US 'ਚ ਸਰਕਟ ਫੇਲ੍ਹ ਹੋਣ ਕਾਰਨ 1,000 ਤੋਂ ਵੱਧ ਉਡਾਣਾਂ ਪ੍ਰਭਾਵਿਤ, ਨਿਊਯਾਰਕ ਸਣੇ ਕਈ ਏਅਰਪੋਰਟਾਂ 'ਤੇ Blackout

ਨਿਊਯਾਰਕ : ਉੱਤਰ-ਪੂਰਬੀ ਅਮਰੀਕਾ ਵਿੱਚ ਸਰਕਟ ਫੇਲ੍ਹ ਹੋਣ ਅਤੇ ਸੰਚਾਰ ਲਾਈਨਾਂ ਕੱਟੇ ਜਾਣ ਕਾਰਨ ਹਵਾਈ ਆਵਾਜਾਈ ਠੱਪ ਹੋ ਗਈ, ਜਿਸ ਦੇ ਨਤੀਜੇ ਵਜੋਂ 1,000 ਤੋਂ ਵੱਧ ਉਡਾਣਾਂ ਵਿੱਚ ਦੇਰੀ ਹੋਈ ਜਾਂ ਉਨ੍ਹਾਂ ਨੂੰ ਰੱਦ ਕਰਨਾ ਪਿਆ। ਇਸ ਵੱਡੀ ਰੁਕਾਵਟ ਨੇ ਜੌਨ ਐੱਫ. ਕੈਨੇਡੀ (JFK), ਨਿਊਯਾਰਕ, ਫਿਲਾਡੇਲਫੀਆ, ਟੇਟਰਬੋਰੋ ਅਤੇ ਵੈਸਟਚੈਸਟਰ ਕਾਉਂਟੀ ਸਮੇਤ ਕਈ ਹਵਾਈ ਅੱਡਿਆਂ ਨੂੰ ਸਿੱਧੇ ਤੌਰ 'ਤੇ ਪ੍ਰਭਾਵਿਤ ਕੀਤਾ। ਇਹ ਸੰਕਟ ਉਸ ਸਮੇਂ ਪੈਦਾ ਹੋਇਆ ਜਦੋਂ ਸੰਯੁਕਤ ਰਾਸ਼ਟਰ ਦੀ ਜਨਰਲ ਅਸੈਂਬਲੀ ਦੀ ਸਾਲਾਨਾ ਮੀਟਿੰਗ ਵਿੱਚ ਸ਼ਾਮਲ ਹੋਣ ਲਈ 130 ਵਿਸ਼ਵ ਆਗੂ ਅਤੇ ਦਰਜਨਾਂ ਮੰਤਰੀ ਨਿਊਯਾਰਕ ਪਹੁੰਚ ਰਹੇ ਸਨ।

ਐਮਟਰੈਕ (Amtrak) ਰੇਲ ਦੇ ਕੰਮ ਦੌਰਾਨ ਕੱਟੀ ਗਈ ਫਾਈਬਰ-ਆਪਟਿਕ ਲਾਈਨ 

ਟਰਾਂਸਪੋਰਟੇਸ਼ਨ ਸਕੱਤਰ ਸੀਨ ਡਫੀ ਨੇ ਦੱਸਿਆ ਕਿ ਨੇੜਲੀ ਐਮਟਰੈਕ ਰੇਲ ਲਾਈਨ 'ਤੇ ਉਸਾਰੀ ਦੇ ਕੰਮ ਦੌਰਾਨ ਇੱਕ ਮੁੱਖ ਫਾਈਬਰ-ਆਪਟਿਕ ਲਾਈਨ ਕੱਟੀ ਗਈ ਸੀ, ਜਿਸ ਕਾਰਨ ਵੈਰੀਜ਼ੋਨ (Verizon) ਦੇ ਸੰਚਾਰ ਪ੍ਰਣਾਲੀਆਂ ਵਿੱਚ ਖਰਾਬੀ ਆ ਗਈ। ਜਦੋਂ ਸਵੇਰੇ 10:00 ਵਜੇ ਮੁੱਖ ਸਰਕਟ ਫੇਲ੍ਹ ਹੋਇਆ ਅਤੇ ਸਿਸਟਮ ਨੂੰ ਬੈਕਅੱਪ 'ਤੇ ਤਬਦੀਲ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ, ਤਾਂ ਪਤਾ ਲੱਗਾ ਕਿ ਨਿਊਜਰਸੀ ਵਿੱਚ ਲਗਾਇਆ ਗਿਆ ਨਵਾਂ ਫਾਈਬਰ-ਆਪਟਿਕ ਬੈਕਅੱਪ ਵੀ ਪਹਿਲਾਂ ਹੀ ਉਸਾਰੀ ਦੇ ਕੰਮ ਕਾਰਨ ਨੁਕਸਾਨਿਆ ਗਿਆ ਸੀ। ਇਸ ਤੋਂ ਇਲਾਵਾ ਬੋਸਟਨ ਹਵਾਈ ਅੱਡੇ 'ਤੇ ਉਡਾਣਾਂ ਦੀ ਭਾਰੀ ਗਿਣਤੀ ਕਾਰਨ ਲਗਾਈ ਗਈ ਅਸਥਾਈ 'ਗਰਾਊਂਡ ਸਟਾਪ' (ਉਡਾਣਾਂ ਰੋਕਣ ਦੀ ਕਾਰਵਾਈ) ਨੂੰ ਬਾਅਦ ਵਿੱਚ ਹਟਾ ਲਿਆ ਗਿਆ।

Thousands of US flights snarled before FAA resolves telecom problem https://t.co/fmCQhwRu5o https://t.co/fmCQhwRu5o

