ਇਸ ਤਰੀਕੇ ਨਾਲ 30 ਸੈਕੰਡ 'ਚ ਖਤਮ ਹੋਵੇਗਾ ਕੋਰੋਨਾਵਾਇਰਸ, ਜਾਣੋ ਖਾਸ ਤਰੀਕੇ
02/13/2020 3:42:22 PM
ਬਰਲਿਨ (ਬਿਊਰੋ): ਕੋਰੋਨਾਵਾਇਰਸ ਕੋਵਿਡ 19 ਨਾਲ ਹੁਣ ਤੱਕ ਪੂਰੀ ਦੁਨੀਆ ਵਿਚ 60,108 ਲੋਕ ਇਨਫੈਕਟਿਡ ਹੋ ਚੁੱਕੇ ਹਨ। 1,363 ਲੋਕ ਮਾਰੇ ਜਾ ਚੁੱਕੇ ਹਨ। ਕੁੱਲ ਇਨਫੈਕਟਿਡ ਲੋਕਾਂ ਵਿਚੋਂ 59,639 ਲੋਕ ਸਿਰਫ ਚੀਨ ਵਿਚ ਹਨ ਜਦਕਿ 1,361 ਲੋਕ ਚੀਨ ਵਿਚ ਹੀ ਮਰ ਚੁੱਕੇ ਹਨ। ਹੁਣ ਜਰਮਨੀ ਦੇ ਵਿਗਿਆਨੀਆਂ ਨੇ ਦੱਸਿਆ ਹੈਕਿ ਕਿਵੇਂ ਕੋਰੋਨਾਵਾਇਰਸ ਨੂੰ ਖਤਮ ਕੀਤਾ ਜਾ ਸਕਦਾ ਹੈ। ਮਤਲਬ ਕਿਵੇਂ ਮਾਰਿਆ ਜਾ ਸਕਦਾ ਹੈ।
ਇੰਝ ਖਤਮ ਕੀਤਾ ਜਾ ਸਕਦਾ ਹੈ ਕੋਰੋਨਾਵਾਇਰਸ
ਜਰਮਨੀ ਦੀ ਰੂਹਰ ਯੂਨੀਵਰਸਿਟੀ ਅਤੇ ਗ੍ਰੀਪਸਵਾਲਡ ਯੂਨੀਵਰਸਿਟੀ ਵਿਚ ਵਿਗਿਆਨੀਆਂ ਨੇ ਮਿਲ ਕੇ ਕੋਰੋਨਾਵਾਇਰਸ 'ਤੇ ਇਕ ਅਧਿਐਨ ਕੀਤਾ ਹੈ। ਇਹਨਾਂ ਨੇ ਹੁਣ ਤੱਕ ਕੋਰੋਨਾਵਾਇਰਸ 'ਤੇ ਹੋਏ 2 ਦਰਜਨ ਅਧਿਐਨਾਂ ਨੂੰ ਵੀ ਪੜ੍ਹਿਆ। ਫਿਰ ਉਹਨਾਂ ਨੇ ਪਤਾ ਕੀਤਾ ਕਿ ਕੋਰੋਨਾਵਾਇਰਸ ਨੂੰ ਕਿਵੇਂ ਖਤਮ ਕੀਤਾ ਜਾ ਸਕਦਾ ਹੈ। ਉਸ ਨੂੰ ਕਿਵੇਂ ਮਾਰਿਆ ਜਾ ਸਕਦਾ ਹੈ। ਜਰਮਨੀ ਦੇ ਵਿਗਿਆਨੀਆਂ ਦੇ ਅਧਿਐਨ ਦੇ ਮੁਤਾਬਕ ਕੋਰੋਨਾਵਾਇਰਸ ਨੂੰ ਜਿਸ ਤਰੀਕੇ ਨਾਲ ਖਤਮ ਕੀਤਾ ਜਾ ਸਕਦਾ ਹੈ ਉਸ ਵਿਚ ਸਭ ਤੋਂ ਪ੍ਰਮੁੱਖ ਹੈ ਖੁਦ ਦਾ ਬਚਾਅ।
