ਕਾਂਗੋ ''ਚ ਮੁੜ ਵਧਿਆ ਇਬੋਲਾ ਦਾ ਕਹਿਰ ! ਰੈੱਡ ਕਰਾਸ ਸੁਸਾਇਟੀ ਦੇ 3 ਵਾਲੰਟੀਅਰਾਂ ਦੀ ਹੋਈ ਮੌਤ

ਇੰਟਰਨੈਸ਼ਨਲ ਡੈਸਕ- ਡੈਮੋਕ੍ਰੇਟਿਕ ਰਿਪਬਲਿਕ ਆਫ਼ ਕਾਂਗੋ ਦੇ ਇਤੁਰੀ ਸੂਬੇ ਵਿੱਚ ਖ਼ਤਰਨਾਕ 'ਇਬੋਲਾ ਵਾਇਰਸ' ਦੇ ਇਨਫੈਕਸ਼ਨ ਕਾਰਨ ਗਲੋਬਲ ਸੰਸਥਾ ਰੈੱਡ ਕਰਾਸ ਸੁਸਾਇਟੀ ਦੇ 3 ਵਾਲੰਟੀਅਰਾਂ ਦੀ ਮੌਤ ਹੋਣ ਦੀ ਦੁਖ਼ਦਾਈ ਖ਼ਬਰ ਹੈ। ਰੈੱਡ ਕਰਾਸ ਵੱਲੋਂ ਜਾਰੀ ਬਿਆਨ ਮੁਤਾਬਕ ਵਾਲੰਟੀਅਰ ਅਲੀਕਾਨਾ ਉਦੁਮੁਸੀ ਔਗਸਟਿਨ, ਸੇਜਾਬੋ ਕਟਾਨਾਬੋ ਅਤੇ ਅਜਿਕੋ ਚੰਦਿਰੂ ਵਿਵੀਆਨ ਇੱਕ ਮਿਸ਼ਨ ਤਹਿਤ ਲਾਸ਼ਾਂ ਦੇ ਪ੍ਰਬੰਧਨ (ਸਸਕਾਰ) ਦਾ ਕੰਮ ਕਰ ਰਹੇ ਸਨ। ਉਸ ਸਮੇਂ ਇਲਾਕੇ ਵਿੱਚ ਇਬੋਲਾ ਦੇ ਫੈਲਣ ਦੀ ਪੁਸ਼ਟੀ ਨਹੀਂ ਹੋਈ ਸੀ, ਜਿਸ ਕਾਰਨ ਉਹ ਅਣਜਾਣੇ ਵਿੱਚ ਇਸ ਘਾਤਕ ਵਾਇਰਸ ਦੀ ਲਪੇਟ ਵਿੱਚ ਆ ਗਏ।

ਵਿਸ਼ਵ ਸਿਹਤ ਸੰਗਠਨ (WHO) ਦੇ ਮੁਖੀ ਟੈਡਰੋਸ ਗੈਬਰੇਅਸਸ ਨੇ ਵਾਲੰਟੀਅਰਾਂ ਦੀ ਮੌਤ 'ਤੇ ਡੂੰਘਾ ਦੁੱਖ ਪ੍ਰਗਟ ਕਰਦਿਆਂ ਇਸ ਨੂੰ ਮਨੁੱਖਤਾ ਲਈ ਸਰਵਉੱਚ ਬਲਿਦਾਨ ਦੱਸਿਆ। ਉਨ੍ਹਾਂ ਕਿਹਾ ਕਿ ਇਬੋਲਾ ਦੇ ਫੈਲਾਅ ਨੂੰ ਰੋਕਣ ਲਈ ਮਰੀਜ਼ਾਂ ਦੀ ਜਲਦੀ ਪਛਾਣ ਅਤੇ ਸੁਰੱਖਿਅਤ ਤਰੀਕੇ ਨਾਲ ਅੰਤਿਮ ਸਸਕਾਰ ਕਰਨਾ ਸਭ ਤੋਂ ਮਹੱਤਵਪੂਰਨ ਹੈ।

ਇਹ ਵੀ ਪੜ੍ਹੋ- ਧਰਤੀ 'ਤੇ ਆ ਗਏ Alien ! ਅਮਰੀਕੀ ਰੱਖਿਆ ਮੰਤਰਾਲੇ ਦੀ ਵੀਡੀਓ ਨੇ ਉਡਾ'ਤੇ ਸਭ ਦੇ ਹੋਸ਼

ਡਬਲਯੂ.ਐਚ.ਓ. (WHO) ਮੁਤਾਬਕ ਕਾਂਗੋ ਵਿੱਚ ਹੁਣ ਤੱਕ ਇਬੋਲਾ ਦੇ 82 ਮਾਮਲਿਆਂ ਦੀ ਪੁਸ਼ਟੀ ਹੋ ਚੁੱਕੀ ਹੈ ਅਤੇ 7 ਲੋਕਾਂ ਦੀ ਮੌਤ ਅਧਿਕਾਰਤ ਤੌਰ 'ਤੇ ਦਰਜ ਹੈ। ਹਾਲਾਂਕਿ, ਅਸਲ ਸਥਿਤੀ ਇਸ ਤੋਂ ਕਿਤੇ ਜ਼ਿਆਦਾ ਭਿਆਨਕ ਹੋ ਸਕਦੀ ਹੈ, ਕਿਉਂਕਿ ਲਗਭਗ 750 ਸ਼ੱਕੀ ਮਾਮਲੇ ਅਤੇ 177 ਸ਼ੱਕੀ ਮੌਤਾਂ ਦੀ ਖ਼ਬਰ ਹੈ। ਦੂਜੇ ਪਾਸੇ ਕਾਂਗੋ ਦੇ ਮੀਡੀਆ ਮੰਤਰਾਲੇ ਨੇ ਸ਼ੱਕੀ ਮ੍ਰਿਤਕਾਂ ਦੀ ਗਿਣਤੀ 204 ਦੱਸੀ ਹੈ। ਇਹ ਪ੍ਰਕੋਪ ਗੁਆਂਢੀ ਦੇਸ਼ ਯੂਗਾਂਡਾ ਵਿੱਚ ਵੀ ਪਹੁੰਚ ਗਿਆ ਹੈ, ਜਿੱਥੇ 3 ਹੋਰ ਨਵੇਂ ਮਾਮਲੇ ਸਾਹਮਣੇ ਆਉਣ ਨਾਲ ਕੁੱਲ ਮਰੀਜ਼ਾਂ ਦੀ ਗਿਣਤੀ 5 ਹੋ ਗਈ ਹੈ।

ਮੌਜੂਦਾ ਹਾਲਾਤ ਨੂੰ ਦੇਖਦੇ ਹੋਏ WHO ਨੇ ਕਾਂਗੋ ਵਿੱਚ ਇਬੋਲਾ ਦੇ ਪਬਲਿਕ ਹੈਲਥ ਰਿਸਕ ਦੇ ਪੱਧਰ ਨੂੰ 'ਹਾਈ' ਤੋਂ ਵਧਾ ਕੇ 'ਵੈਰੀ ਹਾਈ' ਕਰ ਦਿੱਤਾ ਹੈ। ਇਹ ਮਹਾਂਮਾਰੀ ਦੁਰਲੱਭ 'ਬੁੰਡੀਬੁਗਿਓ' ਵਾਇਰਸ ਸਟ੍ਰੇਨ ਕਾਰਨ ਫੈਲ ਰਹੀ ