ਟਰੰਪ ਦੀ ਸੈਕਟਰੀ ਵੱਲੋਂ ਖੁਲਾਸਾ, ਕਿਮ ਜੋਂਗ ਉਨ ਨੇ ਉਹਨਾਂ ਨੂੰ ਮਾਰੀ ਸੀ ਅੱਖ

ਵਾਸ਼ਿੰਗਟਨ (ਬਿਊਰੋ): ਉੱਤਰੀ ਕੋਰੀਆ ਦੇ ਸ਼ਾਸਕ ਕਿਮ ਜੋਂਗ ਉਨ ਸਬੰਧੀ ਵ੍ਹਾਈਟ ਹਾਊਸ਼ ਦੀ ਸਾਬਕਾ ਪ੍ਰੈੱਸ ਸੈਕਟਰੀ ਨੇ ਹੈਰਾਨ ਕਰ ਦੇਣ ਵਾਲੇ ਖੁਲਾਸੇ ਕੀਤੇ ਹਨ। ਸਾਬਕਾ ਪ੍ਰੈੱਸ ਸੈਕਟਰੀ ਸਾਰਾ ਸੈਂਡਰਸ ਨੇ ਆਪਣੀ ਨਵੀਂ ਕਿਤਾਬ ਵਿਚ ਦੱਸਿਆ ਹੈ ਕਿ ਕਿਮ ਜੋਂਗ ਉਨ ਨੇ ਇਕ ਵਾਰ ਉਹਨਾਂ ਨਾਲ ਫਲਰਟ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ।

ਜੂਨ 2018 ਵਿਚ ਜਦੋਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਸਿੰਗਾਪੁਰ ਸੰਮੇਲਨ ਵਿਚ ਹਿੱਸਾ ਲੈਣ ਲਈ ਪਹੁੰਚੇ ਸਨ ਤਾਂ ਸਾਰਾ ਵੀ ਉਹਨਾਂ ਦੇ ਨਾਲ ਸੀ। ਸਾਰਾ ਦੇ ਮੁਤਾਬਕ, ਕਿਮ ਜੋਂਗ ਉਨ ਨੇ ਉਹਨਾਂ ਨੂੰ ਅੱਖ ਮਾਰੀ ਸੀ। ਜਦੋਂ ਸਾਰਾ ਨੇ ਟਰੰਪ ਨੂੰ ਬਾਅਦ ਵਿਚ ਇਸ ਬਾਰੇ ਵਿਚ ਦੱਸਿਆ ਤਾਂ ਉਹਨਾਂ ਨੇ ਵੀ ਇਸ ਗੱਲ ਦਾ ਮਜ਼ਾਕ ਬਣਾਇਆ। ਟਰੰਪ ਨੇ ਹੱਸਦੇ ਹੋਏ ਕਿਹਾ ਕਿ ਕਿਮ ਜੋਂਗ ਨੇ ਤੁਹਾਡੇ ਨਾਲ ਫਲਰਟ ਕਰਨ ਦੀ ਕੋਸ਼ਿਸ਼ ਕੀਤੀ। ਉਹਨਾਂ ਨੇ ਅਜਿਹਾ ਕੀਤਾ। ਉਹਨਾਂ ਨੇ ਤੁਹਾਡੇ 'ਤੇ ਲਾਈਨ ਮਾਰੀ।ਟਰੰਪ ਨੇ ਮਜ਼ਾਕੀਆ ਲਹਿਜੇ ਵਿਚ ਸਾਰਾ ਨੂੰ ਕਿਹਾ ਕਿ ਹੁਣ ਤੁਸੀਂ ਸਾਡੇ ਲੋਕਾਂ ਦੇ ਖਾਤਰ ਉੱਤਰੀ ਕੋਰੀਆ ਜਾ ਰਹੀ ਹੋ। 

ਦੀ ਗਾਰਡੀਅਨ ਪੋਸਟ ਦੀ ਰਿਪੋਰਟ ਦੇ ਮੁਤਾਬਕ, ਸਾਰਾ ਸੈਂਡਰਸ ਦੀ ਕਿਤਾਬ 'ਸਪੀਕਿੰਗ ਫੌਰ ਮਾਈਸੈਲਫ' ਅਗਲੇ ਮੰਗਲਵਾਰ ਨੂੰ ਰਿਲੀਜ਼ ਹੋਵੇਗੀ। ਕਿਤਾਬ ਦੀ ਇਕ ਕਾਪੀ ਗਾਰਡੀਅਨ ਦੇ ਕੋਲ ਹੈ। ਸਾਰਾ ਸੈਂਡਰਸ ਰੀਪਬਲਿਕਨ ਪਾਰਟੀ ਨਾਲ ਸਬੰਧ ਰੱਖਣ ਵਾਲੀ ਪ੍ਰਭਾਵਸ਼ਾਲੀ ਪਰਿਵਾਰ ਤੋਂ ਹੈ। ਉਹਨਾਂ ਦੇ ਪਿਤਾ ਮਾਈਕ ਹਕਬੀ ਸਾਲ 2008 ਅਤੇ 2016 ਵਿਚ ਰਾਸ਼ਟਰਪਤੀ ਅਹੁਦੇ ਦੀ ਉਮੀਦਵਾਰੀ ਦੇ ਲਈ ਖੜ੍ਹੇ ਹੋਏ ਸਨ। ਫਿਲਹਾਲ ਉਹਨਾਂ ਦੀ ਨਜ਼ਰ ਅਰਕਨਕਾਸ ਵਿਚ ਗਵਰਨਰ ਦੀ ਦੌੜ 'ਤੇ ਹੈ। 

