100 ਕਰੋੜ ਤੋਂ ਵੱਧ ਲੋਕਾਂ ਨੂੰ ਜਾਦੂ-ਟੂਣੇ ''ਚ ਵਿਸ਼ਵਾਸ, ਸਾਹਮਣੇ ਆਏ ਹੈਰਾਨੀਜਨਕ ਅੰਕੜੇ

ਇੰਟਰਨੈਸ਼ਨਲ ਡੈਸਕ (ਬਿਊਰੋ): ਜਾਦੂ-ਟੂਣਾ ਇਕ ਅਜਿਹਾ ਵਿਸ਼ਾ ਹੈ, ਜਿਸ ਦਾ ਨਾਂ ਸੁਣਦਿਆਂ ਹੀ ਲੋਕਾਂ ਵਿਚ ਇਕ ਵੱਖਰੀ ਤਸਵੀਰ ਬਣ ਜਾਂਦੀ ਹੈ। ਪਰ ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਸ ਤਕਨੀਕੀ ਯੁੱਗ ਵਿਚ ਵੀ ਦੁਨੀਆ ਵਿਚ 100 ਕਰੋੜ ਤੋਂ ਜ਼ਿਆਦਾ ਲੋਕ ਜਾਦੂ-ਟੂਣੇ ਵਿਚ ਵਿਸ਼ਵਾਸ ਰੱਖਦੇ ਹਨ। ਪਿਊ ਰਿਸਰਚ ਵੱਲੋਂ 95 ਦੇਸ਼ਾਂ ਵਿੱਚ ਕੀਤੇ ਗਏ ਸਰਵੇਖਣ ਵਿੱਚ ਇਹ ਗੱਲ ਸਾਹਮਣੇ ਆਈ।

40% ਲੋਕ ਡੈਣ-ਚੁੜੈਲਾਂ ਵਿੱਚ ਕਰਦੇ ਹਨ ਵਿਸ਼ਵਾਸ 

ਲਗਭਗ 40% ਲੋਕਾਂ ਨੇ ਵਹਿਮਾਂ-ਭਰਮਾਂ ਦੇ ਨਾਲ-ਨਾਲ ਡੈਣ-ਚੁੜੈਲਾਂ ਵਿੱਚ ਵੀ ਵਿਸ਼ਵਾਸ ਪ੍ਰਗਟਾਇਆ ਹੈ। ਇਸ ਵਿੱਚ ਲਗਭਗ ਸਾਰੇ ਦੇਸ਼ਾਂ ਦੇ ਨਾਗਰਿਕ ਸ਼ਾਮਲ ਹਨ। ਖਾਸ ਤੌਰ 'ਤੇ, ਅੰਧਵਿਸ਼ਵਾਸ ਵਿੱਚ ਵਿਸ਼ਵਾਸ ਦਾ ਪੱਧਰ ਸਿੱਖਿਆ ਅਤੇ ਆਰਥਿਕ ਸੁਰੱਖਿਆ ਦੇ ਪੱਧਰਾਂ ਦੇ ਨਾਲ-ਨਾਲ ਦੇਸ਼ਾਂ ਵਿੱਚ ਵਿਆਪਕ ਤੌਰ 'ਤੇ ਵੱਖਰਾ ਹੈ। ਇੱਕ ਪਾਸੇ ਯੂਰਪੀ ਦੇਸ਼ ਸਵੀਡਨ ਵਿੱਚ 9% ਤੋਂ ਵੀ ਘੱਟ ਲੋਕ ਜਾਦੂ-ਟੂਣੇ ਵਿੱਚ ਵਿਸ਼ਵਾਸ ਰੱਖਦੇ ਹਨ, ਦੂਜੇ ਪਾਸੇ ਅਫ਼ਰੀਕੀ ਦੇਸ਼ ਟਿਊਨੀਸ਼ੀਆ ਵਿੱਚ 90% ਤੋਂ ਵੱਧ ਲੋਕ ਜਾਦੂ-ਟੂਣੇ ਵਿੱਚ ਵਿਸ਼ਵਾਸ ਰੱਖਦੇ ਹਨ।

