ਅਫਗਾਨਾਂ ਅਤੇ ਆਸਟ੍ਰੇਲੀਅਨ ਨੂੰ UAE ਤੋਂ ਲੈ ਕੇ ਫਲਾਈਟ ਪਰਥ ''ਚ ਉਤਰੀ

ਪਰਥ  (ਜਤਿੰਦਰ ਗਰੇਵਾਲ): ਸੰਯੁਕਤ ਅਰਬ ਅਮੀਰਾਤ ‘ਚ ਆਸਟ੍ਰੇਲੀਆ ਦੇ ਫ਼ੌਜੀ ਹਵਾਈ ਅੱਡੇ ਤੋਂ 100 ਲੋਕਾਂ ਦਾ ਸਮੂਹ ਰਾਤੀਂ 10:30 ਵਜੇ ਵਾਲੀ ਉਡਾਣ ਰਾਹੀਂ ਪਰਥ ਵਿੱਚ ਸਵੇਰੇ 1:30 ਵਜੇ ਉਤਰਨ ਵਾਲੇ ਇੱਕ ਚਾਰਟਰਡ ਜਹਾਜ਼ ਜਰੀਏ ਪਹੁੰਚਿਆ। ਜਹਾਜ਼ ਵਿਚ ਸਵਾਰ ਲੋਕਾਂ ਵਿਚ ਅਫਗਾਨ ਦੁਭਾਸ਼ੀਏ ਅਤੇ ਠੇਕੇਦਾਰ ਸ਼ਾਮਲ ਸਨ ਜਿਨ੍ਹਾਂ ਨੇ ਅਫ਼ਗ਼ਾਨਿਸਤਾਨ ‘ਚ 20 ਸਾਲਾਂ ਦੇ ਮਿਸ਼ਨ ਦੌਰਾਨ ਆਸਟ੍ਰੇਲੀਅਨ ਰੱਖਿਆ ਬਲ ਦੀਆਂ ਫ਼ੌਜਾਂ ਦੀ ਸਹਾਇਤਾ ਕੀਤੀ। 

ਪਰਥ ਸੀਬੀਡੀ ਵਿੱਚ ਦਰਜਨਾਂ ਪੁਲਸ ਅਧਿਕਾਰੀ ਹਾਇਆਤ ਹੋਟਲ ਵਿੱਚ ਯਾਤਰੀਆਂ ਦੇ 14 ਦਿਨਾਂ ਦੇ ਕੁਆਰੰਟੀਨ ਲਈ ਟ੍ਰਾਂਸਫਰ ਦਾ ਪ੍ਰਬੰਧ ਕਰਨ ਲਈ ਮੌਜੂਦ ਸਨ। ਉਹਨਾਂ ਨੂੰ ਕੁਆਰੰਟੀਨ ਕਰਨ ਲਈ ਪਰਥ ਦੇ ਸੀਬੀਡੀ ਦੇ ਹਇਆਤ ਹੋਟਲ ਵਿੱਚ ਲਿਜਾਇਆ ਗਿਆ ਹੈ। ਬਾਲਗ ਅਤੇ ਬੱਚੇ ਹੋਟਲ ਵਿੱਚ ਜਾਂਦੇ ਹੋਏ ਵੇਖੇ ਗਏ, ਸਾਰਿਆਂ ਨੇ ਮਾਸਕ ਅਤੇ ਦਸਤਾਨੇ ਪਾਏ ਹੋਏ ਸਨ ਅਤੇ ਮਾਪਿਆਂ ਨੂੰ ਛੋਟੇ ਬੱਚਿਆਂ ਨੂੰ ਲਿਜਾਉਂਦੇ ਵੀ ਦੇਖਿਆ ਗਿਆ। ਡਬਲਯੂਏ ਅਤੇ ਸੰਘੀ ਸਰਕਾਰ ਨੇ ਕਿਹਾ ਕਿ ਆਉਣ ਵਾਲੇ ਲੋਕਾਂ ਨੂੰ ਡਾਕਟਰੀ ਅਤੇ ਮਾਨਸਿਕ ਸਿਹਤ ਸਹਾਇਤਾ ਪ੍ਰਦਾਨ ਕੀਤੀ ਜਾਵੇਗੀ।

ਪੜ੍ਹੋ ਇਹ ਅਹਿਮ ਖਬਰ- ਇੰਡੋਨੇਸ਼ੀਆ ਨੇ 26 ਨਾਗਰਿਕ ਅਤੇ ਜਰਮਨੀ ਨੇ 1600 ਲੋਕਾਂ ਨੂੰ ਕਾਬੁਲ 'ਚੋਂ ਕੱਢਿਆ ਬਾਹਰ

ਫਲਾਈਟ ਵਿੱਚ ਆਸਟ੍ਰੇਲੀਅਨ ਕਸਟਮ ਅਤੇ ਇਮੀਗ੍ਰੇਸ਼ਨ ਕਰਮਚਾਰੀ ਦੇ ਨਾਲ-ਨਾਲ ਕੌਂਸੂਲਰ ਅਤੇ ਵਿਦੇਸ਼ੀ ਸੇਵਾ ਅਧਿਕਾਰੀ ਵੀ ਸਨ।  ਜਦੋਂ ਤਾਲਿਬਾਨ ਨੇ ਅਫਗਾਨਿਸਤਾਨ 'ਤੇ ਕਬਜ਼ਾ ਉਪਰੰਤ ਕਾਬੁਲ ਦੇ ਰਾਸ਼ਟਰਪਤੀ ਭਵਨ' ਤੇ ਕਬਜ਼ਾ ਕਰ ਲਿਆ ਤਾਂ ਸ਼ਰਨ ਮੰਗਣ ਤੋਂ ਬਾਅਦ ਇਹ ਸਮੂਹ ਆਸਟ੍ਰੇਲੀਆ ਪਹੁੰਚਿਆ ਹੈ।

ਪੜ੍ਹੋ ਇਹ ਅਹਿਮ ਖਬਰ -ਮੁਸ਼ਕਲ 'ਚ ਫਸੇ ਅਫਗਾਨ ਲੋਕਾਂ ਦੀ ਮਦਦ ਲਈ ਅੱਗੇ ਆਇਆ ਨਿਊਜ਼ੀਲੈਂਡ, ਦਿੱਤੀ ਵਿੱਤੀ ਸਹਾਇਤਾ