ਕੋਰੋਨਾਵਾਇਰਸ ਨੂੰ ਕੀਟਾਣੂਨਾਸ਼ਕ (Disinfectant) ਦੀ ਮਦਦ ਨਾਲ ਖਤਮ ਕੀਤਾ ਜਾ ਸਕਦਾ ਹੈ।ਅਲਕੋਹਲ ਨਾਲ ਕੋਰੋਨਾਵਾਇਰਸ ਨੂੰ 1 ਮਿੰਟ ਵਿਚ ਖਤਮ ਕੀਤਾ ਜਾ ਸਕਦਾ ਹੈ ਜਦਕਿ ਬਲੀਚ ਦੀ ਮਦਦ ਨਾਲ ਇਸ ਨੂੰ ਸਿਰਫ 30 ਸੈਕੰਡ ਵਿਚ ਖਤਮ ਕਰ ਸਕਦੇ ਹਾਂ।
ਵੱਧ ਤਾਪਮਾਨ ਵਿਚ ਹੁੰਦਾ ਹੈ ਕਿਰਿਆਹੀਣ
ਇਸ ਅਧਿਐਨ ਵਿਚ ਦੱਸਿਾਆ ਗਿਆ ਹੈ ਕਿ ਕੋਰੋਨਾਵਾਇਰਸ 30 ਡਿਗਰੀ ਸੈਲਸੀਅਸ ਜਾਂ ਇਸ ਨਾਲੋਂ ਜ਼ਿਆਦਾ ਤਾਪਮਾਨ ਵਿਚ ਜਿਉਂਦਾ ਰਹਿਣ ਵਿਚ ਅਸਮੱਰਥ ਹੋ ਜਾਂਦਾ ਹੈ, ਜਿਵੇਂ-ਜਿਵੇਂ ਤਾਪਮਾਨ ਵੱਧਦਾ ਹੈ ਵਾਇਰਸ ਕਿਰਿਆਹੀਣ ਹੁੰਦਾ ਜਾਂਦਾ ਹੈ ਮਤਲਬ 30 ਡਿਗਰੀ ਸੈਲਸੀਅਸ ਤਾਪਮਾਨ ਜਾਂ ਉਸ ਨਾਲੋਂ ਜ਼ਿਆਦਾ ਹੋਣ 'ਤੇ ਕੋਰੋਨਾ ਦੀ ਤਾਕਤ ਘੱਟ ਹੋਣ ਲੱਗਦੀ ਹੈ।
ਲੰਬੇਂ ਸਮੇਂ ਤੱਕ ਜ਼ਿੰਦਾ ਰਹਿੰਦਾ ਹੈ ਕੋਰੋਨਾਵਾਇਰਸ
ਜਰਮਨੀ ਦੇ ਵਿਗਿਆਨੀਆਂ ਦੇ ਮੁਤਾਬਕ ਕੋਰੋਨਾਵਾਇਰਸ ਬਾਕੀ ਫਲੂ ਵਾਇਰਸ ਦੀ ਤੁਲਨਾ ਵਿਚ ਕਰੀਬ 4 ਗੁਣਾ ਜ਼ਿਆਦਾ ਸਮੇਂ ਤੱਕ ਜ਼ਿੰਦਾ ਰਹਿ ਸਕਦਾ ਹੈ। ਸਧਾਰਨ ਫਲੂ ਵਾਇਰਸ 2-3 ਦਿਨ ਤੱਕ ਜ਼ਿੰਦਾ ਰਹਿੰਦੇ ਹਨ। ਕੋਰੋਨਾਵਾਇਰਸ ਸਿਰਫ ਜ਼ਿੰਦਾ ਵਸਤਾਂ 'ਤੇ ਨਹੀਂ ਸਗੋਂ ਨਿਰਜੀਵ ਵਸਤਾਂ 'ਤੇ ਵੀ ਲੰਬੇਂ ਸਮੇਂ ਤੱਕ ਜ਼ਿੰਦਾ ਰਹਿ ਸਕਦਾ ਹੈ ਮਤਲਬ ਲੱਕੜ, ਗਲਾਸ, ਪਲਾਸਟਿਕ ਜਾਂ ਧਾਤ ਨਾਲ ਬਣੀ ਕਿਸੇ ਵੀ ਵਸਤੂ 'ਤੇ ਇਹ 9 ਦਿਨ ਜ਼ਿੰਦਾ ਰਹਿ ਸਕਦਾ ਹੈ। ਕਹਿਣ ਦਾ ਭਾਵ ਇਹ ਹੈ ਕਿ ਅਜਿਹੀਆਂ ਵਸਤਾਂ ਦੀ ਵਰਤੋਂ ਸਾਵਧਾਨੀ ਨਾਲ ਕਰਨ ਦੀ ਲੋੜ ਹੈ।
