7 ਸਾਲ ਬਾਅਦ ਧਰਤੀ ''ਤੇ ਉੱਤਰਿਆ NASA ਦਾ ਸਪੇਸ ਕੈਪਸੂਲ, ਖੋਲ੍ਹੇਗਾ ਸੂਰਜ ਤੇ ਹੋਰ ਗ੍ਰਹਿਆਂ ਦੇ ਡੂੰਘੇ ਰਾਜ਼!

ਇੰਟਰਨੈਸ਼ਨਲ ਡੈਸਕ : ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਦਾ ਪਹਿਲਾ ਸਪੇਸ ਕੈਪਸੂਲ ਪੁਲਾੜ ਤੋਂ ਗ੍ਰਹਿਆਂ ਦੇ ਸੈਂਪਲ ਲੈ ਕੇ ਧਰਤੀ 'ਤੇ ਪਹੁੰਚ ਗਿਆ ਹੈ। ਇਸ ਨੇ 7 ਸਾਲ ਦਾ ਸਫ਼ਰ ਪੂਰਾ ਕੀਤਾ ਅਤੇ ਐਤਵਾਰ ਨੂੰ ਅਮਰੀਕਾ ਦੇ ਉਟਾਹ ਰੇਗਿਸਤਾਨ 'ਚ ਉੱਤਰਿਆ। ਇਸ ਨੂੰ ਪੈਰਾਸ਼ੂਟ ਰਾਹੀਂ ਹੇਠਾਂ ਲਿਆਂਦਾ ਗਿਆ ਹੈ। ਇਸ ਪੁਲਾੜ ਮਿਸ਼ਨ ਰਾਹੀਂ ਇਕੱਠਾ ਕੀਤਾ ਗਿਆ ਡੇਟਾ ਵਿਗਿਆਨੀਆਂ ਨੂੰ ਭਵਿੱਖ ਵਿੱਚ ਕਿਸੇ ਵੀ ਐਸਟਰਾਇਡ-ਡਿਫਲੈਕਸ਼ਨ ਦੇ ਯਤਨਾਂ ਵਿੱਚ ਮਦਦ ਕਰੇਗਾ।

ਇਹ ਵੀ ਪੜ੍ਹੋ : ਭਾਰਤ-ਕੈਨੇਡਾ ਵਿਵਾਦ: ਵਿਰੋਧੀ ਧਿਰ ਦੇ ਨੇਤਾ ਐਂਡਰਿਊ ਸ਼ੀਅਰ ਨੇ PM ਟਰੂਡੋ 'ਤੇ ਸਾਧਿਆ ਨਿਸ਼ਾਨਾ

ਨਾਸਾ ਨੇ ਇਸ ਮਿਸ਼ਨ ਨੂੰ 8 ਸਤੰਬਰ 2016 ਨੂੰ ਲਾਂਚ ਕੀਤਾ ਸੀ ਤੇ ਇਸ ਨੂੰ OSIRIS-REx ਦਾ ਨਾਂ ਦਿੱਤਾ ਸੀ। ਉਥੇ ਹੀ ਨਾਸਾ ਦਾ ਪੁਲਾੜ ਯਾਨ 3 ਦਸੰਬਰ, 2018 ਨੂੰ ਬੇਨੂ ਨਾਮਕ ਗ੍ਰਹਿ 'ਤੇ ਪਹੁੰਚਿਆ, ਜਿਸ ਤੋਂ ਬਾਅਦ ਇਸ ਨੇ 2 ਸਾਲਾਂ ਤੱਕ ਉੱਥੋਂ ਦੇ ਮਾਹੌਲ ਦਾ ਮੁਲਾਂਕਣ ਕੀਤਾ। ਇਸ ਤੋਂ ਬਾਅਦ 20 ਅਕਤੂਬਰ 2020 ਨੂੰ ਪੁਲਾੜ ਯਾਨ ਬੇਨੂ ਦੇ ਬਹੁਤ ਨੇੜੇ ਪਹੁੰਚਿਆ ਅਤੇ ਵੈਕਿਊਮ ਸਟਿੱਕ ਨਾਲ ਨਮੂਨੇ ਇਕੱਠੇ ਕੀਤੇ। ਹੁਣ ਉਸ ਦਾ ਅਗਲਾ ਕੰਮ ਧਰਤੀ ਲਈ ਰਵਾਨਾ ਹੋਣਾ ਸੀ। ਪੁਲਾੜ ਯਾਨ ਦੀ ਪ੍ਰੋਪਲਸ਼ਨ ਪ੍ਰਣਾਲੀ 10 ਮਈ 2021 ਨੂੰ ਚਲਾਈ ਗਈ ਸੀ ਅਤੇ ਪੁਲਾੜ ਯਾਨ ਨੇ ਆਪਣੀ ਅੰਤਿਮ ਮੰਜ਼ਿਲ ਵੱਲ ਆਪਣੀ ਯਾਤਰਾ ਸ਼ੁਰੂ ਕੀਤੀ ਸੀ।

ਇਹ ਵੀ ਪੜ੍ਹੋ : 'ਭਵਿੱਖ 'ਚ ਫਿਰ ਤਬਾਹੀ ਮਚਾ ਸਕਦੈ ਕੋਰੋਨਾ!', ਚੀਨੀ ਵਿਗਿਆਨੀ ਦੀ ਰਿਸਰਚ 'ਚ ਹੋਇਆ ਵੱਡਾ ਖੁਲਾਸਾ

Precious cargo 🚁

The #OSIRISREx asteroid sample hitches a ride on a helicopter. The next stop is a clean room here in Utah. It will eventually make its way to @NASA_Johnson for scientific analysis. pic.twitter.com/pP6ZHVtTXg

