''ਸਾਨੂੰ ਏਥੇ ਹੀ ਰੱਖ ਲਓ...'', Canada ਜਹਾਜ਼ ਲੈ ਕੇ ਗਏ PIA ਦੇ 22 ਕਰੂ ਮੈਂਬਰ ਗਾਇਬ
Sunday, Dec 14, 2025 - 02:29 PM (IST)
ਟੋਰਾਂਟੋ : ਪਾਕਿਸਤਾਨ ਦੀ ਸਰਕਾਰੀ ਏਅਰਲਾਈਨ ਪਾਕਿਸਤਾਨ ਇੰਟਰਨੈਸ਼ਨਲ ਏਅਰਲਾਈਨਜ਼ (PIA) ਹਾਲ ਹੀ ਦੇ ਸਾਲਾਂ 'ਚ ਲਗਾਤਾਰ ਚਰਚਾ 'ਚ ਰਹੀ ਹੈ। ਇੱਕ ਸਮੇਂ ਦੁਨੀਆ ਦੀਆਂ ਚੰਗੀਆਂ ਏਅਰਲਾਈਨਾਂ ਵਿੱਚ ਸ਼ਾਮਲ ਰਹੀ PIA, ਹੁਣ ਨਾ ਸਿਰਫ਼ ਲਗਾਤਾਰ ਨੁਕਸਾਨ ਕਾਰਨ ਮੁਸ਼ਕਿਲਾਂ 'ਚ ਹੈ, ਸਗੋਂ ਇਸਦੇ ਕਰਮਚਾਰੀ ਵੀ ਦੇਸ਼ ਛੱਡ ਕੇ ਭੱਜ ਰਹੇ ਹਨ।
22 ਕਰਮਚਾਰੀ ਹੋਏ ਲਾਪਤਾ
ਰਿਪੋਰਟਾਂ ਅਨੁਸਾਰ, PIA ਦੇ 22 ਕਰਮਚਾਰੀ ਕੈਨੇਡਾ ਜਾਣ ਤੋਂ ਬਾਅਦ ਲਾਪਤਾ ਹੋ ਗਏ ਹਨ। ਇਨ੍ਹਾਂ ਗਾਇਬ ਹੋਏ ਕਰਮਚਾਰੀਆਂ ਵਿੱਚ ਫਲਾਈਟ ਅਟੈਂਡੈਂਟ, ਕਰੂ ਦੇ ਹੋਰ ਮੈਂਬਰਾਂ ਦੇ ਨਾਲ-ਨਾਲ ਪਾਇਲਟ ਵੀ ਸ਼ਾਮਲ ਹਨ। ਇਨ੍ਹਾਂ ਕਰਮਚਾਰੀਆਂ ਨੇ ਕੈਨੇਡਾ ਸਰਕਾਰ ਤੋਂ ਸ਼ਰਨ ਮੰਗੀ ਹੈ। ਕਰਮਚਾਰੀਆਂ ਦੇ ਇਸ ਤਰ੍ਹਾਂ ਦੇ 'ਲਾਪਤਾ' ਹੋਣ ਦੇ ਰੁਝਾਨ ਨੇ ਸ਼ਾਹਬਾਜ਼ ਸਰਕਾਰ ਲਈ ਸ਼ਰਮਿੰਦਗੀ ਪੈਦਾ ਕਰ ਦਿੱਤੀ ਹੈ।
Today, a Pakistan International Airlines (PIA) aircraft landed at Toronto International Airport in Canada. The plane was scheduled to return to Islamabad after a two hour stopover. However, unfortunately, the entire crew of the aircraft, including the pilots, surrendered… pic.twitter.com/EyNxY6mPic
— Nasir Amany🇦🇫 (@Nasir_Amany) December 13, 2025
ਲਾਪਤਾ ਹੋਣ ਦੇ ਮੁੱਖ ਕਾਰਨ
