COVID-19: ਚੀਨ ''ਚੋਂ ਬਾਹਰ ਨਿਕਲ ਦੀਆਂ ਤਿਆਰੀਆਂ ''ਚ ਜਾਪਾਨੀ ਕੰਪਨੀਆਂ

ਨੈਸ਼ਨਡ ਡੈਸਕ—ਕੋਰੋਨਾ ਵਾਇਰਸ ਨਾਲ ਦੁਨੀਆ ਜੰਗ ਲੜ ਰਹੀ ਹੈ। ਅਜਿਹੇ 'ਚ ਜਾਪਾਨ ਚੀਨ 'ਚ ਸਥਾਪਿਤ ਆਪਣੀਆਂ ਕੰਪਨੀਆਂ ਨੂੰ ਸ਼ਿਫਟ ਕਰਨ ਦੀਆਂ ਤਿਆਰੀਆਂ ਕਰਨ 'ਤੇ ਵਿਚਾਰ ਕਰ ਰਹੀਆਂ ਹਨ। ਜਾਪਾਨ ਇਸ ਗੱਲ 'ਤੇ ਵਿਚਾਰ ਕਰ ਰਿਹਾ ਹੈ ਕਿ ਉਸ ਦੀਆਂ ਕੰਪਨੀਆਂ ਆਪਣਾ ਆਪਰੇਸ਼ਨ ਚੀਨ ਤੋਂ ਬਾਹਰ ਕਰੇ। ਬਲੂਮਰਗ ਨੇ ਆਪਣੀ ਇਕ ਰਿਪੋਰਟ 'ਚ ਇਹ ਗੱਲ ਕੀਤੀ ਹੈ। ਜਾਪਾਨੀ ਸਰਕਾਰ ਨੇ ਆਰਥਿਕ ਰਾਹਤ ਪੈਕੇਜ 'ਚ ਇਸ ਦੇ ਲਈ 2.2 ਅਰਬ ਡਾਲਰ (ਕਰੀਬ 16,786 ਕਰੋੜ ਰੁਪਏ) ਨਿਰਧਾਰਿਤ ਕੀਤੇ ਹਨ। ਜਾਪਾਨ ਆਪਣੀਆਂ ਕੰਪਨੀਆਂ ਨੂੰ ਚੀਨ ਦੇ ਬਾਜ਼ਾਰ 'ਚੋਂ ਬਾਹਰ ਆਪਰੇਸ਼ਨ ਸ਼ੁਰੂ ਕਰਨ ਲਈ ਇਹ ਰਕਮ ਖਰਚ ਕਰੇਗੀ। ਦਰਅਸਲ, ਜਾਪਾਨ ਚਾਹੁੰਦਾ ਹੈ ਕਿ ਉਸ ਦੀਆਂ ਕੰਪਨੀਆਂ ਆਪਣਾ ਮੈਨਿਊਫੈਕਚਰਿੰਗ ਯੂਨਿਟ ਚੀਨ ਦੇ ਬਾਹਰ ਲੈ ਜਾਵੇ।

ਫਰਵਰੀ 'ਚ 50 ਫੀਸਦੀ ਦੋਵਾਂ ਦੇਸ਼ਾਂ ਦੇ ਵਪਾਰ 'ਚ ਆਈ ਗਿਰਾਵਟ
ਜਾਪਾਨ 'ਚ ਆਪਣੀ ਮੈਨਿਊਫੈਕਚਰਿੰਗ ਯੂਨਿਟ ਸ਼ਿਫਟ ਕਰਨ ਲਈ ਇਨ੍ਹਾਂ ਕੰਪਨੀਆਂ 'ਤੇ ਕੁਲ 2 ਅਰਬ ਡਾਲਰ (ਕਰੀਬ 15,260 ਕਰੋੜ ਰੁਪਏ) ਖਰਚ ਕੀਤੇ ਜਾਣਗੇ। ਉੱਥੇ, ਜੇਕਰ ਕੋਈ ਕੰਪਨੀ ਚੀਨ ਤੋਂ ਬਾਹਰ ਨਿਕਲਣਾ ਚਾਹੁੰਦੀ ਹੈ ਪਰ ਉਹ ਜਾਪਾਨ ਨਾ ਜਾ ਕੇ ਕਿਸੇ ਹੋਰ ਦੇਸ਼ 'ਚ ਆਪਣੀ ਮੈਨਿਊਫੈਕਚਰਿੰਗ ਯੂਨਿਟ ਲਗਾਉਂਦੀ ਹੈ ਤਾਂ ਜਾਪਾਨੀ ਸਰਕਾਰ ਇਸ ਦੇ ਲਈ ਕੁੱਲ 23.5 ਅਰਬ ਯੇਨ ਖਰਚ ਕਰੇਗੀ। ਆਮ ਹਲਾਤਾਂ 'ਚ ਜਾਪਾਨ ਲਈ ਚੀਨ ਸਭ ਤੋਂ ਵੱਡਾ ਟ੍ਰੇਡਿੰਗ ਪਾਰਟਨਰ ਹੈ ਪਰ ਲਾਕਡਾਊਨ ਕਾਰਣ ਫਰਵਰੀ 'ਚ ਚੀਨ ਨਾਲ ਹੋਣ ਵਾਲਾ ਆਯਾਤ 'ਚ 50 ਫੀਸਦੀ ਤਕ ਦੀ ਗਿਰਾਵਟ ਆਈ ਹੈ।