ਘੱਟ ਤਾਪਮਾਨ ਵਿਚ ਹੁੰਦਾ ਹੈ ਕਿਰਿਆਸ਼ੀਲ
ਜਰਮਨ ਵਿਗਿਆਨੀਆਂ ਦੇ ਅਧਿਐਨ ਵਿਚ ਇਹ ਖੁਲਾਸਾ ਵੀ ਹੋਇਆ ਹੈ ਕਿ ਜੇਕਰ ਤਾਪਮਾਨ 4 ਡਿਗਰੀ ਜਾਂ ਉਸ ਨਾਲੋਂ ਘੱਟ ਰਹਿੰਦਾ ਹੈ ਤਾਂ ਕੋਰੋਨਾਵਾਇਰਸ ਇਕ ਮਹੀਨੇ ਤੋਂ ਵੀ ਜ਼ਿਆਦਾ ਸਮੇਂ ਤੱਕ ਜ਼ਿੰਦਾ ਰਹਿ ਸਕਦਾ ਹੈ। ਜੇਕਰ ਨਿਰਜੀਵ ਵਸਤਾਂ ਨੂੰ ਵੀ ਕੀਟਾਣੂਨਾਸ਼ਕ ਨਾਲ ਸਾਫ ਕਰੀਏ ਤਾਂ ਇਨਫੈਕਸ਼ਨ ਦਾ ਖਤਰਾ ਘੱਟ ਹੋ ਜਾਂਦਾ ਹੈ।
ਕੋਰੋਨਾਵਾਇਰਸ 15 ਸੈਕੰਡ ਵੀ ਹੀ ਸਿਹਤਮੰਦ ਇਨਸਾਨ ਨੂੰ ਇਨਫੈਕਟਿਡ ਕਰ ਸਕਦਾ ਹੈ ਪਰ ਜਰਮਨੀ ਦੇ ਵਿਗਿਆਨੀਆਂ ਦੇ ਅਧਿਐਨ ਦੇ ਮੁਤਾਬਕ ਹਾਲੇ ਤੱਕ ਇਹ ਪਤਾ ਨਹੀਂ ਚੱਲ ਪਾਇਆ ਹੈਕਿ ਕੋਰੋਨਾਵਾਇਰਸ ਨਿਰਜੀਵ ਵਸਤਾਂ ਤੋਂ ਇਨਸਾਨਾਂ ਵਿਚ ਕਿੰਨੀ ਦੇਰ ਵਿਚ ਫੈਲਦਾ ਹੈ।
ਮਾਸਕ ਪਾਉਣਾ ਜ਼ਰੂਰੀ
ਵਿਸ਼ਵ ਸਿਹਤ ਸੰਗਠਨ ਨੇ ਦੁਨੀਆ ਭਰ ਵਿਚ ਸਲਾਹ ਜਾਰੀ ਕੀਤੀ ਹੈ ਕਿ ਕੋਰੋਨਾਵਾਇਰਸ ਦੇ ਇਨਫੈਕਸ਼ਨ ਤੋਂ ਬਚਣ ਲਈ ਲੋਕ ਲਗਾਤਾਰ ਅਲਕੋਹਲ ਨਾਲ ਹੱਥ ਧੋਣ। ਮਾਸਕ ਲਗਾ ਕੇ ਰੱਖਣ। ਕੋਸ਼ਿਸ਼ ਕਰਨ ਕਿ N-99 ਮਾਸਕ ਹੋਵੇ ਕਿਉਂਕਿ ਹਾਲ ਹੀ ਵਿਚ ਚੀਨ ਦੇ ਵਿਗਿਆਨੀਆਂ ਨੇ ਕਿਹਾ ਸੀ ਕਿ ਇਹ ਹੁਣ ਹਵਾ ਵਿਚ ਵੀ ਤੇਜ਼ੀ ਨਾਲ ਫੈਲ ਰਿਹਾ ਹੈ।
