ਆਪਣੇ ਤਰਕ ’ਤੇ ਅੜੇ ਬਾਈਡੇਨ, ਫ਼ਿਰ ਕਿਹਾ-ਅਫ਼ਗਾਨਿਸਤਾਨ ਤੋਂ ਸੈਨਿਕਾਂ ਦੀ ਵਾਪਸੀ ਦਾ ਫ਼ੈਸਲਾ ਉੱਚਿਤ
08/23/2021 11:17:31 AM
ਨਿਊਯਾਰਕ: ਅਫ਼ਗਾਨਿਸਤਾਨ ’ਤੇ ਤਾਲਿਬਾਨ ਦੇ ਕਬਜ਼ੇ ਦੇ ਬਾਅਦ ਇੱਥੇ ਪੈਦਾ ਹੋਏ ਸੰਕਟ ’ਚ ਅਮਰੀਕਾ ਦੇ ਰਾਸ਼ਟਰਪਤੀ ਜੋ ਬਾਈਡੇਨ ਨੇ ਯੁੱਧਗ੍ਰਸਤ ਦੇਸ਼ ਨਾਲ ਆਪਣੇ ਸੈਨਿਕਾਂ ਦੀ ਵਾਪਸੀ ਦੇ ਕਦਮ ਨੂੰ ਸਹੀ ਦੱਸਦੇ ਹੋਏ ਕਿਹਾ ਕਿ ਇਤਿਹਾਸ ’ਚ ਇਹ ਕਦਮ ਉੱਚਿਤ ਫੈਸਲੇ ਦੇ ਰੂਪ ’ਚ ਦਰਜ ਕੀਤਾ ਜਾਵੇਗਾ। ਅਫ਼ਗਾਨਿਸਤਾਨ ਤੋਂ ਅਮਰੀਕੀ ਬਲਾਂ ਦੀ ਵਾਪਸੀ ਦੇ ਫੈਸਲੇ ਦੇ ਕਾਰਨ ਬਾਈਡੇਨ ਪ੍ਰਸ਼ਾਸਨ ਦੀ ਆਲੋਚਨਾ ਹੋ ਰਹੀ ਹੈ,ਕਿਉਂਕਿ ਸੈਨਿਕਾਂ ਦੇ ਵਾਪਾਸ ਆਉਣ ਦੇ ਕਾਰਨ ਤਾਲਿਬਾਨ ਨੇ ਅਫ਼ਗਾਨਿਸਤਾਨ ’ਤੇ ਕਬਜ਼ਾ ਕਰ ਲਿਆ ਹੈ, ਜਿਸ ਦੇ ਕਾਰਨ ਦੇਸ਼ ’ਚ ਅਰਾਜਕਤਾ ਫ਼ੈਲ ਗਈ ਹੈ।
ਬਾਈਡੇਨ ਨੇ ਵਾਈਟ ਹਾਊਸ ’ਚ ਪੱਤਰਕਾਰਾਂ ਨੂੰ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਇਤਿਹਾਸ ਦੇ ਪੰਨਿਆਂ ’ਚ ਇਸ ਫੈਸਲੇ ਨੂੰ ਤਰਕਸ਼ੀਲ ਅਤੇ ਉੱਚਿਤ ਫੈਸਲੇ ਦੇ ਰੂਪ ’ਚ ਦਰਜ ਕੀਤਾ ਜਾਵੇਗਾ।ਇਸ ਤੋਂ ਪਹਿਲਾਂ ਭਾਰਤੀ ਮੂਲ ਦੀ ਅਮਰੀਕੀ ਨੇਤਾ ਨਿਕੀ ਹੇਲੀ ਨੇ ਅਮਰੀਕੀ ਸਰਕਾਰ ਦੀ ਨਿੰਦਾ ਕਰਦੇ ਹੋਏ ਕਿਹਾ ਕਿ ਅਮਰੀਕਾ ਨੇ ਤਾਲਿਬਾਨ ਦੇ ਸਾਹਮਣੇ ਪੂਰੀ ਤਰ੍ਹਾਂ ਆਤਮ ਸਮਰਪਣ ਕਰ ਦਿੱਤਾ ਅਤੇ ਅਫ਼ਗਾਨਿਸਤਾਨ ’ਚ ਆਪਣੇ ਸਹਿਯੋਗੀਆਂ ਨੂੰ ਛੱਡ ਦਿੱਤਾ।