ਭਾਰਤੀ ਮੂਲ ਦੇ ਨਿਰਦੇਸ਼ਕ ਨੇ ਥੀਏਟਰ ਰਾਹੀਂ ਵੈਕਸੀਨ ਦੀਆਂ ਗ਼ਲਤ ਧਾਰਨਾਵਾਂ ਨੂੰ ਕੀਤਾ ਦੂਰ

ਲੰਡਨ (ਭਾਸ਼ਾ): ਲੰਡਨ ਵਿਚ ਰਹਿਣ ਵਾਲੇ ਭਾਰਤੀ ਮੂਲ ਦੇ ਕਲਾਕਾਰ ਅਮਿਤ ਸ਼ਰਮਾ ਨੇ ਕਿਲਨ ਥੀਏਟਰ ਦੇ ਆਰਟਿਸਟਿਕ ਡਾਇਰੈਕਟਰ ਵਜੋਂ ਆਪਣੀ ਪਾਰੀ ਦੀ ਸ਼ੁਰੂਆਤ ਥੀਏਟਰ ਰਾਹੀਂ ਲੋਕਾਂ ਦੀ ਵੈਕਸੀਨ ਲੈਣ ਦੀ ਝਿਜਕ ਅਤੇ ਇਸ ਬਾਰੇ ਗਲਤ ਧਾਰਨਾਵਾਂ ਨੂੰ ਜ਼ਿੰਦਾ ਲਿਆ ਕੇ ਕੀਤੀ। ਨਾਟਕ ‘ਪਿੰਨ ਐਂਡ ਨੀਡਲਜ਼’ ਦਾ ਪ੍ਰਦਰਸ਼ਨ ਹਾਲ ਹੀ ਵਿੱਚ ਦੁਨੀਆ ਭਰ ਵਿੱਚ ਪੇਸ਼ ਕੀਤਾ ਗਿਆ ਅਤੇ ਅਗਲੇ ਵੀਕੈਂਡ ਦਾ ਪ੍ਰਦਰਸ਼ਨ ਜਾਰੀ ਰਹੇਗਾ। 

ਰੋਬ ਡਰਮੋਂਡ ਦੁਆਰਾ ਲਿਖਿਆ ਗਿਆ ਇਹ ਨਾਟਕ ਕੋਵਿਡ ਵੈਕਸੀਨ ਅਤੇ ਦੁਨੀਆ ਭਰ ਦੇ ਬੱਚਿਆਂ ਨਾਲ ਸਬੰਧਤ ਹੋਰ ਟੀਕਿਆਂ ਬਾਰੇ ਫੈਲੀ ਰਾਜਨੀਤੀ ਅਤੇ ਗ਼ਲਤ ਧਾਰਨਾਵਾਂ ਨੂੰ ਦਿਖਾਉਣ ਦੀ ਕੋਸ਼ਿਸ਼ ਕਰਦਾ ਹੈ। ਇਸ ਵਿੱਚ ਭਾਰਤੀ ਮੂਲ ਦੇ ਬ੍ਰਿਟਿਸ਼ ਅਦਾਕਾਰ ਗੈਵੀ ਸਿੰਘ ਚੇਰਾ ਮੁੱਖ ਕਿਰਦਾਰ ਰੋਬ ਨਿਭਾਅ ਰਹੇ ਹਨ। ਸ਼ਰਮਾ ਕਹਿੰਦੇ ਹਨ, "ਇਹ ਨਾਟਕ ਯਕੀਨੀ ਤੌਰ 'ਤੇ ਬਹਿਸ ਨੂੰ ਉਤਸ਼ਾਹਿਤ ਕਰੇਗਾ ਅਤੇ ਦਰਸ਼ਕਾਂ ਨੂੰ ਵਿਰੋਧੀ ਵਿਚਾਰ ਰੱਖਣ ਵਾਲੇ ਵਿਅਕਤੀ ਪ੍ਰਤੀ ਹਮਦਰਦੀ ਰੱਖਣ ਅਤੇ ਉਸ ਨੂੰ ਸਮਝਣ ਵਿੱਚ ਵੀ ਮਦਦ ਕਰੇਗਾ।" ਉਸ ਨੇ ਕਿਹਾ,''ਦਰਸ਼ਕਾਂ ਲਈ ਮੇਰਾ ਜਨੂੰਨ ਹੈ ਕਿ ਉਹ ਖ਼ੁਦ ਨੂੰ ਅਤੇ ਆਪਣੀ ਆਵਾਜ਼ ਨੂੰ ਪ੍ਰਤੀਬਿੰਬਤ ਹੁੰਦੇ ਦੇਖਣ। ਇਹ ਉਨ੍ਹਾਂ ਲੋਕਾਂ ਨੂੰ ਸਮਝਾਉਣ ਵਿੱਚ ਵੀ ਮਦਦ ਕਰ ਸਕਦਾ ਹੈ ਜੋ ਇੱਕੋ ਪਿਛੋਕੜ ਤੋਂ ਨਹੀਂ ਆਉਂਦੇ ਪਰ ਸਾਡੀ ਅਦਾਕਾਰੀ ਨਾਲ ਜੁੜੇ ਮਹਿਸੂਸ ਕਰਦੇ ਹਨ।'' ਬ੍ਰਿਟਿਸ਼ ਰਾਜਧਾਨੀ ਦੇ ਕਿਲਨ ਥੀਏਟਰ ਵਿੱਚ ਆਪਣੀ ਨਵੀਂ ਪਾਰੀ ਦੇ ਨਾਲ, ਸ਼ਰਮਾ ਨੂੰ ਉਮੀਦ ਹੈ ਕਿ ਉਹ ਅਜਿਹੇ ਹੋਰ ਨਾਟਕ ਪੇਸ਼ ਕਰਨਗੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।