ਪਾਕਿਸਤਾਨ 'ਚ ਗਹਿਰਾਇਆ ਊਰਜਾ ਸੰਕਟ: ਰਮਜ਼ਾਨ ਦੌਰਾਨ ਵੀ ਲਗ ਰਹੇ 12 ਘੰਟੇ ਦੇ ਬਿਜਲੀ ਕੱਟ

ਇਸਲਾਮਾਬਾਦ : ਪਾਕਿਸਤਾਨ ਦੇ ਨਾਗਰਿਕ ਰਮਜ਼ਾਨ ਦੇ ਪਵਿੱਤਰ ਮਹੀਨੇ ਦੌਰਾਨ ਵੀ ਇੱਕ ਦਿਨ ਵਿੱਚ 12-12 ਘੰਟੇ ਤੱਕ ਬਿਜਲੀ ਕੱਟਾਂ ਦਾ ਸਾਹਮਣਾ ਕਰ ਰਹੇ ਹਨ। ਬਿਜਲੀ ਉਤਪਾਦਨ ਲਈ ਈਂਧਨ ਦੀ ਉਪਲਬਧਤਾ ਅਤੇ ਕੁਝ ਵੱਡੇ ਪਾਵਰ ਪਲਾਂਟਾਂ ਦੇ ਰੱਖ-ਰਖਾਅ ਨਾ ਹੋਣ ਕਾਰਨ ਪਾਕਿਸਤਾਨ ਗੰਭੀਰ ਊਰਜਾ ਸੰਕਟ ਦਾ ਸਾਹਮਣਾ ਕਰ ਰਿਹਾ ਹੈ। ਇਹ ਜਾਣਕਾਰੀ ਮੀਡੀਆ ਰਿਪੋਰਟਾਂ ਤੋਂ ਮਿਲੀ ਹੈ। ਵੀਰਵਾਰ ਨੂੰ ਬਿਜਲੀ ਕੱਟਾਂ ਕਾਰਨ ਇਫਤਾਰੀ ਅਤੇ ਸੇਹਰੀ ਦੌਰਾਨ ਵੀ ਲੋਕਾਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ।

ਪਾਵਰ ਕੰਪਨੀ ਕੇ-ਇਲੈਕਟ੍ਰਿਕ (ਕੇਈ) ਨੇ ਵੱਖ-ਵੱਖ ਖੇਤਰਾਂ ਵਿੱਚ ਕਈ ਘੰਟਿਆਂ ਲਈ ਬਿਜਲੀ ਕੱਟਾਂ ਦੇ ਨਾਲ ਲੰਬੇ ਸਮੇਂ ਲਈ "ਲੋਡ ਪ੍ਰਬੰਧਨ" ਦਾ ਐਲਾਨ ਕੀਤਾ ਹੈ। ਡਾਨ ਅਖਬਾਰ ਨੇ ਕੇਈ ਦੇ ਇੱਕ ਐਸਐਮਐਸ ਦਾ ਹਵਾਲਾ ਦਿੰਦੇ ਹੋਏ ਕਿਹਾ, "ਰਾਸ਼ਟਰੀ ਗਰਿੱਡ ਵਿੱਚ ਕਮੀ ਦੇ ਕਾਰਨ, ਤੁਹਾਡੇ ਖੇਤਰ ਵਿੱਚ ਲੋਡ ਪ੍ਰਬੰਧਨ ਕੀਤਾ ਗਿਆ ਹੈ।" ਉਤਪਾਦਨ ਅਤੇ ਗਰਮੀ ਵਧਣ ਨਾਲ ਬਿਜਲੀ ਦੀ ਮੰਗ ਵਧੀ ਹੈ, ਪੀਕ ਘੰਟਿਆਂ ਦੌਰਾਨ ਬਿਜਲੀ ਦੀ ਮੰਗ ਵਧ ਕੇ 19,000 ਮੈਗਾਵਾਟ ਹੋ ਗਈ ਹੈ। 

ਹਾਲਾਂਕਿ, ਦਿਨ ਵੇਲੇ ਮੰਗ 16,000 ਮੈਗਾਵਾਟ ਹੈ।'' 'ਦਿ ਨਿਊਜ਼ ਇੰਟਰਨੈਸ਼ਨਲ' ਅਨੁਸਾਰ, ਕਰਾਚੀ, ਹੈਦਰਾਬਾਦ, ਰਾਵਲਪਿੰਡੀ, ਲਾਹੌਰ, ਫੈਸਲਾਬਾਦ ਅਤੇ ਸਿਆਲਕੋਟ ਵਰਗੇ ਸ਼ਹਿਰਾਂ ਨੂੰ 4-10 ਘੰਟੇ ਦੇ ਬਿਜਲੀ ਕੱਟਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਜਦੋਂ ਕਿ ਪੇਂਡੂ ਖੇਤਰਾਂ ਵਿੱਚ 10-12 ਘੰਟੇ ਬਿਜਲੀ ਕੱਟ ਲੱਗ ਰਹੇ ਹਨ। 

ਇਹ ਵੀ ਪੜ੍ਹੋ : ਕਤਰ ਅਤੇ ਤੁਰਕੀ ਨੇ ਕਾਬੁਲ ਵਿੱਚ ਹੋਏ ਸਕੂਲ ਹਮਲਿਆਂ ਦਾ ਕੀਤਾ ਵਿਰੋਧ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।