''2+2'' ਗੱਲਬਾਤ ਲਈ ਅਮਰੀਕਾ ''ਚ ਰਾਜਨਾਥ, ਨੇਵੀ ਹਵਾਈ ਅੱਡੇ ਦਾ ਕੀਤਾ ਦੌਰਾ
12/18/2019 3:21:14 PM
ਵਾਸ਼ਿੰਗਟਨ- ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਵਰਜੀਨੀਆ ਵਿਚ ਨਾਰਫਾਕ ਸਥਿਤ ਨੇਵੀ ਦੇ ਹਵਾਈ ਅੱਡੇ ਦਾ ਦੌਰਾ ਕੀਤਾ। ਇਸ ਦੌਰਾਨ ਉਹਨਾਂ ਨੇ ਬੋਇੰਗ ਲੜਾਕੂ ਜਹਾਜ਼ਾਂ ਦਾ ਪ੍ਰਦਰਸ਼ਨ ਵੀ ਦੇਖਿਆ ਤੇ ਦੋਵਾਂ ਪੱਖਾਂ ਨੇ ਮਜ਼ਬੂਤ ਰੱਖਿਆ ਸਬੰਧ ਵੀ ਜ਼ਾਹਿਰ ਕੀਤੇ। ਰੱਖਿਆ ਮੰਤਰੀ ਤੇ ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ ਬੁੱਧਵਾਰ ਨੂੰ ਹੋਣ ਵਾਲੀ ਦੂਜੀ '2+2' ਗੱਲਬਾਤ ਦੇ ਲਈ ਅਮਰੀਕਾ ਆਏ ਹਨ। ਅਮਰੀਕੀ ਰੱਖਿਆ ਮੰਤਰੀ ਮਾਰਕ ਐਸਪਰ ਤੇ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਨੇ ਉਹਨਾਂ ਦਾ ਸਵਾਗਤ ਕੀਤਾ।
At the Naval Station Norfolk, I had the opportunity to be on board USS Dwight D. Eisenhower, the Nimitz-class aircraft carrier and we reflected on the strong defence ties between India and the United States. pic.twitter.com/3mb11kF23w
— Rajnath Singh (@rajnathsingh) December 18, 2019
ਸਿੰਘ ਨੇ ਮੰਗਲਵਾਰ ਨੂੰ ਟਵੀਟ ਕੀਤਾ ਕਿ ਅਮਰੀਕਾ ਦੇ ਨਾਰਫਾਕ ਵਿਚ ਨੇਵੀ ਹਵਾਈ ਅੱਡਾ ਓਸ਼ੀਆਨਾ ਦਾ ਦੌਰਾ ਕੀਤਾ ਤੇ ਆਧੁਨਿਕ ਜਹਾਜ਼ ਕੈਰੀਅਰ ਪ੍ਰਦਰਸ਼ਨੀ ਤੇ ਲੜਾਕੂ ਤੇ ਹਮਲਾਵਰ ਜਹਾਜ਼ 18ਈ ਦਾ ਪ੍ਰਦਰਸ਼ਨ ਦੇਖਿਆ। ਉਹਨਾਂ ਨੇ ਇਕ ਹੋਰ ਟਵੀਟ ਵਿਚ ਲਿਖਿਆ ਕਿ ਨਾਰਫਾਕ ਦੇ ਨੇਵੀ ਅੱਡੇ 'ਤੇ ਮੈਨੂੰ ਨਿਮਿਟਜ਼ ਸ਼੍ਰੈਣੀ ਦੇ ਯੂ.ਐਸ.ਐਸ. ਡਵਾਈਟ ਡੀ. ਆਈਜ਼ਨਹਾਵਰ ਜਹਾਜ਼ ਕੈਰੀਅਰ ਵਿਚ ਸਵਾਰ ਹੋਣ ਦਾ ਮੌਕਾ ਮਿਲਿਆ। ਅਸੀਂ ਭਾਰਤ ਤੇ ਅਮਰੀਕਾ ਦੇ ਵਿਚਾਲੇ ਮਜ਼ਬੂਤ ਰੱਖਿਆ ਸਬੰਧ ਜ਼ਾਹਿਰ ਕੀਤੇ।
ਹਵਾਈ ਅੱਡੇ 'ਤੇ ਸਿੰਘ ਦਾ ਦੌਰਾ ਖਾਸ ਮੰਨਿਆ ਜਾ ਰਿਹਾ ਹੈ। ਇਸ ਨਾਲ ਅਜਿਹੇ ਸੰਕੇਤ ਮਿਲਦੇ ਹਨ ਕਿ ਭਾਰਤੀ ਹਵਾਈ ਫੌਜ ਤੇ ਨੇਵੀ ਦੇ ਲਈ ਲੜਾਕੂ ਜਹਾਜ਼ ਦੇ ਸਬੰਧ ਵਿਚ ਇਹਨਾਂ ਵਿਕਲਪਾਂ ਨੂੰ ਗੰਭੀਰਤਾ ਨਾਲ ਦੇਖਿਆ ਜਾ ਰਿਹਾ ਹੈ। ਉਹਨਾਂ ਨੇ ਇਸ ਦੌਰਾਨ ਇਹ ਵੀ ਕਿਹਾ ਕਿ ਭਾਰਤ ਵਿਚ ਬੋਇੰਗ ਭਾਰਤੀ ਹਵਾਈ ਫੌਜ ਤੇ ਨੇਵੀ ਨੂੰ ਦੇਖਭਾਲ ਤੇ ਸਿਖਲਾਈ ਸੇਵਾ ਮੁਹੱਈਆ ਕਰਵਾ ਰਿਹਾ ਹੈ।