ਚੀਨ 'ਚੋਂ ਬਾਹਰ ਨਿਕਲਣਾ ਚਾਹੁੰਦੀਆਂ ਹਨ ਜਾਪਾਨੀ ਕੰਪਨੀਆਂ
ਜਾਪਾਨ ਰਿਸਰਚ ਇੰਸਟੀਚਿਊਟ ਦੇ ਅਰਥਸ਼ਾਸਤਰੀ ਸ਼ਿਨਿਚੀ ਸੇਕੀ ਨੇ ਕਿਹਾ ਕਿ ਆਉਣ ਵਾਲੇ ਦਿਨਾਂ 'ਚ ਜਾਪਾਨੀ ਕੰਪਨੀਆਂ ਚੀਨ 'ਚੋਂ ਸ਼ਿਫਟ ਕਰਨਗੀਆਂ। ਇਸ ਦੇ ਪਹਿਲੇ ਹੀ ਜਾਪਾਨੀ ਕੰਪਨੀਆਂ ਚੀਨ 'ਤੇ ਆਪਣੀ ਨਿਰਭਰਤਾ ਘੱਟ ਕਰਨ ਦੀਆਂ ਕੋਸ਼ਿਸ਼ਾਂ 'ਚ ਲੱਗੀਆਂ ਸਨ। ਪਹਿਲੇ ਵੀ ਜਾਪਾਨੀ ਫਰਮਸ ਚੀਨ ਨਾਲ ਆਪਣੀ ਮੈਨਿਊਫੈਕਚਰਿੰਗ ਯੂਨਿਟ ਸ਼ਿਟ ਕਰਨਾ ਚਾਹੁੰਦੀਆਂ ਸਨ। ਅਜਿਹੇ 'ਚ ਸਰਕਾਰ ਵੱਲੋਂ ਇਹ ਮਦਦ ਮਿਲਣਾ ਉਸ ਦੇ ਲਈ ਬਿਹਤਰ ਮੌਕਾ ਹੈ।

ਦੱਖਣੀ ਏਸ਼ੀਆਈ ਦੇਸ਼ਾਂ 'ਚ ਵੀ ਸ਼ਿਫਟ ਹੋਣਗੀਆਂ ਇਹ ਕੰਪਨੀਆਂ
ਹਾਲਾਂਕਿ, ਉਨ੍ਹਾਂ ਨੇ ਇਹ ਵੀ ਕਿਹਾ ਹੈ ਕਿ ਚੀਨੀ ਘਰੇਲੂ ਮਾਰਕੀਟ ਲਈ ਉਤਪਾਦਨ ਕਰਨ ਵਾਲੀ ਕਾਰ ਮੇਕਰਸ ਅਤੇ ਹੋਰ ਕੰਪਨੀਆਂ ਚੀਨ 'ਚ ਬਣੀਆਂ ਰਹਿਣਗੀਆਂ। ਪਿਛਲੇ ਮਹੀਨੇ ਦੀ ਫਿਊਚਰ ਇਨਵੈਟਟਮੈਂਟ ਨੂੰ ਲੈ ਕੇ ਜਾਪਾਨੀ ਸਰਕਾਰ ਦੇ ਇਕ ਪੈਨਲ ਨੇ ਇਸ ਵਾਰ ਵਿਚਾਰ ਕੀਤਾ ਸੀ ਕਿ ਜ਼ਿਆਦਾ ਕੀਮਤ ਵਾਲੇ ਪ੍ਰੋਡਕਸ਼ਨ ਨੂੰ ਜਾਪਾਨ 'ਚ ਵਾਪਸ ਸ਼ਿਫਟ ਕੀਤਾ ਜਾਵੇਗਾ। ਉੱਥੇ, ਹੋਰ ਵਸਤਾਂ ਦੇ ਪ੍ਰੋਡਕਸ਼ਨ ਨੂੰ ਹੋਰ ਦੱਖਣੀ ਏਸ਼ੀਆਈ ਦੇਸ਼ਾਂ 'ਚ ਸ਼ਿਫਟ ਕੀਤਾ ਜਾਵੇਗਾ। ਇਕ ਰਿਸਰਚ ਮੁਤਾਬਕ ਚੀਨ 'ਚ ਕੰਮ ਕਰਨ ਵਾਲੀਆਂ ਕੁਲ 2600 ਜਾਪਾਨੀ ਕੰਪਨੀਆਂ 'ਚ 37 ਫੀਸਦੀ ਨੇ ਕਿਹਾ ਸੀ ਕਿ ਉਹ ਚੀਨ 'ਚੋਂ ਬਾਹਰ ਨਿਕਲਣਾ ਚਾਹੁੰਦੀਆਂ ਹਨ।