ਭਾਰਤੀ-ਅਮਰੀਕੀ ਸੱਤਿਆ ਨਡੇਲਾ ਨੂੰ 'ਸੀਕੇ ਪ੍ਰਹਿਲਾਦ' ਪੁਰਸਕਾਰ ਨਾਲ ਕੀਤਾ ਜਾਵੇਗਾ ਸਨਮਾਨਿਤ

ਵਾਸ਼ਿੰਗਟਨ (ਪੀਟੀਆਈ): ਮਾਈਕ੍ਰੋਸਾਫਟ ਦੇ ਸੀ.ਈ.ਓ. ਅਤੇ ਭਾਰਤੀ-ਅਮਰੀਕੀ ਸੱਤਿਆ ਨਡੇਲਾ ਨੂੰ 'ਗਲੋਬਲ ਬਿਜ਼ਨੈੱਸ ਸਸਟੇਨੇਬਿਲਿਟੀ ਲੀਡਰਸ਼ਿਪ' ਦੇ ਇਸ ਸਾਲ ਦੇ ਵੱਕਾਰੀ 'ਸੀਕੇ ਪ੍ਰਹਿਲਾਦ' ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਮੀਡੀਆ ਨੂੰ ਜਾਰੀ ਕੀਤੇ ਗਏ ਬਿਆਨ ਮੁਤਾਬਕ, ਪੁਰਸਕਾਰ ਦੀ ਸਥਾਪਨਾ 2010 ਵਿੱਚ 'ਕਾਰਪੋਰੇਟ ਈਕੋ ਫੋਰਮ' (CEF) ਦੀ ਬੇਨਤੀ 'ਤੇ ਭਾਰਤੀ-ਅਮਰੀਕੀ ਪ੍ਰਹਿਲਾਦ ਦੇ ਸਨਮਾਨ ਲਈ ਕੀਤੀ ਗਈ ਸੀ। 

ਪੜ੍ਹੋ ਇਹ ਅਹਿਮ ਖਬਰ- ਵਿਦੇਸ਼ੀਆਂ ਲਈ ਆਪਣੀਆਂ ਜ਼ਮੀਨੀ ਸਰਹੱਦਾਂ ਖੋਲ੍ਹਣ ਜਾ ਰਿਹੈ ਅਮਰੀਕਾ, ਯਾਤਰੀਆਂ ਲਈ ਰੱਖੀ ਇਹ ਸ਼ਰਤ

ਪ੍ਰਹਿਲਾਦ ਫੋਰਮ ਦੇ ਬਾਨੀ ਸਲਾਹਕਾਰ ਬੋਰਡ ਮੈਂਬਰ ਸਨ। ਇਹ ਵੱਕਾਰੀ ਪੁਰਸਕਾਰ ਨਿੱਜੀ ਖੇਤਰ ਵਿੱਚ ਕੀਤੇ ਗਏ ਬੇਮਿਸਾਲ, ਵਿਸ਼ਵਵਿਆਪੀ ਮਹੱਤਵਪੂਰਨ ਕਾਰਜਾਂ ਨੂੰ ਮਾਨਤਾ ਦਿੰਦਾ ਹੈ ਜੋ ਸਥਿਰਤਾ, ਨਵੀਨਤਾਕਾਰੀ ਅਤੇ ਲੰਮੇ ਸਮੇਂ ਦੀ ਕਾਰੋਬਾਰੀ ਸਫਲਤਾ ਦੇ ਵਿੱਚ ਬੁਨਿਆਦੀ ਸੰਬੰਧ ਦੀ ਉਦਾਹਰਣ ਦਿੰਦੇ ਹਨ। ਮਾਈਕ੍ਰੋਸੌਫਟ ਦੇ ਚਾਰ ਪ੍ਰਮੁੱਖ ਮੈਂਬਰਾਂ ਨਡੇਲਾ, ਕੰਪਨੀ ਦੇ ਪ੍ਰਧਾਨ ਅਤੇ ਉਪ ਪ੍ਰਧਾਨ ਬ੍ਰੈਡ ਸਮਿਥ, ਮੁੱਖ ਵਿੱਤੀ ਅਧਿਕਾਰੀ ਐਮੀ ਹੁੱਡ ਅਤੇ ਮੁੱਖ ਵਾਤਾਵਰਣ ਅਧਿਕਾਰੀ ਲੁਕਾਸ ਜੋਪਾ ਨੂੰ ਮਾਈਕਰੋਸਾਫਟ ਨੂੰ 2030 ਤੱਕ ਕਾਰਬਨ ਨੈਗੇਟਿਵ ਕੰਪਨੀ ਵਿੱਚ ਬਦਲਣ ਦੇ ਟੀਚੇ ਵੱਲ ਕੰਮ ਕਰਨ ਲਈ ਵੱਕਾਰੀ ਪੁਰਸਕਾਰ ਦਿੱਤਾ ਗਿਆ ਹੈ। ਸੀਈਐਫ ਦੇ ਸੰਸਥਾਪਕ ਐਮ ਆਰ ਰੰਗਾਸਵਾਮੀ ਨੇ ਕਿਹਾ ਕਿ ਨਡੇਲਾ, ਹੁੱਡ, ਸਮਿਥ ਅਤੇ ਜੋਪਾ ਨੇ ਕਮਾਲ ਦਾ ਕੰਮ ਕੀਤਾ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਅਸੀਂ ਸੀਈਓ/ਚੇਅਰਮੈਨ/ਸੀਐਫਓ/ਵਾਤਾਵਰਣ ਅਧਿਕਾਰੀ ਦਾ ਅਜਿਹਾ ਗਠਜੋੜ ਵੇਖਿਆ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ- ਵਿਸ਼ਵ ਬੈਂਕ ਦੀ ਰਿਪੋਰਟ 'ਚ ਖੁਲਾਸਾ, ਵਿਦੇਸ਼ੀ ਕਰਜ਼ 'ਚ ਡੁੱਬੇ ਚੋਟੀ ਦੇ 10 ਦੇਸ਼ਾਂ 'ਚ ਪਾਕਿਸਤਾਨ