9/11 ਹਮਲੇ ਦਾ ਪਾਕਿਸਤਾਨੀ ਮਾਸਟਰਮਾਈਂਡ ਮੌਤ ਦੀ ਸਜ਼ਾ ਤੋਂ ਬਚ ਸਕਦਾ ਹੈ : ਰਿਪੋਰਟ
03/16/2022 6:16:46 PM
ਨਿਊਯਾਰਕ (ਭਾਸ਼ਾ)- ਅਮਰੀਕੀ ਵਕੀਲਾਂ ਨੇ ਪਾਕਿਸਤਾਨੀ ਅੱਤਵਾਦੀ ਅਤੇ 9/11 ਹਮਲੇ ਦੇ ਮਾਸਟਰਮਾਈਂਡ ਖਾਲਿਦ ਸ਼ੇਖ ਮੁਹੰਮਦ ਅਤੇ ਗੁਆਂਤਾਨਾਮੋ ਬੇ ਨਜ਼ਰਬੰਦੀ ਕੈਂਪ ਵਿਚ ਬੰਦ ਚਾਰ ਹੋਰ ਲੋਕਾਂ ਦੇ ਨਾਲ ਇਕ ਸਮਝੌਤੇ ਲਈ ਗੱਲਬਾਤ ਸ਼ੁਰੂ ਕਰ ਦਿੱਤੀ ਹੈ। ਇਸ ਸਮਝੌਤੇ ਦੇ ਨਤੀਜੇ ਵਜੋਂ ਇਨ੍ਹਾਂ ਕੈਦੀਆਂ ਦੀ ਮੌਤ ਦੀ ਸਜ਼ਾ ਨੂੰ ਉਮਰ ਕੈਦ ਵਿੱਚ ਤਬਦੀਲ ਕੀਤਾ ਜਾ ਸਕਦਾ ਹੈ। ਇਕ ਮੀਡੀਆ ਰਿਪੋਰਟ 'ਚ ਇਹ ਗੱਲ ਕਹੀ ਗਈ ਹੈ। ਅਖ਼ਬਾਰ ‘ਦ ਨਿਊਯਾਰਕ ਟਾਈਮਜ਼’ ਨੇ ਕਿਹਾ ਕਿ ਅਜਿਹਾ ਹੋਣ ਨਾਲ ਮੌਤ ਦੀ ਸਜ਼ਾ ਦੀ ਵਕਾਲਤ ਕਰ ਰਹੇ ਪੀੜਤ ਪਰਿਵਾਰਾਂ ਨੂੰ ਨਿਰਾਸ਼ਾ ਹੋਵੇਗੀ।
11 ਸਤੰਬਰ 2001 ਨੂੰ ਨਿਊਯਾਰਕ ਵਿੱਚ ਹੋਏ ਇੱਕ ਅੱਤਵਾਦੀ ਹਮਲੇ ਵਿੱਚ ਵਰਲਡ ਟਰੇਡ ਸੈਂਟਰ (WTC) ਦੇ ਦੋ ਟਾਵਰਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਸੀ। ਇਸ ਹਮਲੇ ਵਿਚ ਕਈ ਭਾਰਤੀਆਂ ਸਮੇਤ ਲਗਭਗ 3,000 ਲੋਕ ਮਾਰੇ ਗਏ ਸਨ। ਅਖ਼ਬਾਰ ਅਨੁਸਾਰ ਜਲਦੀ ਹੀ ਕੋਈ ਸਮਝੌਤਾ ਹੋਣ ਦੀ ਉਮੀਦ ਨਹੀਂ ਹੈ ਪਰ ਦੋਸ਼ੀ ਦੀਆਂ ਦਲੀਲਾਂ ਤੋਂ ਫਾਂਸੀ ਦੀ ਸਜਾ ਨੂੰ ਉਮਰ ਕੈਦ ਵਿੱਚ ਤਬਦੀਲ ਕਰਨ ਨਾਲ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਈਡੇਨ ਦੇ ਪ੍ਰਸ਼ਾਸਨ ਨੂੰ 'ਗੁਆਂਟਾਨਾਮੋ ਬੇ' ਵਿੱਚ ਨਜ਼ਰਬੰਦੀ ਕਾਰਵਾਈ ਨੂੰ ਖ਼ਤਮ ਕਰਨ ਦੀ ਆਪਣੀ ਯੋਜਨਾ ਨੂੰ ਬਦਲਣਾ ਪੈ ਸਕਦਾ ਹੈ ਅਤੇ ਇਸ ਦੀ ਬਜਾਏ ਕੁਝ ਹੋਰ ਲੋਕਾਂ ਲਈ ਇੱਕ ਫ਼ੌਜੀ ਜੇਲ੍ਹ ਦੇ ਰੂਪ ਵਿੱਚ ਪੇਸ਼ ਕੀਤਾ ਜਾ ਸਕਦਾ ਹੈ। ਰਿਪੋਰਟ ਅਨੁਸਾਰ 58 ਸਾਲਾ ਸ਼ੇਖ ਅਤੇ ਚਾਰ ਹੋਰ ਸਹਿ-ਮੁਲਜ਼ਮਾਂ ਲਈ "ਇਸਤਗਾਸਾ ਪੱਖ ਨੇ ਵਕੀਲਾਂ ਨਾਲ ਗੱਲਬਾਤ ਸ਼ੁਰੂ ਕਰ ਦਿੱਤੀ ਹੈ" ਤਾਂ ਜੋ "ਇੱਕ ਸੰਭਾਵੀ ਸਮਝੌਤੇ 'ਤੇ ਗੱਲਬਾਤ ਕੀਤੀ ਜਾ ਸਕੇ ਜਿਸ ਨਾਲ ਮੌਤ ਦੀ ਸਜ਼ਾ ਦੀ ਸੰਭਾਵਨਾ ਨੂੰ ਖ਼ਤਮ ਕੀਤਾ ਜਾ ਸਕੇ।
ਪੜ੍ਹੋ ਇਹ ਅਹਿਮ ਖ਼ਬਰ- ਕੈਨੇਡਾ ਦੇ ਫ਼ੈਸਲੇ ਤੋਂ ਖ਼ਫ਼ਾ ਰੂਸ, ਟਰੂਡੋ ਸਮੇਤ 300 ਤੋਂ ਵਧੇਰੇ ਸਾਂਸਦਾਂ 'ਤੇ ਲਗਾਈ ਪਾਬੰਦੀ
ਅਖ਼ਬਾਰ ਦੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਗੁਆਂਟਾਨਾਮੋ ਬੇ ਵਿੱਚ ਚੱਲ ਰਹੇ ਕੇਸ ਨੂੰ ਉਮਰ ਕੈਦ ਵਿੱਚ ਤਬਦੀਲ ਕੀਤਾ ਜਾ ਸਕਦਾ ਹੈ। ਕੇਸ ਸ਼ੁਰੂ ਹੋਣ ਤੋਂ ਲਗਭਗ ਇੱਕ ਦਹਾਕੇ ਬਾਅਦ ਫ਼ੌਜੀ ਜੱਜ ਨੇ ਅਜੇ ਤੱਕ ਮੁਕੱਦਮੇ ਦੀ ਤਾਰੀਖ਼ ਤੈਅ ਨਹੀਂ ਕੀਤੀ ਹੈ। ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਪ੍ਰਸ਼ਾਸਨ ਦੌਰਾਨ ਅਜਿਹੀ ਗੱਲਬਾਤ ਦੀਆਂ ਕੋਸ਼ਿਸ਼ਾਂ ਅਸਫਲ ਰਹੀਆਂ ਸਨ ਅਤੇ ਦੋਸ਼ੀ ਸਾਜ਼ਿਸ਼ਕਾਰਾਂ ਨੇ ਮੰਗ ਕੀਤੀ ਸੀ ਕਿ ਉਹ ਗੁਆਂਤਾਨਾਮੋ ਵਿੱਚ ਆਪਣੀ ਸਜ਼ਾ ਕੱਟਣਾ ਚਾਹੁੰਦੇ ਹਨ, ਜਿੱਥੇ ਉਹ ਪ੍ਰਾਰਥਨਾ ਅਤੇ ਸਮੂਹਾਂ ਵਿੱਚ ਭੋਜਨ ਕਰ ਸਕਦੇ ਸਨ। ਰਿਪੋਰਟ ਮੁਤਾਬਕ ਦੋਸ਼ੀ ਕੋਲੋਰਾਡੋ ਦੀ ਸੁਪਰਮੈਕਸ ਜੇਲ 'ਚ ਨਹੀਂ ਜਾਣਾ ਚਾਹੁੰਦੇ, ਜਿੱਥੇ ਕੈਦੀਆਂ ਨੂੰ 23 ਘੰਟੇ ਤੱਕ ਇਕਾਂਤਵਾਸ 'ਚ ਰੱਖਿਆ ਜਾਂਦਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ 'ਚ ਰੂਸੀ ਦੂਤਘਰ ਨੇ ਆਪਣੇ ਨਾਗਰਿਕਾਂ ਲਈ 'ਹੌਟਲਾਈਨ' ਕੀਤੀ ਜਾਰੀ
ਕੇਸ ਦੇ ਮੁੱਖ ਵਕੀਲ ਕਲੇਟਨ ਟ੍ਰਾਈਵੇਟ ਨੇ ਬਚਾਅ ਟੀਮ ਨੂੰ ਇਹ ਚਰਚਾ ਕਰਨ ਲਈ ਲਿਖਿਆ "ਕੀ ਸਾਰੇ ਪੰਜ ਕੇਸਾਂ ਲਈ ਪ੍ਰੀ-ਟਰਾਇਲ ਨਿਪਟਾਰਾ ਸੰਭਵ ਹੈ।" ਰਿਪੋਰਟ ਵਿਚ ਅੱਗੇ ਦੱਸਿਆ ਗਿਆ ਹੈ ਕਿ ਇਸ ਮਾਮਲੇ ਵਿਚ ਇਕ ਮੁੱਖ ਮੁੱਦਾ ਇਹ ਹੈ ਕਿ ਸ਼ੇਖ ਦੇ ਇਲਾਵਾ ਕਿੰਨੇ ਦੋਸ਼ੀ ਪੈਰੋਲ ਦੀ ਸੰਭਾਵਨਾ ਤੋਂ ਬਿਨਾਂ ਉਮਰ ਕੈਦ ਦੀ ਸਜ਼ਾ ਕੱਟਣਗੇ ਅਤੇ ਕੀ ਕੁਝ ਹਮਲਿਆਂ ਵਿੱਚ ਘੱਟ ਭੂਮਿਕਾਵਾਂ ਵਾਲੇ ਦੋਸ਼ੀਆਂ ਨੂੰ ਛੋਟੀਆਂ ਸਜ਼ਾਵਾਂ ਦਿੱਤੀਆਂ ਜਾਣਗੀਆਂ। ਦੋ ਦੋਸ਼ੀਆਂ ਸਾਊਦੀ ਕੈਦੀ ਮੁਸਤਫਾ ਅਲ-ਹੌਸਾਵੀ ਅਤੇ ਪਾਕਿਸਤਾਨੀ ਨਾਗਰਿਕ ਅਤੇ ਸ਼ੇਖ ਦੇ ਭਤੀਜੇ ਅੰਮਰ ਅਲ-ਬਲੂਚੀ ਦੇ ਵਕੀਲਾਂ ਨੇ ਆਪਣੇ ਕਲਾਈਂਟਾਂ ਨੂੰ ਦੱਸਿਆ ਹੈ ਕਿ ਉਹ 9/11 ਦੀ ਸਾਜ਼ਿਸ਼ ਤੋਂ ਅਣਜਾਣ ਸਨ। ਮੁਲਜ਼ਮਾਂ ਨੇ ਯੂਏਈ ਤੋਂ ਪੈਸੇ ਟਰਾਂਸਫਰ ਅਤੇ ਯਾਤਰਾ ਦੇ ਪ੍ਰਬੰਧਾਂ ਵਿੱਚ ਕੁਝ ਅਗਵਾਕਾਰਾਂ ਦੀ ਮਦਦ ਕੀਤੀ ਸੀ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
