''ਜ਼ਿੰਦਾ ਹੈ ਤਾਂ ਸਾਹਮਣੇ ਲਿਆਓ...'' ਇਮਰਾਨ ਖਾਨ ਦੀਆਂ ਭੈਣਾਂ ਨੂੰ ਪੁਲਸ ਨੇ ਘਸੀਟ ਕੇ ਸੁੱਟਿਆ ਜੇਲ੍ਹੋਂ ਬਾਹਰ

ਇਸਲਾਮਾਬਾਦ : ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੀ ਕਥਿਤ ਹੱਤਿਆ ਦੀ ਅਫਵਾਹ ਨੇ ਦੇਸ਼ ਦੀ ਰਾਜਨੀਤੀ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਅਫਗਾਨ ਮੀਡੀਆ ਵੱਲੋਂ ਕੀਤੇ ਗਏ ਇਸ ਦਾਅਵੇ ਤੋਂ ਬਾਅਦ ਪੂਰੇ ਪਾਕਿਸਤਾਨ 'ਚ ਡਰ ਤੇ ਗੁੱਸਾ ਫੈਲ ਗਿਆ ਹੈ। ਇਮਰਾਨ ਖਾਨ, ਜੋ 2023 ਤੋਂ ਰਾਵਲਪਿੰਡੀ ਦੀ ਅਦਿਆਲਾ ਜੇਲ੍ਹ 'ਚ ਬੰਦ ਹਨ, ਉਨ੍ਹਾਂ ਦੀ ਸੁਰੱਖਿਆ ਨੂੰ ਲੈ ਕੇ ਲਗਾਤਾਰ ਪਾਬੰਦੀਆਂ ਕਾਰਨ ਸ਼ੱਕ ਹੋਰ ਡੂੰਘਾ ਹੋ ਗਿਆ ਹੈ।

#Pakistan in its darkest period!!

Imran Khan in solitary confinement for over 20 days.
Sisters denied meeting him.
The military dictator enjoys lifelong immunity.
The situation is dangerous.@soldierspeaks @MoeedNj @Waqarkhan123 pic.twitter.com/L9n0J0d1pw

— Imtiaz Abbasi (@ImtiazAbbasi751) November 26, 2025

ਭੈਣਾਂ ਨੂੰ ਵਾਲਾਂ ਤੋਂ ਘਸੀਟਿਆ
ਅਫਵਾਹਾਂ ਵਧਣ ਤੋਂ ਬਾਅਦ, ਮੰਗਲਵਾਰ ਦੇਰ ਰਾਤ ਇਮਰਾਨ ਖਾਨ ਦੀਆਂ ਭੈਣਾਂ-ਅਲੀਮਾ ਖਾਨ (Aleema Khan), ਨੋਰੀਨ ਨਿਆਜ਼ੀ (Noreen Niazi), ਅਤੇ ਡਾ. ਉਜ਼ਮਾ ਖਾਨ (Dr. Uzma Khan)-ਉਨ੍ਹਾਂ ਨੂੰ ਮਿਲਣ ਲਈ ਜੇਲ੍ਹ ਪਹੁੰਚੀਆਂ। ਭੈਣਾਂ ਨੇ ਦੋਸ਼ ਲਾਇਆ ਕਿ ਪੰਜਾਬ ਪੁਲਸ ਨੇ ਉਨ੍ਹਾਂ ਨੂੰ ਜੇਲ੍ਹ ਦੇ ਗੇਟ ਤੋਂ ਘਸੀਟ ਕੇ ਬਾਹਰ ਸੁੱਟ ਦਿੱਤਾ। ਨੋਰੀਨ ਨਿਆਜ਼ੀ ਨੇ ਦੋਸ਼ ਲਾਇਆ ਕਿ "ਮੇਰੀ ਉਮਰ 71 ਸਾਲ ਹੈ ਪਰ ਪੁਲਸ ਨੇ ਮੇਰੇ ਵਾਲ ਫੜ ਕੇ ਸੜਕ 'ਤੇ ਘਸੀਟਿਆ"। ਭੈਣਾਂ ਨੇ ਮੰਗ ਕੀਤੀ ਕਿ ਜੇਕਰ ਇਮਰਾਨ ਖਾਨ ਜਿਉਂਦੇ ਹਨ, ਤਾਂ ਉਨ੍ਹਾਂ ਨੂੰ ਸਾਹਮਣੇ ਲਿਆਇਆ ਜਾਵੇ। ਉਨ੍ਹਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਇੱਕ ਸਾਲ ਤੋਂ ਵੱਧ ਸਮੇਂ ਤੋਂ ਇਮਰਾਨ ਖਾਨ ਨਾਲ ਮਿਲਣ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ ਹੈ।

