ਦੱਖਣੀ ਕੋਰੀਆ ਦੇ ਜੰਗਲਾਂ ''ਚ ਲੱਗੀ ਭਿਆਨਕ ਅੱਗ, ਲਗਭਗ 100 ਘਰ ਸੜ ਕੇ ਸੁਆਹ (ਤਸਵੀਰਾਂ)

ਸਿਓਲ (ਵਾਰਤਾ) : ਦੱਖਣੀ ਕੋਰੀਆ ਦੇ ਤੱਟੀ ਸ਼ਹਿਰ ਗੈਂਗਨੇਂਗ ਵਿਚ ਤੇਜ਼ ਹਵਾਵਾਂ ਨਾਲ ਲੱਗੀ ਅੱਗ ਵਿਚ ਲਗਭਗ 100 ਘਰ ਸੜ ਕੇ ਸੁਆਹ ਹੋ ਗਏ। ਸੈਂਕੜੇ ਲੋਕਾਂ ਅਤੇ ਸੈਲਾਨੀਆਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਪਹੁੰਚਾਇਆ ਗਿਆ। ਯੋਨਹਾਪ ਸਮਾਚਾਰ ਏਜੰਸੀ ਨੇ ਮੰਗਲਵਾਰ ਨੂੰ ਦੱਸਿਆ ਕਿ ਕੋਰੀਆ ਮੌਸਮ ਪ੍ਰਸ਼ਾਸਨ (ਕੇ.ਐੱਮ.ਏ.) ਵੱਲੋਂ ਤੇਜ਼ ਹਵਾਵਾਂ ਅਤੇ ਖੁਸ਼ਕ ਮੌਸਮ ਦੀ ਚੇਤਾਵਨੀ ਦੇਣ ਤੋਂ ਬਾਅਦ ਗੈਂਗਨੇਂਗ ਦੇ ਨੰਗੋਕ-ਡੋਂਗ ਜ਼ਿਲੇ ਵਿਚ ਇਕ ਪਹਾੜੀ 'ਤੇ ਜੰਗਲ ਸਵੇਰੇ ਸਾਢੇ ਅੱਠ ਵਜੇ ਦੇ ਕਰੀਬ ਢਹਿ ਗਿਆ। 

ਪੜ੍ਹੋ ਇਹ ਅਹਿਮ ਖ਼ਬਰ-ਬ੍ਰਿਟੇਨ 'ਚ ਗੁਰਦੁਆਰਾ ਸਾਹਿਬ ਨੇੜੇ ਚੱਲੀਆਂ ਗੋਲੀਆਂ, 3 ਲੋਕ ਗ੍ਰਿਫਤਾਰ

ਸਿਓਲ ਤੋਂ 168 ਕਿਲੋਮੀਟਰ ਪੂਰਬ ਵਿਚ ਗੈਂਗਨੇਂਗ ਅਤੇ ਗੈਂਗਵੋਨ ਸੂਬੇ ਦੇ ਹੋਰ ਪੂਰਬੀ ਤੱਟੀ ਇਲਾਕਿਆਂ ਵਿਚ ਤੇਜ਼ ਹਵਾਵਾਂ ਚੱਲ ਰਹੀਆਂ ਹਨ। ਫਾਇਰ ਅਧਿਕਾਰੀਆਂ ਮੁਤਾਬਕ ਤੇਜ਼ ਹਵਾਵਾਂ ਕਾਰਨ ਅੱਗ ਤੇਜ਼ੀ ਨਾਲ ਰਿਹਾਇਸ਼ੀ ਇਲਾਕਿਆਂ 'ਚ ਫੈਲ ਰਹੀ ਹੈ, ਜਿਸ ਕਾਰਨ ਹੁਣ ਤੱਕ ਕਰੀਬ 100 ਘਰ ਸੜ ਚੁੱਕੇ ਹਨ। ਅਜੇ ਤੱਕ ਕਿਸੇ ਜਾਨੀ ਨੁਕਸਾਨ ਦੀ ਸੂਚਨਾ ਨਹੀਂ ਹੈ। ਰਿਪੋਰਟਾਂ ਦੇ ਅਨੁਸਾਰ ਸ਼ਹਿਰ ਦੀ ਸਰਕਾਰ ਨੇ ਅੱਗ ਨਾਲ ਪ੍ਰਭਾਵਿਤ ਜ਼ਿਲ੍ਹੇ ਦੇ ਨਿਵਾਸੀਆਂ ਅਤੇ ਸੈਲਾਨੀਆਂ ਨੂੰ ਆਫ਼ਤ ਚੇਤਾਵਨੀ ਸੰਦੇਸ਼ ਭੇਜੇ, ਉਨ੍ਹਾਂ ਨੂੰ ਕਮਿਊਨਿਟੀ ਸੇਵਾ ਕੇਂਦਰਾਂ ਜਾਂ ਗੈਂਗਨੇਂਗ ਆਈਸ ਏਰੀਨਾ ਵਿੱਚ ਜਾਣ ਲਈ ਕਿਹਾ। ਅੱਗ ਬੁਝਾਊ ਅਧਿਕਾਰੀਆਂ ਨੇ ਅੱਗ 'ਤੇ ਕਾਬੂ ਪਾਉਣ ਲਈ 300 ਤੋਂ ਵੱਧ ਫਾਇਰ ਇੰਜਣ, ਛੇ ਹੈਲੀਕਾਪਟਰ ਅਤੇ 200 ਫਾਇਰ ਟਰੱਕ ਤਾਇਨਾਤ ਕੀਤੇ ਹਨ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।