ਅੰਧਵਿਸ਼ਵਾਸ ਦਾ ਸਬੰਧ ਸਮਾਜਿਕ ਰੁਤਬੇ, ਸਿੱਖਿਆ ਨਾਲ 

ਸਰਵੇਖਣ ਵਿੱਚ ਵਹਿਮਾਂ-ਭਰਮਾਂ ਅਤੇ ਜਾਦੂ-ਟੂਣਿਆਂ ਵਿੱਚ ਵਿਸ਼ਵਾਸ ਦਾ ਸਿੱਧਾ ਸਬੰਧ ਸਮਾਜਿਕ ਸੁਰੱਖਿਆ, ਸਿੱਖਿਆ ਦੇ ਪੱਧਰ, ਸੱਭਿਆਚਾਰਕ ਵਿਸ਼ਵਾਸ, ਸਮਾਜਿਕ-ਆਰਥਿਕ ਸਥਿਤੀ ਅਤੇ ਸੰਵਿਧਾਨਕ ਸੰਸਥਾਵਾਂ ਨਾਲ ਹੈ। 2008 ਤੋਂ 2017 ਦਰਮਿਆਨ ਕਰਵਾਏ ਗਏ ਇਸ ਸਰਵੇਖਣ ਵਿੱਚ ਲੋਕਾਂ ਤੋਂ ਧਾਰਮਿਕ ਵਿਸ਼ਵਾਸ, ਅੰਧਵਿਸ਼ਵਾਸ ਅਤੇ ਜਾਦੂ-ਟੂਣਿਆਂ ਵਿੱਚ ਵਿਸ਼ਵਾਸ ਨਾਲ ਸਬੰਧਤ ਸਵਾਲ ਪੁੱਛੇ ਗਏ ਸਨ।ਅਮਰੀਕੀ ਯੂਨੀਵਰਸਿਟੀ ਦੇ ਸਮਾਜ-ਵਿਗਿਆਨੀ ਅਤੇ ਪ੍ਰਮੁੱਖ ਖੋਜੀ ਬੋਰਿਸ ਗਰਸ਼ਮੈਨ ਦਾ ਮੰਨਣਾ ਹੈ ਕਿ ਅਜਿਹੇ ਵਿਸ਼ਵਾਸ ਅਜੇ ਵੀ ਕੁਝ ਥਾਵਾਂ 'ਤੇ ਸੰਘਰਸ਼ ਦਾ ਕਾਰਨ ਬਣਦੇ ਹਨ। ਹਾਲਾਂਕਿ ਚੀਨ ਅਤੇ ਭਾਰਤ ਤੋਂ ਹੋਰ ਡੇਟਾ ਦੀ ਲੋੜ ਹੈ। ਸਰਵੇ ਮੁਤਾਬਕ ਸਵਿਟਜ਼ਰਲੈਂਡ, ਸਕਾਟਲੈਂਡ ਅਤੇ ਨਾਰਵੇ ਦੀ ਸੰਸਦ 'ਚ ਜਾਦੂ-ਟੂਣੇ ਜਾਂ ਡੈਣ ਤੋਂ ਪਰੇਸ਼ਾਨ ਹੋਣ ਅਤੇ ਇਸ ਦੇ ਇਲਾਜ ਲਈ ਪ੍ਰਸਤਾਵ ਆਏ ਹਨ।

ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ ਨੇ ਤਾਈਵਾਨ ਨੂੰ ਦੋ ਨਵੇਂ ਮਹੱਤਵਪੂਰਨ ਹਥਿਆਰਾਂ ਦੀ ਵਿਕਰੀ ਨੂੰ ਦਿੱਤੀ ਮਨਜ਼ੂਰੀ 

ਸਪੇਨ ਵਿੱਚ ਔਰਤਾਂ ਨੂੰ ਦੱਸਿਆ ਡੈਣ, ਕੀਤਾ ਗਿਆ ਕਤਲ 

ਸਪੇਨ ਦੇ ਉੱਤਰ-ਪੂਰਬੀ ਖੁਦਮੁਖਤਿਆਰ ਸੂਬੇ ਕੈਟਾਲੋਨੀਆ ਵਿੱਚ ਪਿਛਲੇ ਸਾਲ ਸੰਸਦ ਵਿੱਚ ਇੱਕ ਮਤਾ ਪਾਸ ਕੀਤਾ ਗਿਆ ਸੀ। ਇਸ ਵਿੱਚ ਜਾਦੂਗਰ ਜਾਂ ਡੈਣ ਕਹਿ ਕੇ ਮਾਰੀਆਂ ਗਈਆਂ ਔਰਤਾਂ ਨੂੰ ਉਹਨਾਂ ਦੇ ਦੋਸ਼ ਤੋਂ ਮੁਕਤ ਕਰ ਦਿੱਤਾ ਗਿਆ। ਸੰਸਦ ਨੇ ਇਨ੍ਹਾਂ ਹੱਤਿਆਵਾਂ ਲਈ ਜਨਤਕ ਮੁਆਫੀ ਮੰਗਣ ਦੀ ਮੰਗ ਵੀ ਕੀਤੀ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।