#PTI #PTIKhyberPakhtunkhwa #ptiprotestislamabad

Imran Khan's sisters, along with his supporters, are protesting outside Adiala Jail, because they weren't allowed to meet him. This is a totally fascist government and dictatorship. Punjab Police have a huge contingent present,… pic.twitter.com/W2o2xtmwfy

— Asghar khan (@Asghark0071978) November 25, 2025

ਹਜ਼ਾਰਾਂ ਵਰਕਰ ਜੇਲ੍ਹ ਦੇ ਬਾਹਰ ਇਕੱਠੇ
ਇਮਰਾਨ ਖਾਨ ਦੀ ਕਥਿਤ ਹੱਤਿਆ ਦੀ ਅਫਵਾਹ ਫੈਲਣ ਤੋਂ ਬਾਅਦ ਪੀ.ਟੀ.ਆਈ. (PTI) ਦੇ ਹਜ਼ਾਰਾਂ ਵਰਕਰ ਅਦਿਆਲਾ ਜੇਲ੍ਹ ਦੇ ਬਾਹਰ ਇਕੱਠੇ ਹੋ ਗਏ। ਉਨ੍ਹਾਂ ਨੇ ਮੰਗ ਕੀਤੀ ਕਿ ਜੇਕਰ ਇਮਰਾਨ ਖਾਨ ਸੁਰੱਖਿਅਤ ਹਨ ਤਾਂ ਉਨ੍ਹਾਂ ਨਾਲ ਮੁਲਾਕਾਤ ਦੀ ਇਜਾਜ਼ਤ ਦਿੱਤੀ ਜਾਵੇ। ਪੁਲਸ ਨੇ ਹਾਲਾਤ ਵਿਗੜਨ ਤੋਂ ਰੋਕਣ ਲਈ ਜੇਲ੍ਹ ਦੇ ਬਾਹਰ ਭਾਰੀ ਸੁਰੱਖਿਆ ਤਾਇਨਾਤ ਕੀਤੀ ਹੈ। ਪੀ.ਟੀ.ਆਈ. ਨੇਤਾਵਾਂ ਅਤੇ ਭੈਣਾਂ ਨੇ ਜੇਲ੍ਹ ਨੇੜੇ ਫੈਕਟਰੀ ਨਾਕਾ 'ਤੇ ਧਰਨਾ ਵੀ ਦਿੱਤਾ।

ਸਰਕਾਰ 'ਤੇ ਵਧਿਆ ਸ਼ੱਕ
ਸ਼ਾਹਬਾਜ਼ ਸ਼ਰੀਫ ਸਰਕਾਰ ਨੇ ਹੱਤਿਆ ਦੀ ਖ਼ਬਰ ਨੂੰ "ਝੂਠ" (rumor) ਕਰਾਰ ਦਿੱਤਾ ਹੈ। ਪਰ ਇਸ ਗੱਲ ਨੇ ਜਨਤਾ ਦਾ ਵਿਸ਼ਵਾਸ ਤੋੜ ਦਿੱਤਾ ਹੈ ਕਿਉਂਕਿ 2024 ਤੋਂ ਕਿਸੇ ਵੀ ਪਾਰਟੀ ਮੈਂਬਰ ਜਾਂ ਸਮਰਥਕ ਨੂੰ ਇਮਰਾਨ ਨਾਲ ਮਿਲਣ ਨਹੀਂ ਦਿੱਤਾ ਗਿਆ। ਸਰੋਤਾਂ ਅਨੁਸਾਰ, ਦੇਸ਼ ਵਿੱਚ ਇਹ ਸਭ ਤੋਂ ਵੱਡਾ ਸਵਾਲ ਗੂੰਜ ਰਿਹਾ ਹੈ ਕਿ “ਕੀ ਇਮਰਾਨ ਖਾਨ ਨੂੰ ਜੇਲ੍ਹ ਵਿੱਚ ਤਸੀਹੇ ਦਿੱਤੇ ਗਏ? ਕੀ ਉਹ ਸੱਚਮੁੱਚ ਸੁਰੱਖਿਅਤ ਹਨ?'' ਇਮਰਾਨ ਖਾਨ 20 ਦਿਨਾਂ ਤੋਂ ਵੱਧ ਸਮੇਂ ਤੋਂ ਇਕਾਂਤ ਕੈਦ (solitary confinement) 'ਚ ਹਨ।