ਗੈਰ ਗੋਰੀ ਗਰਭਵਤੀ ਔਰਤ ਨੂੰ ਮਾਰੀ ਸੀ ਗੋਲੀ, ਅਧਿਕਾਰੀ ''ਤੇ ਕਤਲ ਦਾ ਦੋਸ਼ ਤੈਅ

ਕੋਲੰਬਸ (ਏਪੀ)- ਅਮਰੀਕਾ ਦੇ ਓਹੀਓ ਸੂਬੇ ‘ਚ ਪਿਛਲੇ ਸਾਲ ਅਗਸਤ ‘ਚ ਚੋਰੀ ਦੇ ਸ਼ੱਕ ‘ਚ 21 ਸਾਲਾ ਗਰਭਵਤੀ ਗੈਰ ਗੋਰੀ ਔਰਤ ਤਕੀਆ ਯੰਗ ਨੂੰ ਗੋਲੀ ਮਾਰ ਦਿੱਤੀ ਗਈ ਸੀ। ਇਸ ਮਾਮਲੇ 'ਚ ਇਕ ਪੁਲਸ ਅਧਿਕਾਰੀ ‘ਤੇ ਕਤਲ ਅਤੇ ਹੋਰ ਦੋਸ਼ ਲਾਏ ਗਏ ਹਨ। ਯੰਗ 'ਤੇ ਇੱਕ ਸਟੋਰ ਤੋਂ ਸ਼ਰਾਬ ਦੀਆਂ ਬੋਤਲਾਂ ਚੋਰੀ ਕਰਨ ਦਾ ਸ਼ੱਕ ਸੀ, ਜਿਸ ਤੋਂ ਬਾਅਦ ਬਲੈਂਡਨ ਟਾਊਨਸ਼ਿਪ ਦੇ ਇੱਕ ਪੁਲਸ ਅਧਿਕਾਰੀ ਕੋਨਰ ਗਰਬ ਅਤੇ ਉਸਦੇ ਸਾਥੀ ਨੇ ਉਸਦੀ ਕਾਰ ਦਾ ਪਿੱਛਾ ਕੀਤਾ। 

ਪੜ੍ਹੋ ਇਹ ਅਹਿਮ ਖ਼ਬਰ-ਬੱਚੇ ਨੂੰ ਬਚਾਉਣ ਗਏ ਪੰਜਾਬੀ ਨੌਜਵਾਨ ਦੀ ਪਾਣੀ 'ਚ ਡੁੱਬਣ ਕਾਰਨ ਮੌਤ

ਇਕ ਹੋਰ ਪੁਲਸ ਮੁਲਾਜ਼ਮ ਨੇ ਯੰਗ ਨੂੰ ਕਾਰ 'ਚੋਂ ਉਤਰਨ ਲਈ ਕਿਹਾ ਪਰ ਉਹ ਰੁਕਣ ਦੀ ਬਜਾਏ ਅੱਗੇ ਚਲੀ ਗਈ, ਜਿਸ ਤੋਂ ਬਾਅਦ ਗਰਬ ਨੇ ਉਸ ਨੂੰ ਗੋਲੀ ਮਾਰ ਦਿੱਤੀ। ਫਰੈਂਕਲਿਨ ਕਾਉਂਟੀ ਦੀ ਇੱਕ ਗ੍ਰੈਂਡ ਜਿਊਰੀ ਨੇ ਮੰਗਲਵਾਰ ਨੂੰ ਗਰਬ 'ਤੇ ਯੰਗ ਅਤੇ ਉਸਦੇ ਅਣਜੰਮੇ ਬੱਚੇ ਦੀ ਹੱਤਿਆ ਅਤੇ ਅਣਇੱਛਤ ਕਤਲੇਆਮ ਅਤੇ ਗੰਭੀਰ ਹਮਲੇ ਦਾ ਦੋਸ਼ ਲਗਾਇਆ ਅਤੇ ਉਸ ਦੀ ਗ੍ਰਿਫ਼ਤਾਰੀ ਦਾ ਵਾਰੰਟ ਜਾਰੀ ਕੀਤਾ। ਗਰਬ ਨੂੰ ਬੁੱਧਵਾਰ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਜਾਵੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।