ਕਦੇ ਇਸ ਮਹਿਲ ''ਚ ਹੁੰਦਾ ਸੀ ਕੋਟਰੂਮ ਤੇ ਜੇਲ, ਅੱਜ ਇਸ ਤਰ੍ਹਾਂ ਦਾ ਹੈ ਅੰਦਰ ਦਾ ਨਜ਼ਾਰਾ

ਸੋਮਰਸੈੱਟ(ਬਿਊਰੋ)— ਇੰਗਲੈਂਡ ਦੇ ਸੋਮਰਸੈੱਟ ਵਿਚ ਵਿਕ ਰਿਹਾ 160 ਸਾਲ ਪੁਰਾਣਾ ਇਹ ਮਹਿਲ ਅੱਜਕੱਲ੍ਹ ਚਰਚਾ ਦਾ ਵਿਸ਼ਾ ਬਣਾ ਹੋਇਆ ਹੈ। ਇਕ ਬਿਜਨੈੱਸ ਕਲਾਸ ਪਰਿਵਾਰ ਨੇ ਇਸ ਨੂੰ 79,5000 ਪੌਂਡ (ਕਰੀਬ 6.80 ਕਰੋੜ ਰੁ.) ਵਿਚ ਵੇਚਣ ਦੀ ਪੇਸ਼ਕਸ਼ ਕੀਤੀ ਹੈ। ਜਿਸ ਤੋਂ ਬਾਅਦ ਲੋਕ ਇਸ ਨੂੰ ਦੇਖਣ ਪੁੱਜੇ ਪਰ ਇਸ ਦੀ ਸੱਚਾਈ ਜਾਣ ਕੇ ਹੈਰਾਨ ਰਹਿ ਗਏ। ਅਸਲ ਵਿਚ ਇਕ ਜਮਾਨੇ ਵਿਚ ਇਹ ਮਹਿਲ ਇਕ ਕੋਰਟ ਅਤੇ ਜੇਲ ਹੋਇਆ ਕਰਦਾ ਸੀ। ਇਸ ਦੇ ਉੱਤੇ ਕੋਰਟਰੂਮ ਸੀ ਤਾਂ ਉਥੇ ਹੀ ਤਇਖਾਨੇ ਵਿਚ ਵੱਡੀ ਜੇਲ ਸੀ, ਜਿਸ ਵਿਚ ਬੰਦੀਆਂ ਨੂੰ ਰੱਖਿਆ ਜਾਂਦਾ ਸੀ।
ਅੰਦਰ ਅਜਿਹਾ ਸੀ ਨਜ਼ਾਰਾ
ਇਸ ਨੂੰ ਖਰੀਦਣ ਦਾ ਮਨ ਬਣਾਏ ਕੁੱਝ ਲੋਕਾਂ ਨੇ ਮਹਿਲ ਨੂੰ ਅੰਦਰੋਂ ਦੇਖਿਆ ਤਾਂ ਉਨ੍ਹਾਂ ਦੀਆਂ ਅੱਖਾਂ ਖੁੱਲ੍ਹੀਆਂ ਰਹਿ ਗਈਆਂ। ਕਿਉਂਕਿ ਇਸ ਮਹਿਲ ਵਿਚ 7 ਬੇਡਰੂਮ, ਇਕ ਆਲੀਸ਼ਾਨ ਹਾਲ (ਜੋ ਪਹਿਲਾਂ ਕੋਰਟਰੂਮ ਸੀ) ਅਤੇ ਦੁਨੀਆ ਦੀਆਂ ਸਾਰੀਆਂ ਸੁਵਿਧਾਵਾਂ ਮੌਜੂਦ ਸਨ ਅਤੇ ਇਹ ਨਹੀਂ ਕਿਹਾ ਜਾ ਸਕਦਾ ਸੀ ਕਿ ਪਹਿਲਾਂ ਇਹ ਮਹਿਲ ਕੋਰਟਰੂਮ ਅਤੇ ਜੇਲ ਰਿਹਾ ਹੋਵੇਗਾ। ਜਦੋਂ ਵਿਜ਼ੀਟਰਸ ਨੇ ਇਸ ਦਾ ਤਹਿਖਾਨਾ ਦੇਖਿਆ ਤਾਂ ਉਹ ਹੋਰ ਵੀ ਹੈਰਾਨ ਕਰਨ ਵਾਲਾ ਸੀ। ਇਸ ਤਹਿਖਾਨੇ ਦੀ ਜਿਨ੍ਹਾਂ ਜੇਲਾਂ ਨੂੰ ਪਹਿਲਾਂ ਅਪਰਾਧੀਆਂ ਨੂੰ ਰੱਖਣ ਲਈ ਇਸਤੇਮਾਲ ਕੀਤਾ ਜਾਂਦਾ ਸੀ, ਹੁਣ ਉਨ੍ਹਾਂ ਨੂੰ ਚੰਗੇਰੇ ਢੰਗ ਨਾਲ ਮਾਡੀਫਾਈ ਕਰ ਕੇ ਆਲੀਸ਼ਾਨ ਬੇਡਰੂਮਸ ਵਿਚ ਤਬਦੀਲ ਕਰ ਦਿੱਤਾ ਗਿਆ ਹੈ।