ਬਾਂਦਰ ਦਾ ਕਾਰਨਾਮਾ! ਪੂਰੇ ਦੇਸ਼ ਦੀ ਗੁੱਲ ਕਰ'ਤੀ ਬੱਤੀ, ਹਰ ਪਾਸੇ ਛਾ ਗਿਆ ਘੁੱਪ ਹਨੇਰਾ

ਵੈੱਬ ਡੈਸਕ : ਸ਼੍ਰੀਲੰਕਾ 'ਚ ਇੱਕ ਅਨੋਖੀ ਘਟਨਾ ਵਾਪਰੀ, ਜਦੋਂ ਇੱਕ ਬਾਂਦਰ ਕਾਰਨ ਪੂਰੇ ਦੇਸ਼ 'ਚ ਬਿਜਲੀ ਚਲੀ ਗਈ। ਇਹ ਘਟਨਾ ਐਤਵਾਰ (9 ਫਰਵਰੀ, 2025) ਨੂੰ ਦੱਖਣੀ ਕੋਲੰਬੋ ਵਿੱਚ ਵਾਪਰੀ, ਜਦੋਂ ਇੱਕ ਬਾਂਦਰ ਇੱਕ ਗਰਿੱਡ ਟ੍ਰਾਂਸਫਾਰਮਰ ਦੇ ਸੰਪਰਕ ਵਿੱਚ ਆ ਗਿਆ, ਜਿਸ ਨਾਲ ਪੂਰੇ ਬਿਜਲੀ ਸਿਸਟਮ ਵਿੱਚ ਅਸੰਤੁਲਨ ਪੈਦਾ ਹੋ ਗਿਆ। ਸ਼੍ਰੀਲੰਕਾ ਦੇ ਊਰਜਾ ਮੰਤਰੀ ਕੁਮਾਰ ਜਯਾਕੋਡੀ ਨੇ ਕਿਹਾ ਕਿ ਇਸ ਘਟਨਾ ਕਾਰਨ ਪੂਰੇ ਦੇਸ਼ ਨੂੰ ਤਿੰਨ ਘੰਟੇ ਲਈ ਬਲੈਕਆਊਟ ਦਾ ਸਾਹਮਣਾ ਕਰਨਾ ਪਿਆ। 

🚨MONKEY TAKES DOWN SRI LANKA’S ENTIRE POWER GRID—COUNTRY LEFT IN THE DARK

A rogue monkey knocked out Sri Lanka’s entire power grid after triggering a total failure at a substation in Colombo.

Some areas suffered 5+ hours of blackout, disrupting hospitals, water supplies, and… pic.twitter.com/4v2wMBKGWG

— Mario Nawfal (@MarioNawfal) February 9, 2025

ਨਿਊਜ਼ ਏਜੰਸੀ ਏਐੱਫਪੀ ਦੀ ਰਿਪੋਰਟ ਦੇ ਅਨੁਸਾਰ, ਸਵੇਰੇ ਲਗਭਗ 8:30 ਵਜੇ ਇੱਕ ਬਾਂਦਰ ਦੇ ਗਰਿੱਡ ਟ੍ਰਾਂਸਫਾਰਮਰ ਵਿੱਚ ਦਾਖਲ ਹੋਣ ਕਾਰਨ ਬਿਜਲੀ ਸਪਲਾਈ ਅਚਾਨਕ ਬੰਦ ਹੋ ਗਈ। ਇਸ ਕਾਰਨ ਦੇਸ਼ ਭਰ ਵਿੱਚ ਹਨੇਰਾ ਫੈਲ ਗਿਆ ਅਤੇ ਲੋਕਾਂ ਨੂੰ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ। ਇੰਜੀਨੀਅਰਾਂ ਦੀ ਤੁਰੰਤ ਮਿਹਨਤ ਕਾਰਨ, ਕੁਝ ਇਲਾਕਿਆਂ ਵਿੱਚ ਸਵੇਰੇ 11:30 ਵਜੇ ਤੱਕ ਬਿਜਲੀ ਬਹਾਲ ਹੋ ਗਈ, ਪਰ ਹੋਰ ਇਲਾਕਿਆਂ ਵਿੱਚ ਸਪਲਾਈ ਪੂਰੀ ਤਰ੍ਹਾਂ ਆਮ ਹੋਣ ਵਿੱਚ ਜ਼ਿਆਦਾ ਸਮਾਂ ਲੱਗਿਆ।

ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਸ਼੍ਰੀਲੰਕਾ ਨੂੰ ਇੰਨੇ ਵੱਡੇ ਬਿਜਲੀ ਸੰਕਟ ਦਾ ਸਾਹਮਣਾ ਕਰਨਾ ਪਿਆ ਹੈ। ਸਾਲ 2022 ਵਿੱਚ, ਜਦੋਂ ਸ਼੍ਰੀਲੰਕਾ ਇੱਕ ਗੰਭੀਰ ਆਰਥਿਕ ਸੰਕਟ ਵਿੱਚੋਂ ਗੁਜ਼ਰ ਰਿਹਾ ਸੀ, ਦੇਸ਼ ਵਿੱਚ ਈਂਧਨ ਦੀ ਭਾਰੀ ਘਾਟ ਕਾਰਨ ਮਹੀਨਿਆਂ ਤੱਕ ਬਿਜਲੀ ਕੱਟ ਜਾਰੀ ਰਹੇ। ਉਸ ਸਮੇਂ ਦੌਰਾਨ, ਲੋਕਾਂ ਨੂੰ 10 ਤੋਂ 13 ਘੰਟੇ ਬਿਜਲੀ ਕੱਟ ਸਹਿਣ ਲਈ ਮਜਬੂਰ ਹੋਣਾ ਪਿਆ, ਜਿਸਦਾ ਕਾਰੋਬਾਰ, ਸਕੂਲਾਂ ਅਤੇ ਹਸਪਤਾਲਾਂ 'ਤੇ ਬਹੁਤ ਵੱਡਾ ਪ੍ਰਭਾਵ ਪਿਆ। ਉਸ ਸਮੇਂ, ਦੇਸ਼ ਵਿੱਚ ਭੋਜਨ ਅਤੇ ਬਾਲਣ ਸਮੇਤ ਬਹੁਤ ਸਾਰੀਆਂ ਜ਼ਰੂਰੀ ਵਸਤੂਆਂ ਦੀ ਸਪਲਾਈ ਠੱਪ ਹੋ ਗਈ ਸੀ, ਜਿਸ ਕਾਰਨ ਲੋਕਾਂ ਵਿੱਚ ਗੁੱਸਾ ਅਤੇ ਸਰਕਾਰ ਵਿਰੁੱਧ ਭਾਰੀ ਵਿਰੋਧ ਪ੍ਰਦਰਸ਼ਨ ਹੋਏ ਸਨ।