ਪਾਕਿ ''ਚ ਕੋਰੋਨਾਵਾਇਰਸ ਮਾਮਲਿਆਂ ਦੀ ਗਿਣਤੀ ਹੋਈ 255,769
07/15/2020 1:24:09 PM
ਇਸਲਾਮਾਬਾਦ (ਭਾਸ਼ਾ): ਪਾਕਿਸਤਾਨ ਵਿਚ ਕੋਰੋਨਾਵਾਇਰਸ ਦਾ ਕਹਿਰ ਜਾਰੀ ਹੈ।ਸਿਹਤ ਮੰਤਰਾਲੇ ਨੇ ਕਿਹਾ ਕਿ ਪਿਛਲੇ 24 ਘੰਟਿਆਂ ਦੌਰਾਨ 2,165 ਹੋਰ ਲੋਕਾਂ ਦੇ ਪਾਜ਼ੇਟਿਵ ਪਾਏ ਜਾਣ ਤੋਂ ਬਾਅਦ ਬੁੱਧਵਾਰ ਨੂੰ ਪਾਕਿਸਤਾਨ ਦੇ ਕੋਰੋਨਾਵਾਇਰਸ ਮਾਮਲੇ 255,769 'ਤੇ ਪਹੁੰਚ ਗਏ। ਰਾਸ਼ਟਰੀ ਸਿਹਤ ਸੇਵਾ ਮੰਤਰਾਲੇ ਦੇ ਮੁਤਾਬਕ ਦੇਸ਼ ਭਰ ਵਿਚ ਹੁਣ ਤੱਕ 172,810 ਲੋਕ ਠੀਕ ਹੋ ਗਏ ਹਨ। ਮੰਗਲਵਾਰ ਨੂੰ, ਪਿਛਲੇ 24 ਘੰਟਿਆਂ ਦੌਰਾਨ ਕੋਵਿਡ-19 ਨਾਲ ਸਬੰਧਤ 67 ਹੋਰ ਮੌਤਾਂ ਹੋਈਆਂ, ਜਿਸ ਨਾਲ ਕੁੱਲ ਮੌਤਾਂ ਦੀ ਗਿਣਤੀ 5,386 ਹੋ ਗਈ।
ਮੰਤਰਾਲੇ ਦੇ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਪਾਕਿਸਤਾਨ ਵਿਚ ਕੋਰੋਨੋਵਾਇਰਸ ਦੇ ਐਕਟਿਵ ਮਰੀਜ਼ਾਂ ਦੀ ਕੁੱਲ ਗਿਣਤੀ 77,573 ਸੀ। ਕੁੱਲ 255,769 ਮਾਮਲਿਆਂ ਵਿਚੋਂ 107,773 ਸਿੰਧ ਵਿਚ, ਪੰਜਾਬ ਵਿਚ 88,045, ਖੈਬਰ-ਪਖਤੂਨਖਵਾ ਵਿਚ 31,001, ਇਸਲਾਮਾਬਾਦ ਵਿਚ 14,315, ਬਲੋਚਿਸਤਾਨ ਵਿਚ 11,239, ਗਿਲਗਿਤ-ਬਾਲਟਿਸਤਾਨ ਵਿਚ 1,708 ਅਤੇ ਮਕਬੂਜ਼ਾ ਕਸ਼ਮੀਰ ਵਿਚ 1,688 ਮਾਮਲੇ ਦਰਜ ਕੀਤੇ ਗਏ ਹਨ। ਪਿਛਲੇ 24 ਘੰਟਿਆਂ ਦੌਰਾਨ 21,749 ਸਮੇਤ ਕੁੱਲ 1,627,939 ਟੈਸਟ ਕੀਤੇ ਗਏ।
ਪੜ੍ਹੋ ਇਹ ਅਹਿਮ ਖਬਰ- ਵਿਗਿਆਨੀ ਉਤਸ਼ਾਹਿਤ, ਫਾਈਨਲ ਟੈਸਟਿੰਗ 'ਚ ਪਹੁੰਚੀ ਅਮਰੀਕਾ ਦੀ ਕੋਰੋਨਾਵਾਇਰਸ ਵੈਕਸੀਨ
ਮੰਤਰਾਲੇ ਨੇ ਇਹ ਵੀ ਕਿਹਾ ਕਿ ਮਕਬੂਜ਼ਾ ਕਸ਼ਮੀਰ ਅਤੇ ਬਲੋਚਿਸਤਾਨ ਵਿਚ ਕੋਈ ਵੀ ਮਰੀਜ਼ ਵੈਂਟੀਲੇਟਰ 'ਤੇ ਨਹੀਂ ਹੈ। ਭਾਵੇਂਕਿ, ਦੇਸ਼ ਦੇ ਬਾਕੀ ਹਿੱਸਿਆਂ ਵਿਚ 339 ਵੈਂਟੀਲੇਟਰਾਂ 'ਤੇ ਮਰੀਜ਼ ਹਨ। ਪਾਕਿਸਤਾਨ ਨੇ ਕੋਵਿਡ-19 ਲਈ 1,825 ਕਿਰਾਏ ਦੀ ਵੰਡ ਕੀਤੀ ਸੀ। ਦੇਸ਼ ਭਰ ਵਿਚ ਕੋਵਿਡ-19 ਦੀਆਂ ਸਹੂਲਤਾਂ ਦੇ ਨਾਲ 733 ਹਸਪਤਾਲਾਂ ਹਨ, ਜਿਹਨਾਂ ਵਿਚ 3,727 ਮਰੀਜ਼ ਦਾਖਲ ਹਨ। ਬਾਕੀ ਆਪਣੇ ਆਪ ਨੂੰ ਘਰ ਵਿਚ ਕੁਆਰੰਟੀਨ ਕਰ ਰਹੇ ਹਨ।