ਵਿਦੇਸ਼ਾਂ 'ਚ ਵੀ ਨ੍ਹੀਂ ਟਲਦੇ ਪਾਕਿਸਤਾਨੀ! ਜਿਨਸੀ ਸ਼ੋਸ਼ਣ ਦੀਆਂ ਸ਼ਿਕਾਇਤਾਂ ਮਗਰੋਂ PIA ਅਧਿਕਾਰੀ ਬਰਖਾਸਤ

ਕਰਾਚੀ : ਦੁਬਈ 'ਚ ਪਾਕਿਸਤਾਨ ਇੰਟਰਨੈਸ਼ਨਲ ਏਅਰਲਾਈਨਜ਼ (PIA) ਦੇ ਇੱਕ ਅਧਿਕਾਰੀ ਨੂੰ ਜਿਨਸੀ ਸੋਸ਼ਣ ਦੀਆਂ ਕਈ ਸ਼ਿਕਾਇਤਾਂ ਤੋਂ ਬਾਅਦ ਬਰਖਾਸਤ ਕਰ ਦਿੱਤਾ ਗਿਆ ਹੈ ਤੇ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਸਬੰਧੀ ਸਥਾਨਕ ਮੀਡੀਆ ਨੇ ਰਿਪੋਰਟ ਦਿੱਤੀ।

ARY ਨਿਊਜ਼ ਆਊਟਲੈੱਟ ਨੇ ਰਿਪੋਰਟ ਦਿੱਤੀ ਕਿ ਪਾਕਿਸਤਾਨ ਏਅਰਲਾਈਨਜ਼ ਨੇ ਸੇਲਜ਼ ਰੀਜਨਲ ਮੈਨੇਜਰ ਨੂੰ ਹਟਾ ਦਿੱਤਾ ਹੈ, ਜਿਸ ਦੇ ਖਿਲਾਫ ਉਨ੍ਹਾਂ ਨੂੰ ਕਈ ਸ਼ਿਕਾਇਤਾਂ ਮਿਲੀਆਂ ਸਨ। ਸ਼ਿਕਾਇਤਕਰਤਾਵਾਂ ਵਿਚ ਇੱਕ ਮਹਿਲਾ ਕਰਮਚਾਰੀ ਵੀ ਸ਼ਾਮਲ ਹੈ ਜਿਸ ਨੇ ਛੇੜਛਾੜ ਦੇ ਸਬੂਤ ਪੇਸ਼ ਕੀਤੇ। ਨਿਊਜ਼ ਆਊਟਲੈੱਟ ਦੇ ਅਨੁਸਾਰ, ਦੁਬਈ ਵਿੱਚ ਇੱਕ ਔਰਤ ਨੇ ਸੇਲਜ਼ ਮੈਨੇਜਰ ਦੇ ਖਿਲਾਫ ਫੈੱਡਰਲ ਓਮਬਡਸਮੈਨ ਕੋਲ ਸ਼ੋਸ਼ਣ ਲਈ ਇੱਕ ਅਰਜ਼ੀ ਦਾਇਰ ਕੀਤੀ ਹੈ, ਜੋ ਕਿ ਫਿਲਹਾਲ ਸਮੀਖਿਆ ਅਧੀਨ ਹੈ। ਸ਼ਿਕਾਇਤਾਂ ਤੋਂ ਬਾਅਦ ਸੇਲਜ਼ ਮੈਨੇਜਰ ਨੂੰ ਉਸ ਦੇ ਅਹੁਦੇ ਤੋਂ ਹਟਾ ਦਿੱਤਾ ਗਿਆ ਹੈ।

