ਅਚਾਨਕ ਬੇਹੋਸ਼ ਹੋ ਗਈ ਮਸ਼ਹੂਰ ਸੋਸ਼ਲ Influencer, ਹਸਪਤਾਲ ਪਹੁੰਚ ਤੋੜਿਆ ਦਮ
Saturday, Nov 01, 2025 - 11:39 AM (IST)
ਵੈੱਬ ਡੈਸਕ- ਸਪੇਨ ਦੀ ਪ੍ਰਸਿੱਧ ਇਨਫਲੂਐਂਸਰ ਅਤੇ ਟਰੱਕ ਡਰਾਈਵਰ ਓਟੀ ਕਾਬਾਦੋਸ, ਜੋ “ਕੋਕੋ ਟਰੱਕਰ ਗਰਲ” ਦੇ ਨਾਂ ਨਾਲ ਜਾਣੀ ਜਾਂਦੀ ਸੀ, ਦਾ ਅਚਾਨਕ ਦੇਹਾਂਤ ਹੋ ਗਿਆ ਹੈ। 41 ਸਾਲਾਂ ਦੀ ਓਟੀ ਐਤਵਾਰ ਨੂੰ ਹੋਏ 10ਵੇਂ ਐਨੁਅਲ ਮੀਟ-ਅੱਪ ਆਫ ਕਲਾਸਿਕ ਐਂਡ ਅਮਰੀਕਨ ਟਰੱਕਸ ਤੋਂ ਵਾਪਸ ਘਰ ਆਉਂਦੇ ਹੋਏ ਬੇਹੋਸ਼ ਹੋ ਗਈ ਸੀ। ਉਸ ਨੂੰ ਤੁਰੰਤ ਏਅਰ ਐਂਬੂਲੈਂਸ ਰਾਹੀਂ ਸਾਰਾਗੋਸਾ ਦੇ ਮਿਗੁਏਲ ਸਰਵੇਤ ਹਸਪਤਾਲ ਪਹੁੰਚਾਇਆ ਗਿਆ, ਜਿੱਥੇ ਉਸ ਦੀ ਮੌਤ ਹੋ ਗਈ। ਸਥਾਨਕ ਰਿਪੋਰਟਾਂ ਅਨੁਸਾਰ, ਉਟੀ ਨੂੰ ਸਟ੍ਰੋਕ ਆਇਆ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ ਹੈ।
ਓਟੀ ਕਾਬਾਦੋਸ ਸੋਸ਼ਲ ਮੀਡੀਆ ‘ਤੇ ਬਹੁਤ ਲੋਕਪ੍ਰਿਯ ਸੀ, ਜਿੱਥੇ ਉਹ ਟਿਕਟੌਕ, ਇੰਸਟਾਗ੍ਰਾਮ ਅਤੇ ਫੇਸਬੁੱਕ ‘ਤੇ ਕੁੱਲ ਮਿਲਾ ਕੇ ਲਗਭਗ 4 ਲੱਖ ਫਾਲੋਅਰਾਂ ਨਾਲ ਜੁੜੀ ਹੋਈ ਸੀ। ਉਹ ਆਪਣੀ ਟਰੱਕ ਚਲਾਉਣ ਵਾਲੀ ਜ਼ਿੰਦਗੀ ਦੇ ਸੱਚੇ ਅਤੇ ਖੁਸ਼ਮਿਜਾਜ਼ ਪਲ ਸਾਂਝੇ ਕਰਦੀ ਸੀ। ਉਸਨੇ ਨਾ ਸਿਰਫ਼ ਟਰੱਕ ਡਰਾਈਵਰਾਂ ਦੀ ਰੋਜ਼ਾਨਾ ਜ਼ਿੰਦਗੀ ਦਿਖਾਈ, ਸਗੋਂ ਔਰਤਾਂ ਲਈ ਸਮਾਨ ਮੌਕਿਆਂ ਅਤੇ ਬਿਹਤਰ ਕੰਮਕਾਜੀ ਹਾਲਾਤਾਂ ਲਈ ਵੀ ਆਵਾਜ਼ ਉਠਾਈ।
ਇਹ ਵੀ ਪੜ੍ਹੋ: 'ਚਲੋ ਬੁਲਾਵਾ ਆਇਆ ਹੈ, ਟਰੰਪ ਨੇ ਬੁਲਾਇਆ ਹੈ'..!, ਸਟੇਜ 'ਤੇ ਖੜ੍ਹ ਗੈਰੀ ਸੰਧੂ ਨੇ ਸਹੇੜਿਆ ਨਵਾਂ ਵਿਵਾਦ
ਸਪੇਨ ਦੀ Confederation of Freight Transport (CETM) ਨੇ ਉਸਦੀ ਅਚਾਨਕ ਮੌਤ ਦੀ ਪੁਸ਼ਟੀ ਕਰਦਿਆਂ ਕਿਹਾ, “ਅੱਜ ਬਹੁਤ ਦੁੱਖ ਦਾ ਦਿਨ ਹੈ। ਓਟੀ ਸਾਡੇ ਸਭ ਲਈ ਪ੍ਰੇਰਣਾ ਦਾ ਸਰੋਤ ਸੀ — ਉਸਦੀ ਖੁਸ਼ੀ, ਉਸਦਾ ਜੋਸ਼ ਅਤੇ ਆਪਣੇ ਕੰਮ ਪ੍ਰਤੀ ਉਸਦਾ ਪਿਆਰ ਬੇਮਿਸਾਲ ਸੀ।” ਸੰਘ ਨੇ ਕਿਹਾ ਕਿ ਓਟੀ ਨੇ ਸਾਬਤ ਕੀਤਾ ਕਿ ਟਰਾਂਸਪੋਰਟ ਦੀ ਦੁਨੀਆ ਸਿਰਫ਼ ਮਰਦਾਂ ਲਈ ਨਹੀਂ ਹੈ।
ਇਹ ਵੀ ਪੜ੍ਹੋ: KBC 'ਚ ਜਾਣ ਤੇ ਅਮਿਤਾਭ ਦੇ ਪੈਰੀਂ ਹੱਥ ਲਾਉਣ 'ਤੇ ਦਿਲਜੀਤ ਦੁਸਾਂਝ ਦਾ ਪਹਿਲਾ ਬਿਆਨ
CETM ਨੇ ਕਿਹਾ, “ਉਸਦੀ ਆਸ਼ਾਵਾਦੀ ਸੋਚ ਸਾਰਿਆਂ ਲਈ ਪ੍ਰੇਰਣਾ ਸੀ। ਉਸਨੇ ਸਾਨੂੰ ਇਹ ਸਬਕ ਦਿੱਤਾ ਕਿ ਜੀਵਨ ਵਿੱਚ ਜਿਸ ਚੀਜ਼ ਨਾਲ ਪਿਆਰ ਕਰੋ, ਉਸ ਲਈ ਲੜੋ ਅਤੇ ਆਪਣਾ ਰਸਤਾ ਖੁਦ ਚੁਣੋ। ਓਟੀ — ਅਸੀਂ ਤੁਹਾਨੂੰ ਹਮੇਸ਼ਾ ਯਾਦ ਕਰਾਂਗੇ।”
ਇਹ ਵੀ ਪੜ੍ਹੋ: ਪੰਜਾਬ ਦੀ 'ਐਸ਼ਵਰਿਆ ਰਾਏ' ਨੇ ਘਟਾਇਆ 17 ਕਿਲੋ ਭਾਰ, ਜਾਣੋ ਕਿਵੇਂ ਕੀਤਾ ਸ਼ਾਨਦਾਰ ਬਾਡੀ ਟ੍ਰਾਂਸਫਾਰਮੇਸ਼ਨ
ਓਟੀ ਨੇ 22 ਸਾਲ ਦੀ ਉਮਰ ਵਿੱਚ ਟਰੱਕ ਡਰਾਈਵਿੰਗ ਸ਼ੁਰੂ ਕੀਤੀ ਸੀ, ਜਦੋਂ ਉਸ ਨੇ ਹੇਅਰਡ੍ਰੈੱਸਰ ਦੀ ਨੌਕਰੀ ਛੱਡ ਕੇ ਆਪਣੀ ਜ਼ਿੰਦਗੀ ਵਿੱਚ ਬਦਲਾਅ ਲਿਆਉਣ ਦਾ ਫੈਸਲਾ ਕੀਤਾ। ਪਾਲੇਨਸੀਆ ਵਿੱਚ ਰਹਿੰਦੇ ਹੋਏ, ਉਹ ਯੂਰਪ ਭਰ ਵਿੱਚ ਸਫ਼ਰ ਕਰਦੀ ਸੀ ਅਤੇ ਆਪਣੀਆਂ ਯਾਤਰਾਵਾਂ ਨੂੰ ਸੋਸ਼ਲ ਮੀਡੀਆ ‘ਤੇ ਸਾਂਝਾ ਕਰਦੀ ਸੀ। ਉਸਦੇ ਵੀਡੀਓਜ਼ ਨੇ ਟਰੱਕ ਇੰਡਸਟਰੀ ਵਿੱਚ ਔਰਤਾਂ ਲਈ ਨਵੀਂ ਪ੍ਰੇਰਣਾ ਪੈਦਾ ਕੀਤੀ ਅਤੇ ਲੋਕਾਂ ਨੂੰ ਕੰਮ ਤੇ ਜੀਵਨ ਦੇ ਸੰਤੁਲਨ ਦੀ ਮਹੱਤਤਾ ਸਮਝਾਈ।
ਇਹ ਵੀ ਪੜ੍ਹੋ: ਅਮਿਤਾਭ ਬੱਚਨ ਦੇ ਪੈਰੀਂ ਹੱਥ ਲਾਉਣ ਤੋਂ ਭੜਕਿਆ ਖਾਲਿਸ* ਤਾਨੀ ਪੰਨੂ ! ਦਿਲਜੀਤ ਦੋਸਾਂਝ ਨੂੰ ਦੇ'ਤੀ ਧਮਕੀ
