ਮੀਂਹ ਕਾਰਨ ਆਇਆ ਭਿਆਨਕ ਹੜ੍ਹ, ਮਚੀ ਵੱਡੀ ਤਬਾਹੀ, 9 ਲੋਕਾਂ ਦੀ ਮੌਤ

ਕਾਠਮੰਡੂ (ਭਾਸ਼ਾ)- ਨੇਪਾਲ ਦੇ ਰਾਸੁਵਾ ਜ਼ਿਲ੍ਹੇ ਵਿੱਚ ਮਾਨਸੂਨ ਦੀ ਬਾਰਿਸ਼ ਕਾਰਨ ਨਦੀ ਵਿੱਚ ਹੜ੍ਹ ਆ ਗਿਆ। ਹੜ੍ਹ ਕਾਰਨ ਘੱਟੋ-ਘੱਟ ਨੌਂ ਲੋਕਾਂ ਦੀ ਮੌਤ ਹੋ ਗਈ ਅਤੇ 20 ਹੋਰ ਲਾਪਤਾ ਹੋ ਗਏ। ਇਸ ਤੋਂ ਇਲਾਵਾ ਦੇਸ਼ ਨੂੰ ਚੀਨ ਨਾਲ ਜੋੜਨ ਵਾਲਾ 'ਫ੍ਰੈਂਡਸ਼ਿਪ ਬ੍ਰਿਜ' ਹੜ੍ਹ ਕਾਰਨ ਵਹਿ ਗਿਆ। ਸੋਮਵਾਰ ਰਾਤ ਚੀਨ ਵਿੱਚ ਹੋਈ ਮੋਹਲੇਧਾਰ ਮਾਨਸੂਨ ਦੀ ਬਾਰਿਸ਼ ਕਾਰਨ ਨੇਪਾਲ ਵਿੱਚ ਭੋਟੇਕੋਸ਼ੀ ਨਦੀ ਵਿੱਚ ਹੜ੍ਹ ਆ ਗਿਆ। 'ਰਿਪਬਲਿਕਾ' ਅਖਬਾਰ ਦੀ ਖ਼ਬਰ ਅਨੁਸਾਰ ਨਦੀ ਵਿੱਚ ਆਏ ਹੜ੍ਹ ਕਾਰਨ ਘੱਟੋ-ਘੱਟ ਨੌਂ ਲੋਕ ਵਹਿ ਗਏ। ਉਨ੍ਹਾਂ ਦੀਆਂ ਲਾਸ਼ਾਂ ਕਈ ਮੀਲ ਦੂਰ ਧਾਡਿੰਗ ਅਤੇ ਚਿਤਵਾਨ ਜ਼ਿਲ੍ਹਿਆਂ ਤੋਂ ਬਰਾਮਦ ਕੀਤੀਆਂ ਗਈਆਂ ਹਨ। 

ਪੜ੍ਹੋ ਇਹ ਅਹਿਮ ਖ਼ਬਰ-'ਮੇਰਾ ਲੈਪਟਾਪ ਬੰਬ ਹੈ', ਫਲਾਈਟ 'ਚ ਬੋਲਿਆ ਯਾਤਰੀ, ਮਚੀ ਹਫੜਾ-ਦਫੜੀ

ਕਾਠਮੰਡੂ ਤੋਂ 120 ਕਿਲੋਮੀਟਰ ਉੱਤਰ-ਪੂਰਬ ਵਿੱਚ ਰਾਸੁਵਾ ਜ਼ਿਲ੍ਹੇ ਵਿੱਚ ਸਥਿਤ 'ਮਿਤੇਰੀ ਬ੍ਰਿਜ' ਸੋਮਵਾਰ ਰਾਤ 3:15 ਵਜੇ ਹੜ੍ਹ ਵਿੱਚ ਵਹਿ ਗਿਆ। ਪੁਲ ਦੇ ਵਹਿ ਜਾਣ ਕਾਰਨ ਲਾਪਤਾ ਹੋਏ 20 ਲੋਕਾਂ ਵਿੱਚੋਂ ਤਿੰਨ ਸੁਰੱਖਿਆ ਕਰਮਚਾਰੀ ਹਨ ਅਤੇ ਛੇ ਚੀਨੀ ਨਾਗਰਿਕ ਦੱਸੇ ਜਾ ਰਹੇ ਹਨ। ਕਈ ਬਚਾਅ ਕਰਮਚਾਰੀ ਇਲਾਕੇ ਵਿੱਚ ਮੌਜੂਦ ਹਨ। ਹੜ੍ਹ ਨੇ ਜ਼ਿਲ੍ਹੇ ਵਿੱਚ ਚਾਰ ਪਣ-ਬਿਜਲੀ ਪ੍ਰੋਜੈਕਟਾਂ ਨੂੰ ਨੁਕਸਾਨ ਪਹੁੰਚਾਇਆ, ਜਿਸ ਨਾਲ ਰਾਸ਼ਟਰੀ ਪਾਵਰ ਗਰਿੱਡ ਨੂੰ ਘੱਟੋ-ਘੱਟ 211 ਮੈਗਾਵਾਟ ਬਿਜਲੀ ਦੀ ਸਪਲਾਈ ਪ੍ਰਭਾਵਿਤ ਹੋਈ। ਨਦੀ ਵਿਚ ਪਾਣੀ ਦਾ ਤੇਜ਼ ਵਹਾਅ 23 ਕਾਰਗੋ ਕੰਟੇਨਰਾਂ, ਛੇ ਕਾਰਗੋ ਟਰੱਕਾਂ ਅਤੇ 35 ਇਲੈਕਟ੍ਰਿਕ ਵਾਹਨਾਂ ਨੂੰ ਵਹਾ ਕੇ ਲੈ ਗਿਆ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।