ਭਾਰਤ ਸਰਕਾਰ ਅਫਗਾਨ ਲੋਕਾਂ ਨੂੰ ਮਨੁੱਖੀ ਸਹਾਇਤਾ ਪ੍ਰਦਾਨ ਕਰਨ ਲਈ ਵਚਨਬੱਧ : MEA

ਇੰਟਰਨੈਸ਼ਨਲ ਡੈਸਕ- ਵਿਦੇਸ਼ ਮੰਤਰਾਲੇ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ 'ਭਾਰਤ ਸਰਕਾਰ ਅਫਗਾਨ ਲੋਕਾਂ ਨੂੰ ਮਨੁੱਖੀ ਸਹਾਇਤਾ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ। ਐੱਮ.ਈ.ਏ. ਦੇ ਅਧਿਕਾਰਿਕ ਬੁਲਾਰੇ ਅਰਿੰਦਮ ਬਾਗਚੀ ਨੇ ਇਕ ਵਰਚੁਅਲ ਹਫਤਾਵਾਰੀ ਮੀਟਿੰਗ ਬ੍ਰੀਫਿੰਗ 'ਚ ਕਿਹਾ ਕਿ ਸਰਕਾਰ ਅਨਾਜ, ਕੋਵਿਡ ਟੀਕੇ ਅਤੇ ਜ਼ਰੂਰੀ ਜੀਵਨ ਰੱਖਿਅਕ ਦਵਾਈਆਂ ਸਮੇਤ ਅਫਗਾਨ ਲੋਕਾਂ ਨੂੰ ਮਨੁੱਖੀ ਸਹਾਇਤਾ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ। 
ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਪਿਛਲੇ ਕੁਝ ਹਫਤਿਆਂ 'ਚ ਅਫਗਾਨਿਤਾਨ ਨੂੰ 3.6 ਟਨ ਡਾਕਟਰੀ ਸਹਾਇਤਾ ਅਤੇ ਕੋਵਿਡ ਟੀਕਿਆਂ ਦੀ 5,00,000 ਖੁਰਾਕਾਂ ਦੀ ਸਪਲਾਈ ਕੀਤੀ ਗਈ ਹੈ।  ਕਣਕ ਉਪਾਜਨ ਦੀ ਪ੍ਰਤੀਕਿਰਿਆ ਅਤੇ ਉਸ ਦੀ ਆਵਾਜਾਈ ਦੀ ਵਿਵਸਥਾ ਦੇ ਸਬੰਧ 'ਚ ਬਾਗਚੀ ਨੇ ਕਿਹਾ ਕਿ ਕਣਕ ਉਪਾਜਨ ਅਤੇ ਉਸ ਦੀ ਆਵਾਜਾਈ ਦੀ ਵਿਵਸਥਾ ਕਰਨ ਦੀ ਪ੍ਰਕਿਰਿਆ ਅਜੇ ਚੱਲ ਰਹੀ ਹੈ। ਕੁਦਰਤੀ ਰੂਪ ਨਾਲ ਇਸ 'ਚ ਕੁਝ ਸਮਾਂ ਲੱਗਦਾ ਹੈ। ਜਿਵੇਂ ਹੀ ਸਾਡੇ ਕੋਲ ਅਪਡੇਟ ਹੋਣਗੇ ਅਸੀਂ ਉਨ੍ਹਾਂ ਨੂੰ ਸਾਂਝਾ ਕਰੇਗਾ। ਸਾਨੂੰ ਉਮੀਦ ਹੈ ਕਿ ਅਸੀਂ ਇਸ ਨੂੰ ਜਲਦ ਹੀ ਕਰ ਪਾਵਾਂਗੇ। 
ਦੱਸ ਦੇਈਏ ਕਿ ਜਦੋਂ ਤੋਂ ਤਾਲਿਬਾਨ ਨੇ 15 ਅਗਸਤ ਨੂੰ ਕਾਬੁਲ 'ਤੇ ਕਬਜ਼ਾ ਕੀਤਾ, ਦੇਸ਼ 'ਚ ਡੂੰਘਾ ਆਰਥਿਕ, ਮਨੁੱਖੀ ਅਤੇ ਸੁਰੱਖਿਆ ਸੰਕਟ ਦੇਖਿਆ ਗਿਆ। ਵਿਦੇਸ਼ੀ ਸਹਾਇਤਾ ਦੀ ਮੁਅੱਤਲੀ, ਅਫਗਾਨ ਸਰਕਾਰ ਦੀ ਸੰਪਤੀ ਨੂੰ ਜ਼ਬਤ ਕਰਨਾ ਅਤੇ ਤਾਲਿਬਾਨ ਕੌਮਾਂਤਰੀ ਵਚਨਬੱਧਤਾ ਨੇ ਯੁੱਧਗ੍ਰਸਤ ਦੇਸ਼ ਨੂੰ ਪਹਿਲੇ ਤੋਂ ਹੀ ਉੱਚ ਗਰੀਬੀ ਦੇ ਪੱਧਰ ਨਾਲ ਪੀੜਤ ਇਕ ਪੂਰਨ ਆਰਥਿਕ ਸੰਕਟ 'ਚ ਪਾ ਦਿੱਤਾ ਹੈ।