ਅਲ-ਕਾਦਿਰ ਟ੍ਰਸਟ ਮਾਮਲੇ ''ਚ ਇਮਰਾਨ ਦੀ ਪਟੀਸ਼ਨ ''ਤੇ ਸੁਣਵਾਈ ਕਰੇਗਾ ਇਸਲਾਮਾਬਾਦ ਹਾਈ ਕੋਰਟ

ਇਸਲਾਮਾਬਾਦ : ਇਸਲਾਮਾਬਾਦ ਹਾਈ ਕੋਰਟ ਅਲ-ਕਾਦਿਰ ਟ੍ਰਸਟ ਨਾਲ ਜੁੜੇ ਭ੍ਰਿਸ਼ਟਾਚਾਰ ਦੇ ਮਾਮਲੇ ਵਿੱਚ ਸਜ਼ਾ ਨੂੰ ਮੁਅੱਤਲ ਕਰਨ ਦੀ ਮੰਗ ਨੂੰ ਲੈ ਕੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਅਤੇ ਬੁਸ਼ਰਾ ਬੀਬੀ ਦੀ ਪਟੀਸ਼ਨ 'ਤੇ ਸੁਣਵਾਈ 11 ਮਾਰਚ ਨੂੰ ਕਰੇਗਾ।

ਇੱਕ ਜਵਾਬਦੇਹੀ ਅਦਾਲਤ ਨੇ 17 ਜਨਵਰੀ 2025 ਨੂੰ ਖਾਨ ਅਤੇ ਬੀਬੀ ਨੂੰ 19 ਕਰੋੜ ਪੌਂਡ ਦੇ ਭ੍ਰਿਸ਼ਟਾਚਾਰ ਦੇ ਮਾਮਲੇ ਵਿੱਚ ਕ੍ਰਮਵਾਰ 14 ਅਤੇ ਸੱਤ ਸਾਲ ਦੀ ਸਜ਼ਾ ਸੁਣਾਈ ਸੀ। ਇਸਤਗਾਸਾ ਪੱਖ (Prosecution) ਦਾ ਦੋਸ਼ ਹੈ ਕਿ ਦੋਵਾਂ ਨੇ ਖਾਨ ਦੇ ਪ੍ਰਧਾਨ ਮੰਤਰੀ ਕਾਰਜਕਾਲ ਦੌਰਾਨ ਬ੍ਰਿਟੇਨ ਤੋਂ ਪਾਕਿਸਤਾਨ ਭੇਜੇ ਗਏ 50 ਅਰਬ ਰੁਪਏ ਨੂੰ ਕਾਨੂੰਨੀ ਬਣਾਉਣ ਦੇ ਬਦਲੇ ਅਰਬਾਂ ਰੁਪਏ ਅਤੇ 'ਬਹਰੀਆ ਟਾਊਨ' ਵਿੱਚ ਸੈਂਕੜੇ ਕਨਾਲ ਜ਼ਮੀਨ ਰਿਸ਼ਵਤ ਵਜੋਂ ਲਈ ਸੀ।

ਦੋਵਾਂ ਨੇ ਇਨ੍ਹਾਂ ਦੋਸ਼ਾਂ ਤੋਂ ਲਗਾਤਾਰ ਇਨਕਾਰ ਕੀਤਾ ਹੈ ਅਤੇ ਇਸੇ ਸਬੰਧ ਵਿੱਚ ਇਸਲਾਮਾਬਾਦ ਹਾਈ ਕੋਰਟ ਦਾ ਰੁਖ਼ ਕੀਤਾ ਹੈ। ਚੀਫ਼ ਜਸਟਿਸ ਸਰਦਾਰ ਮੁਹੰਮਦ ਡੋਗਰ ਅਤੇ ਜਸਟਿਸ ਮੁਹੰਮਦ ਆਜ਼ਮ ਖਾਨ ਦੇ ਬੈਂਚ ਨੇ ਜਦੋਂ ਵੀਰਵਾਰ ਨੂੰ ਸੁਣਵਾਈ ਕੀਤੀ, ਤਾਂ ਖਾਨ ਦੇ ਵਕੀਲਾਂ ਨੂੰ ਇੱਕਠੇ ਡਾਇਸ (ਮੰਚਿਕਾ) ਵੱਲ ਆਉਂਦੇ ਦੇਖ ਕੇ ਨਾਰਾਜ਼ਗੀ ਜ਼ਾਹਰ ਕੀਤੀ।