ਸਾਊਦੀ ''ਚ ਹੱਜ ਯਾਤਰੀਆਂ ''ਤੇ ਵਰ੍ਹਿਆ ਕਹਿਰ! 22 ਸ਼ਰਧਾਲੂਆਂ ਦੀ ਮੌਤ, ਸੜਕਾਂ ''ਤੇ ਪਈਆਂ ਰਹੀਆਂ ਲਾਸ਼ਾਂ (ਵੀਡੀਓ)

ਦੁਬਈ : ਸਾਊਦੀ ਅਰਬ 'ਚ ਹੱਜ ਯਾਤਰਾ 'ਤੇ ਜਾਣ ਵਾਲੇ ਸ਼ਰਧਾਲੂਆਂ 'ਤੇ ਇਸ ਵਾਰ ਭਿਆਨਕ ਗਰਮੀ ਨੇ ਤਬਾਹੀ ਮਚਾਈ ਹੋਈ ਹੈ। ਇਸ ਵਾਰ ਹੱਜ ਯਾਤਰਾ ਦੌਰਾਨ ਗਰਮੀ ਕਾਰਨ ਘੱਟੋ-ਘੱਟ 22 ਸ਼ਰਧਾਲੂਆਂ ਦੀ ਮੌਤ ਹੋ ਚੁੱਕੀ ਹੈ। ਮੌਤਾਂ ਦੀ ਗਿਣਤੀ ਵਧਣ ਨਾਲ ਹੱਜ ਯਾਤਰਾ ਦੀਆਂ ਤਿਆਰੀਆਂ ਨੂੰ ਲੈ ਕੇ ਸਾਊਦੀ ਅਰਬ ਸਰਕਾਰ ਦੇ ਦਾਅਵਿਆਂ ਦੀ ਪੋਲ ਖੁੱਲ੍ਹ ਗਈ। ਸਥਿਤੀ ਇਹ ਸੀ ਕਿ ਸ਼ਰਧਾਲੂਆਂ ਦੀਆਂ ਲਾਸ਼ਾਂ ਸੜਕ ਕਿਨਾਰੇ ਕੜਕਦੀ ਧੁੱਪ ਹੇਠ ਪਈਆਂ ਦੇਖੀਆਂ ਗਈਆਂ।

ਐਤਵਾਰ ਨੂੰ ਜਾਰਡਨ ਦੀ ਸਮਾਚਾਰ ਏਜੰਸੀ ਨੇ ਖਬਰ ਦਿੱਤੀ ਸੀ ਕਿ ਹੱਜ ਯਾਤਰਾ 'ਤੇ ਗਏ ਦੇਸ਼ ਦੇ 14 ਸ਼ਰਧਾਲੂਆਂ ਦੀ ਹੀਟ ਸਟ੍ਰੋਕ ਕਾਰਨ ਮੌਤ ਹੋ ਗਈ ਹੈ। ਸਾਊਦੀ ਅਰਬ ਦੇ ਸਿਹਤ ਮੰਤਰਾਲੇ ਨੇ ਦੱਸਿਆ ਕਿ ਹੀਟ ਸਟ੍ਰੋਕ ਦੇ 2700 ਤੋਂ ਵੱਧ ਮਾਮਲੇ ਦਰਜ ਕੀਤੇ ਗਏ ਹਨ।

#BREAKING ⚠️ GRAPHIC IMAGES. Several dead bodies of #Hajj pilgrims can be seen in this video now viral on social. Will the #Saudi regime be held accountable? They promote this Islamist tourism & make billions from it. But as of yet, I haven't seen much media coverage of this! pic.twitter.com/wfOO9OFGKv

— Taha Siddiqui (@TahaSSiddiqui) June 17, 2024

ਸਾਊਦੀ ਮੌਸਮ ਵਿਗਿਆਨ ਸੇਵਾ ਮੁਤਾਬਕ ਮੱਕਾ ਦੀ ਗ੍ਰੈਂਡ ਮਸਜਿਦ 'ਚ ਸੋਮਵਾਰ ਨੂੰ ਤਾਪਮਾਨ 51.8 ਡਿਗਰੀ ਸੈਲਸੀਅਸ ਤੱਕ ਪਹੁੰਚ ਗਿਆ। ਇਸ ਸਥਾਨ 'ਤੇ ਸ਼ਰਧਾਲੂ ਕਾਬਾ ਦੀ ਪਰਿਕਰਮਾ ਕਰਦੇ ਹਨ। ਗ੍ਰੈਂਡ ਮਸਜਿਦ ਦੇ ਕੋਲ ਸਥਿਤ ਮੀਨਾ ਵਿੱਚ ਤਾਪਮਾਨ 46 ਡਿਗਰੀ ਸੈਲਸੀਅਸ ਸੀ। ਇਸ ਸਥਾਨ 'ਤੇ, ਹੱਜ ਯਾਤਰੀਆਂ ਨੇ ਤਿੰਨ ਕੰਕਰੀਟ ਦੀਵਾਰਾਂ 'ਤੇ ਸ਼ੈਤਾਨ ਨੂੰ ਪੱਥਰ ਮਾਰਨ ਦੀ ਰਸਮ ਅਦਾ ਕੀਤੀ। ਇੱਥੇ ਗਰਮੀ ਅਤੇ ਭੀੜ ਨੇ ਸਥਿਤੀ ਨੂੰ ਗੰਭੀਰ ਬਣਾ ਦਿੱਤਾ ਸੀ। ਸ਼ਰਧਾਲੂ ਗਰਮੀ ਤੋਂ ਬਚਣ ਲਈ ਆਪਣੇ ਸਿਰਾਂ 'ਤੇ ਪਾਣੀ ਦੀਆਂ ਬੋਤਲਾਂ ਪਾ ਰਹੇ ਸਨ।