ਕਰਮਚਾਰੀਆਂ ਦੇ ਕੈਨੇਡਾ ਵਿੱਚ ਸ਼ਰਨ ਮੰਗਣ ਦੇ ਪਿੱਛੇ ਮੁੱਖ ਕਾਰਨ ਪਾਕਿਸਤਾਨ ਵਿੱਚ ਵਿਗੜਦੀ ਆਰਥਿਕ ਸਥਿਤੀ ਅਤੇ PIA ਦੇ ਨਿੱਜੀਕਰਨ (Privatization) ਨੂੰ ਮੰਨਿਆ ਜਾ ਰਿਹਾ ਹੈ। ਸੀਨੀਅਰ ਪੱਤਰਕਾਰ ਜ਼ਾਹਿਦ ਗਿਸ਼ਕੋਰੀ ਅਨੁਸਾਰ, PIA ਕਈ ਸਾਲਾਂ ਤੋਂ ਲਗਾਤਾਰ ਨੁਕਸਾਨ 'ਚ ਹੈ, ਜਿਸ ਕਾਰਨ ਕਰਮਚਾਰੀਆਂ ਨੂੰ ਮਿਲਣ ਵਾਲੀਆਂ ਸਹੂਲਤਾਂ ਘੱਟ ਹੋ ਗਈਆਂ ਹਨ। ਪਾਕਿਸਤਾਨ ਸਰਕਾਰ ਨੇ ਏਅਰਲਾਈਨ ਨੂੰ ਨਿੱਜੀ ਹੱਥਾਂ ਵਿੱਚ ਦੇਣ ਦਾ ਫੈਸਲਾ ਕੀਤਾ ਹੈ। ਅਜਿਹੇ ਵਿੱਚ, ਕਰਮਚਾਰੀ ਇੱਕ ਸੁਰੱਖਿਅਤ ਭਵਿੱਖ ਦੀ ਭਾਲ ਵਿੱਚ ਕੈਨੇਡਾ ਵਿੱਚ ਜਾ ਕੇ ਸ਼ਰਨ ਮੰਗਣ ਦਾ ਤਰੀਕਾ ਅਪਣਾ ਰਹੇ ਹਨ। PIA ਦਾ ਦਾਅਵਾ ਹੈ ਕਿ ਕੈਨੇਡਾ ਦੇ ਸ਼ਰਨਾਰਥੀ ਕਾਨੂੰਨਾਂ ਦਾ ਦਾਇਰਾ ਵੱਡਾ ਹੈ, ਜਿਸਦਾ ਫਾਇਦਾ PIA ਦੇ ਕਰਮਚਾਰੀ ਉਠਾ ਰਹੇ ਹਨ। ਇਹੀ ਕਾਰਨ ਹੈ ਕਿ ਕੈਨੇਡਾ PIA ਕਰਮਚਾਰੀਆਂ ਲਈ 'ਲਾਪਤਾ' ਹੋਣ ਲਈ ਸਭ ਤੋਂ ਪਸੰਦੀਦਾ ਦੇਸ਼ ਬਣ ਗਿਆ ਹੈ।
PIA ਦੀ ਨਿਲਾਮੀ ਦੀ ਤਿਆਰੀ
ਪਾਕਿਸਤਾਨ ਦੀ ਵਿਗੜਦੀ ਅਰਥਵਿਵਸਥਾ ਦੇ ਚਲਦਿਆਂ, PIA ਦੀ ਵਿਕਰੀ ਨੂੰ ਆਖਰੀ ਵਿਕਲਪ ਵਜੋਂ ਦੇਖਿਆ ਜਾ ਰਿਹਾ ਹੈ, ਅਤੇ ਪਾਕਿਸਤਾਨ ਸਰਕਾਰ ਏਅਰਲਾਈਨ ਦੀ ਨੀਲਾਮੀ ਕਰਨ ਜਾ ਰਹੀ ਹੈ। ਪ੍ਰਧਾਨ ਮੰਤਰੀ ਸ਼ਾਹਬਾਜ਼ ਸ਼ਰੀਫ ਨੇ ਇਸ ਪ੍ਰਕਿਰਿਆ ਨੂੰ ਪਾਰਦਰਸ਼ੀ ਕਿਹਾ ਹੈ। ਹਾਲਾਂਕਿ, ਨਿਲਾਮੀ ਵਿੱਚ ਬੋਲੀ ਲਗਾਉਣ ਵਾਲੀਆਂ ਮੁੱਖ ਕੰਪਨੀਆਂ ਵਿੱਚੋਂ ਇੱਕ ਫੌਜੀ ਫਰਟੀਲਾਈਜ਼ਰ ਲਿਮਟਿਡ ਹੈ, ਜੋ ਪਾਕਿਸਤਾਨੀ ਆਰਮੀ ਚੀਫ਼ ਅਸੀਮ ਮੁਨੀਰ ਦੇ ਪੂਰੇ ਕੰਟਰੋਲ ਹੇਠ ਹੈ। ਕਈ ਮਾਹਰਾਂ ਦਾ ਮੰਨਣਾ ਹੈ ਕਿ ਇਹ ਸਾਰੀ ਪ੍ਰਕਿਰਿਆ ਸਿਰਫ PIA ਨੂੰ ਮੁਨੀਰ ਦੀ ਕੰਪਨੀ ਦੇ ਹਵਾਲੇ ਕਰਨ ਦਾ ਇੱਕ ਦਿਖਾਵਾ ਮਾਤਰ ਹੈ।