ਰਿਪੋਰਟ ਦੇ ਮੁਤਾਬਕ, ਸਾਰਾ ਨੇ ਕਿਮ ਜੋਂਗ ਉਨ ਦੇ ਨਾਲ ਸਿੰਗਾਪੁਰ ਸੰਮੇਲਨ ਦਾ ਜ਼ਿਕਰ ਕੀਤਾ ਹੈ। ਕਿਮ ਜੋਂਗ ਉਨ ਨੇ ਕਾਫ਼ੀ ਅਣਚਾਹੇ ਮਨ ਨਾਲ ਟਰੰਪ ਤੋਂ ਟਿਕ ਟੈਕ ਸਵੀਕਾਰ ਕੀਤੀ। ਅਸਲ ਵਿਚ ਕਿਮ ਆਪਣੀ ਸੁਰੱਖਿਆ ਨੂੰ ਲੈਕੇ ਬਹੁਤ ਸਾਵਧਾਨ ਰਹਿੰਦੇ ਹਨ ਅਤੇ ਕਿਸੇ ਦੂਜੇ ਨੇਤਾ ਜਾਂ ਸ਼ਾਸਕ ਤੋਂ ਜਲਦੀ ਕੋਈ ਚੀਜ਼ ਸਵੀਕਾਰ ਨਹੀਂ ਕਰਦੇ ਹਨ। ਟਰੰਪ ਨੇ ਕਿਮ ਨੂੰ ਭਰੋਸਾ ਦਿਵਾਉਣ ਲਈ ਕਿ ਉਹ ਸਿਰਫ ਬ੍ਰੀਦ ਮਿੰਟ ਹੈ ਅਤੇ ਜ਼ਹਿਰ ਦਾ ਕੈਪਸੂਲ ਨਹੀਂ , ਉਸ ਨੂੰ ਨਾਟਕੀ ਢੰਗ ਨਾਲ ਹਵਾ ਵਿਚ ਉਛਾਲ ਕੇ ਦਿਖਾਇਆ। ਕਿਮ ਜੋਂਗ ਉਨ ਅਤੇ ਟਰੰਪ ਦੇ ਵਿਚ ਖੇਡ, ਖਾਸ ਕਰ ਕੇ ਵੁਮੇਨ ਸਾਕਰ ਸਬੰਧੀ ਵੀ ਗੱਲਬਾਤ ਹੋਈ। 

ਸਾਰਾ ਲਿਖਦੀ ਹੈ ਕਿ ਉਹਨਾਂ ਨੇ ਅਚਾਨਕ ਦੇਖਿਆ ਕਿ ਕਿਮ ਉਹਨਾਂ ਨੂੰ ਘੂਰ ਰਹੇ ਹਨ। ਸਾਡਾ ਆਈ ਕੰਟੈਕਟ ਹੋਇਆ ਅਤੇ ਕਿਮ ਨੇ ਵਿੰਕ ਕੀਤਾ। ਮੈਂ ਹੈਰਾਨ ਰਹਿ ਗਈ। ਮੈਂ ਤੁਰੰਤ ਹੇਠਾਂ ਦੇਖਣ ਲੱਗੀ ਅਤੇ ਨੋਟਸ ਲੈਂਦੀ ਰਹੀ। ਸਾਰਾ ਨੇ ਲਿਖਿਆ ਹੈਕਿ ਮੈਂ ਸੋਚ ਵਿਚ ਪੈ ਗਈ ਕਿ ਹਾਲੇ ਕੀ ਹੋਇਆ ਹੈ। 