ਹੇਲੀ ਨੇ ਇਕ ਇੰਟਰਵਿਊ ’ਚ ਕਿਹਾ ਕਿ ਉਹ ਤਾਲਿਬਾਨ ਨਾਲ ਵਾਰਤਾ ਨਹੀਂ ਨਹੀਂ ਕਰ ਰਹੇ। ਉਨ੍ਹਾਂ ਨੇ ਤਾਲਿਬਾਨ ਦੇ ਸਾਹਮਣੇ ਪੂਰੀ ਤਰ੍ਹਾਂ ਆਤਮ ਸਮਰਪਣ ਕਰ ਦਿੱਤਾ। ਉਨ੍ਹਾਂ ਨੇ ਬਗਰਾਮ ਹਵਾਈ ਫੌਜ ਅੱਡੇ ਨੂੰ ਸੌਪ ਦਿੱਤਾ, ਜੋ ਨਾਟੋ ਦਾ ਵੱਡਾ ਕੇਂਦਰ ਸੀ।
ਉਨ੍ਹਾਂ ਨੇ 85 ਅਰਬ ਡਾਲਰ ਦੇ ਉਪਕਰਨ ਅਤੇ ਹਥਿਆਰ ਵੀ ਸੌਂਪ ਦਿੱਤੇ।ਉਨ੍ਹਾਂ ਨੇ ਕਿਹਾ ਕਿ ਅਮਰੀਕੀ ਲੋਕਾਂ ਦਾ ਸਮਰਪਣ ਕਰ ਦਿੱਤਾ ਅਤੇ ਉਨ੍ਹਾਂ ਨੇ ਅਮਰੀਕੀ ਲੋਕਾਂ ਦੀ ਵਾਪਸੀ ਤੋਂ ਪਹਿਲਾਂ ਅਮਰੀਕੀ ਸੈਨਿਕਾਂ ਨੂੰ ਵਾਪਸ ਬੁਲਾ ਲਿਆ। ਉਨ੍ਹਾਂ ਨੇ ਵਿਦੇਸ਼ਾਂ ’ਚ ਤਾਇਨਾਤ ਮੇਰੇ ਪਤਨੀ ਵਰਗੇ ਲੋਕਾਂ ਨੂੰ ਸੁਰੱਖਿਅਤ ਰੱਖਣ ਵਾਲੇ ਅਫ਼ਗਾਨ ਸਾਥੀਆਂ ਨੂੰ ਛੱਡ ਦਿੱਤਾ।ਕੋਈ ਗੱਲਬਾਤ ਨਹੀਂ ਹੋਈ। ਇਹ ਪੂਰੀ ਤਰ੍ਹਾਂ ਆਤਮ ਸਮਰਪਣ ਸੀ ਅਤੇ ਸ਼ਰਮਨਾਕ ਨਾਕਾਮੀ ਹੈ।ਇਸ ’ਚ ਬਾਈਡੇਨ ਨੇ ਕਿਹਾ ਕਿ ਤਾਲਿਬਾਨ ਨੂੰ ਇਕ ਮੂਲਭੂਤ ਫ਼ੈਸਲਾ ਕਰਨਾ ਹੋਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਕੀ ਤਾਲਿਬਾਨ ਇਕਜੁੱਟ ਹੋਣ ਦੀ ਕੋਸ਼ਿਸ਼ ਅਤੇ ਅਫ਼ਗਾਨ ਦੇ ਲੋਕਾਂ ਦਾ ਕਲਿਆਣ ਕਰੇਗਾ, ਜੋ ਕਿਸੇ ਸਮੂਹ ਨੇ ਅਜੇ ਤੱਕ ਨਹੀਂ ਕੀਤਾ ਹੈ।
