮੀ ਨੇ ਇਕ ਵਿਰੋਧੀ ਧਾਰਮਿਕ ਨੇਤਾ 'ਤੇ ਟਿੱਪਣੀ ਕੀਤੀ ਸੀ। ਇਸ ਕਾਰਨ ਦੋਵੇਂ ਸੰਸਦ ਮੈਂਬਰ ਕਾਫੀ ਨਾਰਾਜ਼ ਸਨ। ਨਿਆਂਗ ਅਤੇ ਸਾਬ ਨੂੰ ਨਾਦੀਆ ਨੂੰ 8,100 ਡਾਲਰ ਅਦਾ ਕਰਨ ਦਾ ਹੁਕਮ ਦਿੱਤਾ ਗਿਆ ਹੈ। ਇਸ ਘਟਨਾ ਦੀ ਹਰ ਪਾਸੇ ਨਿੰਦਾ ਹੋ ਰਹੀ ਹੈ। ਇਸ ਦੇ ਨਾਲ ਹੀ ਇਸ ਦਾ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਲੋਕ ਔਰਤਾਂ ਦੇ ਅਧਿਕਾਰਾਂ ਦੀ ਗੱਲ ਵੀ ਕਰ ਰਹੇ ਹਨ।

ਬੱਚੇ ਦੀ ਗਰਭ 'ਚ ਮੌਤ!

A violent brawl broke out in Senegal's parliament after a male opposition lawmaker slapped a female colleague in the face, amid growing acrimony between ruling and opposition party politicians https://t.co/NKyrAKvNiT pic.twitter.com/RMOYNBkgNZ

— Reuters (@Reuters) December 2, 2022

ਵਾਇਰਲ ਹੋ ਰਹੀ ਵੀਡੀਓ 'ਚ ਸਾਫ ਦਿਖਾਈ ਦੇ ਰਿਹਾ ਹੈ ਕਿ ਕਿਵੇਂ ਸਾਂਸਦ ਨਦੀਏ ਵੱਲ ਵਧਦੇ ਹਨ। 1 ਦਸੰਬਰ ਨੂੰ ਚੱਲ ਰਹੀ ਬਜਟ ਬਹਿਸ ਦੌਰਾਨ ਨਦੀਏ ਨੂੰ ਥੱਪੜ ਮਾਰਿਆ ਗਿਆ। ਨਦੀਏ ਫਿਰ ਜਵਾਬ ਵਿਚ ਕੁਰਸੀ ਸੁੱਟ ਦਿੰਦੀ ਹੈ। ਪਰ ਇਸ ਵਾਰ ਉਸ ਦੇ ਢਿੱਡ ਵਿੱਚ ਲੱਤ ਮਾਰੀ ਗਈ। ਫਿਰ ਸਥਿਤੀ ਕਾਬੂ ਤੋਂ ਬਾਹਰ ਹੋ ਜਾਂਦੀ ਹੈ ਅਤੇ ਬਾਕੀ ਸੰਸਦ ਮੈਂਬਰ ਇਸ ਨੂੰ ਕਾਬੂ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ। ਨਦੀਏ ਸੱਤਾਧਾਰੀ ਬੇਨੋ ਬੋਕ ਯਾਕਰ ਗੱਠਜੋੜ ਦੀ ਮੈਂਬਰ ਹੈ। ਇਸ ਘਟਨਾ ਤੋਂ ਬਾਅਦ ਉਹ ਸੰਸਦ 'ਚ ਹੀ ਬੇਹੋਸ਼ ਹੋ ਗਈ ਅਤੇ ਸ਼ੱਕ ਜਤਾਇਆ ਗਿਆ ਕਿ ਸ਼ਾਇਦ ਉਸ ਦੇ ਬੱਚੇ ਦੀ ਗਰਭ 'ਚ ਹੀ ਮੌਤ ਹੋ ਗਈ।

ਪੜ੍ਹੋ ਇਹ ਅਹਿਮ ਖ਼ਬਰ-ਜਦੋਂ ਔਰਤ ਨੇ ਅਚਾਨਕ 3 ਸਾਲਾ ਮਾਸੂਮ ਨੂੰ ਰੇਲ ਪਟੜੀ 'ਤੇ ਦੇ ਦਿੱਤਾ ਧੱਕਾ, ਵੀਡੀਓ ਵਾਇਰਲ

ਪਿਛਲੇ ਸਾਲ ਤੋਂ ਤਣਾਅ ਬਰਕਰਾਰ

ਨਦੀਏ ਦੇ ਵਕੀਲ ਮੁਤਾਬਕ ਹਸਪਤਾਲ ਤੋਂ ਆਉਣ ਤੋਂ ਬਾਅਦ ਵੀ ਉਹ ਕਾਫੀ ਮੁਸ਼ਕਿਲ 'ਚ ਹੈ। ਨਿਆਂਗ ਅਤੇ ਸਾਂਬ ਦੇ ਵਕੀਲਾਂ ਨੇ ਅਦਾਲਤ ਵਿਚ ਦਲੀਲ ਦਿੱਤੀ ਕਿ ਸਬੂਤ ਵਜੋਂ ਉਪਲਬਧ ਵੀਡੀਓ ਦੇ ਸਾਹਮਣੇ ਆਉਣ ਤੋਂ ਬਾਅਦ ਵੀ ਦੋਵਾਂ ਨੇ ਨਦੀਏ 'ਤੇ ਹਮਲਾ ਨਹੀਂ ਕੀਤਾ ਸੀ। ਉਨ੍ਹਾਂ ਦੇ ਇੱਕ ਵਕੀਲ ਅਬਦੀ ਨਰ ਨਦੀਏ ਨੇ ਕਿਹਾ ਕਿ ਇੱਕ ਅਪੀਲ ਪੈਂਡਿੰਗ ਹੈ ਅਤੇ ਉਦੋਂ ਤੱਕ ਦੋਵੇਂ ਦੋਸ਼ੀ ਜੇਲ੍ਹ ਵਿੱਚ ਹੀ ਰਹਿਣਗੇ। ਸੇਨੇਗਲ ਦੀ ਸੰਸਦ ਵਿਚ ਪਿਛਲੇ ਸਾਲ ਜੁਲਾਈ ਵਿਚ ਵਿਧਾਨ ਸਭਾ ਚੋਣਾਂ ਵਿਚ ਸਰਕਾਰ ਦੇ ਬਹੁਮਤ ਗੁਆਉਣ ਤੋਂ ਬਾਅਦ ਤਣਾਅ ਬਣਿਆ ਹੋਇਆ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।