‼️Live footage from Mina #Hajj2024

Our people are sleeping like this, many taking turns/shifts☹️

I confirm to you NONE of the gov officials are sleeping here. They’re in VIP tents, including Education Minister @is_shafeeu.

This is unacceptable! This is unbelievable! They… pic.twitter.com/X5sR2owzaZ

— Hassan Kurusee (@HKurusee) June 17, 2024

ਸ਼ੈਤਾਨ ਨੂੰ ਪੱਥਰ ਮਾਰਨ ਦੀ ਰਸਮ ਨੂੰ ਹੱਜ ਯਾਤਰਾ ਦਾ ਅੰਤਮ ਪੜਾਅ ਮੰਨਿਆ ਜਾਂਦਾ ਹੈ। ਇਸ ਤੋਂ ਬਾਅਦ ਸ਼ਰਧਾਲੂਆਂ ਦੀ ਹੱਜ ਯਾਤਰਾ ਸਮਾਪਤ ਹੋ ਜਾਂਦੀ ਹੈ। ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਵੀ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਸੜਕ ਦੇ ਡਿਵਾਈਡਰ ਅਤੇ ਫੁੱਟਪਾਥ 'ਤੇ ਕਈ ਲਾਸ਼ਾਂ ਪਈਆਂ ਦੇਖੀਆਂ ਜਾ ਸਕਦੀਆਂ ਹਨ। ਹਾਲਾਂਕਿ ਇਸ ਵੀਡੀਓ ਦੀ ਸੁਤੰਤਰ ਸੂਤਰਾਂ ਤੋਂ ਪੁਸ਼ਟੀ ਨਹੀਂ ਹੋਈ ਹੈ। ਮਿਸਰ ਦੇ ਸੈਲਾਨੀ ਅਜਾ ਹਾਮਿਦ ਬ੍ਰਾਹਮ (61) ਨੇ ਦੱਸਿਆ ਕਿ ਉਸ ਨੇ ਸੜਕ ਦੇ ਕਿਨਾਰੇ ਲਾਸ਼ਾਂ ਪਈਆਂ ਦੇਖੀਆਂ। ਇੰਝ ਲੱਗਦਾ ਸੀ ਜਿਵੇਂ ਕਿਆਮਤ ਦਾ ਦਿਨ ਆ ਗਿਆ ਹੋਵੇ।

ਲੋਕ ਸੋਸ਼ਲ ਮੀਡੀਆ 'ਤੇ ਸਾਊਦੀ ਅਰਬ ਦੀ ਵੱਡੀ ਗਿਣਤੀ 'ਚ ਹੋਈਆਂ ਮੌਤਾਂ ਅਤੇ ਉਸ ਤੋਂ ਬਾਅਦ ਲਾਸ਼ਾਂ ਦੇ ਦੁਰ-ਪ੍ਰਬੰਧ ਨੂੰ ਲੈ ਕੇ ਆਲੋਚਨਾ ਕਰ ਰਹੇ ਹਨ। ਤਾਹਾ ਸਿੱਦੀਕੀ ਨੇ ਸੜਕ ਕਿਨਾਰੇ ਪਈਆਂ ਲਾਸ਼ਾਂ ਦਾ ਵੀਡੀਓ ਸ਼ੇਅਰ ਕਰਦੇ ਹੋਏ ਪੁੱਛਿਆ, 'ਕੀ ਇਸ ਦੇ ਲਈ ਸਾਊਦੀ ਸਰਕਾਰ ਜ਼ਿੰਮੇਵਾਰ ਹੋਵੇਗੀ? ਉਹ ਇਸਲਾਮੀ ਸੈਰ-ਸਪਾਟੇ ਨੂੰ ਉਤਸ਼ਾਹਿਤ ਕਰਦੇ ਹਨ ਅਤੇ ਇਸ ਤੋਂ ਅਰਬਾਂ ਦੀ ਕਮਾਈ ਕਰਦੇ ਹਨ।