ਪਾਕਿਸਤਾਨੀ ਮਾਡਲ ਨੇ ਬਿਕਨੀ 'ਚ ਕੀਤਾ ਅਜਿਹਾ ਰੈਂਪਵਾਕ, ਦੇਖ ਕੇ ਭੜਕ ਗਏ ਲੋਕ (Video)

ਇਸਲਾਮਾਬਾਦ : ਪਾਕਿਸਤਾਨੀ ਮਾਡਲ ਰੋਮਾ ਮਾਈਕਲ ਨੇ ਆਪਣੀ ਬਿਕਨੀ ਵਾਕ ਨਾਲ ਇੰਟਰਨੈੱਟ 'ਤੇ ਸਨਸਨੀ ਮਚਾ ਦਿੱਤੀ ਹੈ। ਰੋਮਾ ਨੇ ਮਿਸ ਵਰਲਡ ਗ੍ਰੈਂਡ ਸ਼ੋਅ ਵਿੱਚ ਹਿੱਸਾ ਲਿਆ, ਜਿੱਥੇ ਉਸਨੇ ਬਿਕਨੀ 'ਚ ਰੈਂਪਵਾਕ ਕੀਤਾ। ਦੁਨੀਆ ਭਰ 'ਚ ਮਾਡਲਾਂ ਬਿਕਨੀ 'ਚ ਘੁੰਮਦੀਆਂ ਰਹੀਆਂ ਹਨ ਪਰ ਰੋਮਾ ਦੀ ਵੀਡੀਓ ਨੇ ਕਈ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ ਕਿਉਂਕਿ ਪਾਕਿਸਤਾਨ 'ਚ ਮਾਡਲਾਂ ਆਮ ਤੌਰ 'ਤੇ ਬਿਕਨੀ ਜਾਂ ਬਹੁਤ ਘੱਟ ਕੱਪੜੇ ਨਹੀਂ ਪਾਉਂਦੀਆਂ। ਪਾਕਿਸਤਾਨ 'ਚ ਫੈਸ਼ਨ ਅਤੇ ਮਾਡਲਿੰਗ ਦੀ ਦੁਨੀਆ 'ਚ ਔਰਤਾਂ ਲਈ ਵੀ ਅਜਿਹੇ ਕੱਪੜੇ ਆਮ ਨਹੀਂ ਹਨ, ਅਜਿਹੇ 'ਚ ਸੋਸ਼ਲ ਮੀਡੀਆ 'ਤੇ ਕੁਝ ਲੋਕਾਂ ਨੇ ਉਸ ਨੂੰ ਪਸੰਦ ਕੀਤਾ ਅਤੇ ਨਾਲ ਹੀ ਉਸ ਨੂੰ ਕਈ ਤਰ੍ਹਾਂ ਦੀਆਂ ਬੇਤੁਕੀਆਂ ਟਿੱਪਣੀਆਂ ਦਾ ਵੀ ਸਾਹਮਣਾ ਕਰਨਾ ਪੈ ਰਿਹਾ ਹੈ।
 

Pakistani Model Roma Michael participated at Miss World Grand Show.
This shows her boldness & craziest attitude.
She is looking Sexy & and stunning in Bikni. 😍#Pakistan #RomaMichael #MissWorld pic.twitter.com/gqj7ThC0cY

— Manu (@Jenni15011) October 23, 2024

ਇੰਟਰਨੈੱਟ 'ਤੇ ਵਾਇਰਲ ਹੋ ਰਹੀ ਵੀਡੀਓ 'ਚ ਰੋਮਾ ਮਾਈਕਲ ਬਿਕਨੀ 'ਚ ਮਿਸ ਵਰਲਡ ਗ੍ਰੈਂਡ ਦੇ ਰੈਂਪ 'ਤੇ ਵਾਕ ਕਰਦੀ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ 'ਚ ਉਹ ਆਤਮਵਿਸ਼ਵਾਸ ਨਾਲ ਚੱਲਦੀ ਨਜ਼ਰ ਆ ਰਹੀ ਹੈ। ਉਸ ਦੇ ਵਾਕ ਲਈ ਇੰਟਰਨੈੱਟ 'ਤੇ ਹੈਰਾਨ ਕਰਨ ਵਾਲੀਆਂ ਪ੍ਰਤੀਕਿਰਿਆਵਾਂ ਆਈਆਂ ਹਨ। ਜਿੱਥੇ ਕੁਝ ਲੋਕਾਂ ਨੇ ਰੋਮਾ ਦੀ ਤਾਰੀਫ ਕੀਤੀ ਹੈ, ਉੱਥੇ ਹੀ ਕਈ ਸੋਸ਼ਲ ਯੂਜ਼ਰਸ ਨੇ ਉਸ ਦੇ ਇਸ ਕਦਮ ਨੂੰ ਪਾਕਿਸਤਾਨ ਅਤੇ ਇਸਲਾਮਿਕ ਸੱਭਿਆਚਾਰ ਦੇ ਖਿਲਾਫ ਦੱਸਿਆ ਹੈ।

ਰੋਮਾ ਨੂੰ ਇੰਸਟਾ ਤੋਂ ਵੀਡੀਓ ਡਿਲੀਟ ਕਰਨੀ ਪਈ!
ਫ੍ਰੀ ਪ੍ਰੈੱਸ ਜਨਰਲ ਦੀ ਰਿਪੋਰਟ ਮੁਤਾਬਕ ਰੋਮਾ ਨੇ ਆਪਣੀ ਬਿਕਨੀ ਰੈਂਪ ਵਾਕ ਵੀਡੀਓ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਸੀ ਪਰ ਕੁਝ ਘੰਟਿਆਂ ਬਾਅਦ ਹੀ ਰੋਮਾ ਨੇ ਇੰਸਟਾਗ੍ਰਾਮ ਤੋਂ ਆਪਣੀ ਵੀਡੀਓ ਡਿਲੀਟ ਕਰ ਦਿੱਤੀ। ਸੋਸ਼ਲ ਯੂਜ਼ਰਸ ਨੇ ਉਸ ਨੂੰ ਪਾਕਿਸਤਾਨ ਦੀ ਬਦਨਾਮ ਕਰਨ ਵਾਲੀ ਕੁੜੀ ਕਹਿ ਕੇ ਗਾਲ੍ਹਾਂ ਕੱਢੀਆਂ। ਯੂਜ਼ਰਸ ਨੇ ਉਸ ਨੂੰ ਦੇਸ਼ ਨੂੰ ਬਦਨਾਮ ਨਾ ਕਰਨ ਦੀ ਚਿਤਾਵਨੀ ਦਿੱਤੀ।