ਪੀਆਈਏ ਦੇ ਬੁਲਾਰੇ ਨੇ ਕਿਹਾ ਕਿ ਏਅਰਲਾਈਨ ਦੀ ਕੰਮ ਵਾਲੀ ਥਾਂ 'ਤੇ ਪਰੇਸ਼ਾਨੀ ਪ੍ਰਤੀ ਜ਼ੀਰੋ-ਟੌਲਰੈਂਸ ਨੀਤੀ ਹੈ ਅਤੇ ਜੇਕਰ ਦੋਸ਼ ਸਾਬਤ ਹੁੰਦੇ ਹਨ ਤਾਂ ਉਹ ਢੁੱਕਵੀਂ ਪ੍ਰਸ਼ਾਸਨਿਕ ਕਾਰਵਾਈ ਕਰਨ ਲਈ ਵਚਨਬੱਧ ਹੈ। ਸੇਲਜ਼ ਮੈਨੇਜਰ ਦੇ ਵਿਵਹਾਰ ਦੀ ਜਾਂਚ ਜਾਰੀ ਹੈ। ਏਆਰਵਾਈ ਨਿਊਜ਼ ਦੀ ਦੱਸਿਆ ਕਿ ਇਸ ਤੋਂ ਪਹਿਲਾਂ 4 ਅਗਸਤ ਨੂੰ ਪੀਆਈਏ ਨੇ ਬਰਮਿੰਘਮ ਸਥਿਤ ਡਿਪਟੀ ਸਟੇਸ਼ਨ ਮੈਨੇਜਰ ਦੇ ਵਿਰੁੱਧ ਕਾਰਵਾਈ ਕੀਤੀ ਸੀ ਜਦੋਂ ਇੱਕ ਜਾਂਚ ਵਿੱਚ ਉਨ੍ਹਾਂ ਦੀਆਂ ਵਿਦਿਅਕ ਯੋਗਤਾਵਾਂ ਵਿੱਚ ਅੰਤਰ ਸਾਹਮਣੇ ਆਏ ਸਨ। ਏਅਰਲਾਈਨ ਦੇ ਡਿਪਟੀ ਸਟੇਸ਼ਨ ਮੈਨੇਜਰ ਜਾਵੇਦ ਇਕਬਾਲ ਬਾਜਵਾ ਵੱਲੋਂ ਫਰਜ਼ੀ ਇੰਟਰਮੀਡੀਏਟ ਸਰਟੀਫਿਕੇਟ ਪੇਸ਼ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੀਆਈਏ ਨੇ ਬਾਜਵਾ ਦੇ ਵਿਦਿਅਕ ਦਸਤਾਵੇਜ਼ਾਂ ਨੂੰ ਤਸਦੀਕ ਲਈ ਸਬੰਧਤ ਅਧਿਕਾਰੀਆਂ ਨੂੰ ਭੇਜਣ ਤੋਂ ਬਾਅਦ ਇਹ ਜਾਣਕਾਰੀ ਸਾਹਮਣੇ ਆਈ ਸੀ, ਜਿਸ ਨਾਲ ਏਅਰਲਾਈਨ ਨੂੰ ਉਸ ਨੂੰ ਕਾਰਨ ਦੱਸੋ ਨੋਟਿਸ ਜਾਰੀ ਕਰਨ ਲਈ ਕਿਹਾ ਗਿਆ ਸੀ।

ਮਿਲੀ ਜਾਣਕਾਰੀ ਮੁਤਾਬਕ ਪੀਆਈਏ ਦਾ ਜਲਦੀ ਹੀ ਨਿੱਜੀਕਰਨ ਕੀਤਾ ਜਾ ਰਿਹਾ ਹੈ, ਨੈਸ਼ਨਲ ਅਸੈਂਬਲੀ ਦੀ ਹਵਾਬਾਜ਼ੀ ਬਾਰੇ ਸਥਾਈ ਕਮੇਟੀ ਨੇ 6 ਜੁਲਾਈ ਨੂੰ ਦੱਸਿਆ ਕਿ ਪ੍ਰਕਿਰਿਆ ਲਗਭਗ ਪੂਰੀ ਹੋ ਗਈ ਹੈ। ਜਾਰੀ ਇੱਕ ਬਿਆਨ ਦੇ ਅਨੁਸਾਰ, ਨਾਗਰਿਕ ਹਵਾਬਾਜ਼ੀ ਅਥਾਰਟੀ (CAA) ਵਰਤਮਾਨ ਵਿੱਚ 13 ਅੰਤਰਰਾਸ਼ਟਰੀ ਹਵਾਈ ਅੱਡਿਆਂ ਸਮੇਤ 43 ਵਿੱਚੋਂ 22 ਹਵਾਈ ਅੱਡਿਆਂ ਦਾ ਸੰਚਾਲਨ ਕਰਦੀ ਹੈ ਤੇ ਕਈ ਸਾਲਾਂ ਤੋਂ ਵਿਕਾਸ ਬਜਟ ਦੀਆਂ ਰੁਕਾਵਟਾਂ ਦਾ ਸਾਹਮਣਾ ਕਰ ਰਹੀ ਹੈ।