— NASA (@NASA) September 24, 2023

ਪੁਲਾੜ ਏਜੰਸੀ ਦੇ ਪੁਲਾੜ ਯਾਨ ਨੇ ਕੈਪਸੂਲ ਨੂੰ ਧਰਤੀ ਤੋਂ 1 ਲੱਖ ਕਿਲੋਮੀਟਰ ਉਪਰ ਛੱਡਿਆ ਸੀ, ਜਿਸ ਤੋਂ ਬਾਅਦ 4 ਘੰਟੇ ਬਾਅਦ ਇਹ ਕੈਪਸੂਲ ਧਰਤੀ 'ਤੇ ਉੱਤਰਿਆ। ਵਿਗਿਆਨੀਆਂ ਨੇ ਅੰਦਾਜ਼ਾ ਲਗਾਇਆ ਹੈ ਕਿ ਬੇਨੂ ਨਾਂ ਦੇ ਕਾਰਬਨ-ਅਮੀਰ ਗ੍ਰਹਿ ਤੋਂ ਘੱਟੋ-ਘੱਟ ਇਕ ਕੱਪ ਮਿੱਟੀ ਆਉਣ ਦੀ ਉਮੀਦ ਹੈ। ਹਾਲਾਂਕਿ, ਇਹ ਕਿਹਾ ਗਿਆ ਹੈ ਕਿ ਜਦੋਂ ਤੱਕ ਡੱਬੇ ਨੂੰ ਖੋਲ੍ਹਿਆ ਨਹੀਂ ਜਾਂਦਾ, ਉਦੋਂ ਤੱਕ ਇਹ ਪਤਾ ਲਗਾਉਣਾ ਮੁਸ਼ਕਿਲ ਹੈ ਕਿ ਕੈਪਸੂਲ ਵਿੱਚ ਕਿੰਨੀ ਸਮੱਗਰੀ ਧਰਤੀ 'ਤੇ ਆਈ ਹੈ। ਇਸ ਤੋਂ ਪਹਿਲਾਂ ਧਰਤੀ 'ਤੇ ਗ੍ਰਹਿਆਂ ਦੇ ਨਮੂਨੇ ਵਾਪਸ ਲਿਆਉਣ ਵਾਲਾ ਇਕਲੌਤਾ ਦੇਸ਼ ਜਾਪਾਨ ਸੀ। ਉਹ 2 ਐਸਟੇਰਾਇਡ ਮਿਸ਼ਨਾਂ ਤੋਂ ਸਿਰਫ ਇਕ ਚਮਚਾ ਮਲਬਾ ਇਕੱਠਾ ਕਰ ਸਕਿਆ।

ਇਹ ਵੀ ਪੜ੍ਹੋ : ਇਕ ਦੂਜੇ ਦੇ ਹੋਏ ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ, ਵਿਆਹ ਤੋਂ ਬਾਅਦ ਦੀ ਪਹਿਲੀ ਤਸਵੀਰ ਆਈ ਸਾਹਮਣੇ

After a journey of nearly 3.9 billion miles, the #OSIRISREx asteroid sample return capsule is back on Earth. Teams perform the initial safety assessment—the first persons to come into contact with this hardware since it was on the other side of the solar system. pic.twitter.com/KVDWiovago

— NASA (@NASA) September 24, 2023

ਐਸਟਰਾਇਡ ਦੇ ਸੈਂਪਲ ਨਾਸਾ ਦੇ ਜਾਨਸਨ ਸਪੇਸ ਸੈਂਟਰ ਪਹੁੰਚਾਏ ਜਾਣਗੇ

ਕਿਹਾ ਜਾ ਰਿਹਾ ਹੈ ਕਿ ਵਿਗਿਆਨੀ ਹੁਣ ਨਾਸਾ ਦੁਆਰਾ ਲਿਆਂਦੇ ਗਏ ਗ੍ਰਹਿਆਂ ਦੇ ਨਮੂਨਿਆਂ ਦਾ ਅਧਿਐਨ ਕਰਨਗੇ ਅਤੇ ਇਨ੍ਹਾਂ ਰਾਹੀਂ ਉਨ੍ਹਾਂ ਨੂੰ ਇਹ ਸਮਝਣ ਵਿੱਚ ਮਦਦ ਮਿਲੇਗੀ ਕਿ ਸਾਢੇ 4 ਅਰਬ ਸਾਲ ਪਹਿਲਾਂ ਸਾਡੇ ਸੂਰਜੀ ਸਿਸਟਮ ਦੀ ਸਥਿਤੀ ਕੀ ਸੀ। ਨਾਲ ਹੀ ਧਰਤੀ ਅਤੇ ਜੀਵਨ ਨੇ ਕਿਵੇਂ ਆਕਾਰ ਲਿਆ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ ਗ੍ਰਹਿ ਦੇ ਨਮੂਨੇ ਸੋਮਵਾਰ ਨੂੰ ਹਿਊਸਟਨ ਵਿੱਚ ਨਾਸਾ ਦੇ ਜਾਨਸਨ ਸਪੇਸ ਸੈਂਟਰ ਵਿੱਚ ਪਹੁੰਚਾਏ ਜਾਣਗੇ।

After releasing its capsule into Earth's atmosphere, our #OSIRISREx spacecraft takes on a new journey to asteroid Apophis, for a close-up look at an S-type (stony) asteroid. The extended mission is named OSIRIS-APEX (OSIRIS-APophis EXplorer). https://t.co/ZlgnIju88v pic.twitter.com/XCCudemazv

— NASA (@NASA) September 24, 2023

ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।

ਜਗ ਬਾਣੀ ਈ-ਪੇਪਰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

 For IOS:- https://itunes.apple.com/in/app/id538323711?mt=8