ਕਿਮ ਜੋਂਗ ਉਨ ਨਾਲ ਮੁਲਾਕਾਤ ਦੇ ਬਾਅਦ ਹਵਾਈ ਅੱਡੇ ਦੇ ਰਸਤੇ ਵਿਚ ਬੀਸਟ ਗੱਡੀ ਵਿਚ ਬੈਠੇ ਸਾਰਾ ਨੇ ਟਰੰਪ ਨੂੰ ਅਤੇ ਉਸ ਸਮੇਂ ਸਟਾਫ ਪ੍ਰਮੁੱਖ ਰਹੇ ਜੌਨ ਕੈਲੀ ਨੂੰ ਇਸ ਘਟਨਾ ਦੇ ਬਾਰੇ ਵਿਚ ਦੱਸਿਆ। ਉਦੋਂ ਟਰੰਪ ਨੇ ਹੈਰਾਨੀ ਨਾਲ ਕਿਹਾ ਕਿ ਉਸ ਨੇ ਤੁਹਾਡੇ 'ਤੇ ਲਾਈਨ ਮਾਰੀ। ਸਾਰਾ ਨੇ ਟਰੰਪ ਨੂੰ ਕਿਹਾ ਸੀ ਉਹਨਾਂ ਨੇ ਮਜ਼ੇ ਦੇ ਲਈ ਇਹ ਸਾਰੀਆਂ ਗੱਲਾਂ ਨਹੀਂ ਦੱਸੀਆਂ ਸਨ ਅਤੇ ਫਿਰ ਉਹਨਾਂ ਨੇ ਇਸ ਚਰਚਾ ਨੂੰ ਬੰਦ ਕਰਨ ਲਈ ਕਿਹਾ। ਕੇਲੀ ਨੇ ਵੀ ਟਰੰਪ ਦਾ ਸਾਥ ਦਿੱਤਾ। ਟਰੰਪ ਨੇ ਮਜ਼ਾਕ ਵਿਚ ਕਿਹਾ ਤਾਂ ਫਿਰ ਸਾਰਾ, ਹਿਸਾਬ ਬਰਾਬਰ। ਤੁਸੀਂ ਸਾਡੇ ਲੋਕਾਂ ਦੇ ਲਈ ਉੱਤਰੀ ਕੋਰੀਆ ਜਾ ਰਹੀ ਹੋ। ਤੁਹਾਡਾ ਪਤੀ ਅਤੇ ਬੱਚੇ ਤੁਹਾਨੂੰ ਯਾਦ ਕਰਨਗੇ ਪਰ ਤੁਸੀਂ ਦੇਸ਼ ਦੇ ਲਈ ਇਕ ਹੀਰੋ ਬਣ ਜਾਓਗੀ। ਸਾਰਾ ਦੇ ਮੁਤਾਬਕ, ਟਰੰਪ ਅਤੇ ਕੇਲੀ ਪੂਰੇ ਰਸਤੇ ਹੱਸਦੇ ਰਹੇ। 

ਟਰੰਪ ਕਿਮ ਜੋਂਗ ਉਨ ਨਾਲ ਤਿੰਨ ਵਾਰ ਮੁਲਾਕਾਤ ਕਰ ਚੁੱਕੇ ਹਨ। ਸਿੰਗਾਪੁਰ, ਹਨੋਈ ਅਤੇ ਉੱਤਰੀ ਕੋਰੀਆ ਤੇ ਦੱਖਣੀ ਕੋਰੀਆ ਦੇ ਵਿਚ ਡਿਮਿਲਿਟ੍ਰਾਇਜ ਜ਼ੋਨ ਵਿਚ। ਟਰੰਪ ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਕਿਮ ਨੂੰ ਪਰਮਾਣੂ ਹਥਿਆਰ ਦੀ ਜਿੱਦ ਛੱਡਣ ਸਬੰਧੀ ਮਨਾ ਨਹੀਂ ਪਾਏ। ਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ ਪਿਓਂਗਯਾਂਗ ਨੇ ਹਥਿਆਰ ਵੱਡੀ ਮਾਤਰਾ ਵਿਚ ਇਕੱਠਾ ਕਰ ਲਿਆ ਹੈ। ਟਰੰਪ ਦੇ ਆਲੋਚਕਾਂ ਦਾ ਕਹਿਣਾ ਹੈਕਿ ਕਿਮ ਨਾਲ ਗੱਲਬਾਤ ਦੇ ਕਾਰਨ ਦੱਖਣੀ ਕੋਰੀਆ ਜਿਹੇ ਮਹੱਤਵਪੂਰਨ ਸਾਥੀਆਂ ਨਾਲ ਰਿਸ਼ਤੇ ਖਰਾਬ ਹੋ ਗਏ। ਟਰੰਪ ਪ੍ਰਸ਼ਾਸਨ ਵਿਚ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਰਹੇ ਜੌਨ ਵਾਲਟਰ ਨੇ ਆਪਣੀ ਮੈਮੋਰੀ ਵਿਚ ਸਾਰਾ ਦੇ ਦੱਸੇ ਕਿੱਸੇ ਦਾ ਜ਼ਿਕਰ ਨਹੀਂ ਹੈ। ਭਾਵੇਕਿ ਉਹਨਾਂ ਨੇ ਲਿਖਿਆ ਹੈ ਕਿ ਟਰੰਪ ਨੇ ਕਿਮ ਜੋਂਗ ਨਾਲ ਸਪੋਰਟਸ 'ਤੇ ਗੱਲਬਾਤ ਕੀਤੀ ਸੀ ਅਤੇ ਮਿੰਟ ਦਿੱਤੀ ਸੀ।