— Reuters (@Reuters) September 21, 2026

600 ਤੋਂ ਵੱਧ ਉਡਾਣਾਂ ਨਿਊਯਾਰਕ ਤੇ ਫਿਲਾਡੇਲਫੀਆ 'ਚ ਹੋਈਆਂ ਲੇਟ

ਸਿਰਫ ਨਿਊਯਾਰਕ ਅਤੇ ਫਿਲਾਡੇਲਫੀਆ ਹਵਾਈ ਅੱਡਿਆਂ 'ਤੇ ਹੀ 600 ਤੋਂ ਵੱਧ ਉਡਾਣਾਂ ਵਿੱਚ ਦੇਰੀ ਦਰਜ ਕੀਤੀ ਗਈ। ਸ਼ਾਮ 6:00 ਵਜੇ ਤੱਕ ਟਰਾਂਸਪੋਰਟੇਸ਼ਨ ਸਕੱਤਰ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'X' 'ਤੇ ਐਲਾਨ ਕੀਤਾ ਕਿ ਦੂਰਸੰਚਾਰ ਲਾਈਨਾਂ ਦੀ ਮੁਰੰਮਤ ਕਰ ਦਿੱਤੀ ਗਈ ਹੈ ਅਤੇ ਉੱਤਰ-ਪੂਰਬੀ ਹਵਾਈ ਅੱਡਿਆਂ 'ਤੇ ਕੰਮਕਾਜ ਮੁੜ ਸ਼ੁਰੂ ਹੋ ਰਿਹਾ ਹੈ। ਹਾਲਾਂਕਿ, ਅਧਿਕਾਰੀਆਂ ਨੇ ਚੇਤਾਵਨੀ ਦਿੱਤੀ ਕਿ ਬਾਕੀ ਬਚੀ ਦੇਰੀ ਨੂੰ ਦੂਰ ਕਰਨ ਵਿੱਚ ਸਮਾਂ ਲੱਗੇਗਾ, ਜਿਸ ਕਾਰਨ JFK, ਲਾਗੁਆਰਡੀਆ, ਨਿਊਯਾਰਕ, ਟੇਟਰਬੋਰੋ ਅਤੇ ਫਿਲਾਡੇਲਫੀਆ ਵਿੱਚ ਕਈ ਘੰਟਿਆਂ ਦੀ ਦੇਰੀ ਜਾਰੀ ਰਹੇਗੀ।

ਇਹ ਵੀ ਪੜ੍ਹੋ : ਲੰਡਨ 'ਚ ਦਰਦਨਾਕ ਸੜਕ ਹਾਦਸਾ: ਨਾਬਾਲਗ ਪੰਜਾਬੀ ਨੌਜਵਾਨ ਦੀ ਮੌਤ, ਇੱਕ ਜ਼ਖ਼ਮੀ

50 ਸਾਲ ਪੁਰਾਣੇ ਬੁਨਿਆਦੀ ਢਾਂਚੇ 'ਤੇ ਉਠੇ ਸਵਾਲ

ਅਧਿਕਾਰੀਆਂ ਨੇ ਹਵਾਈ ਅੱਡੇ ਦੇ ਪੁਰਾਣੇ ਡਾਟਾ ਆਰਕੀਟੈਕਚਰ ਅਤੇ ਨੈੱਟਵਰਕ ਡਿਜ਼ਾਈਨ ਦੀ ਸਖ਼ਤ ਆਲੋਚਨਾ ਕੀਤੀ। ਉਨ੍ਹਾਂ ਚਿਤਾਵਨੀ ਦਿੱਤੀ ਕਿ ਜਦੋਂ ਤੱਕ 50 ਸਾਲ ਪੁਰਾਣੇ ਇਸ ਸਿਸਟਮ ਡਿਜ਼ਾਈਨ ਨੂੰ ਪੂਰੀ ਤਰ੍ਹਾਂ ਨਵੇਂ ਸਿਰੇ ਤੋਂ ਨਹੀਂ ਬਦਲਿਆ ਜਾਂਦਾ, ਉਦੋਂ ਤੱਕ ਅਜਿਹੀਆਂ ਖਰਾਬੀਆਂ ਹੁੰਦੀਆਂ ਰਹਿਣਗੀਆਂ। ਇਹ ਗੌਰ ਕਰਨ ਵਾਲੀ ਗੱਲ ਹੈ ਕਿ ਅਮਰੀਕੀ ਕਾਂਗਰਸ ਨੇ ਪਿਛਲੇ ਸਾਲ ਦੇਸ਼ ਦੇ ਏਅਰ ਟ੍ਰੈਫਿਕ ਕੰਟਰੋਲ ਸਿਸਟਮ ਨੂੰ ਆਧੁਨਿਕ ਬਣਾਉਣ ਅਤੇ ਨਵੇਂ ਕੰਟਰੋਲਰਾਂ ਦੀ ਭਰਤੀ ਲਈ 12.5 ਬਿਲੀਅਨ ਡਾਲਰ ਦੀ ਮਨਜ਼ੂਰੀ ਦਿੱਤੀ ਸੀ। ਟਰਾਂਸਪੋਰਟੇਸ਼ਨ ਸਕੱਤਰ ਡਫੀ ਨੇ ਵੀ ਬੁਨਿਆਦੀ ਢਾਂਚੇ ਨੂੰ ਆਧੁਨਿਕ ਬਣਾਉਣ ਲਈ ਵਾਧੂ ਫੰਡਾਂ ਦੀ ਲੋੜ 'ਤੇ ਜ਼ੋਰ ਦਿੱਤਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e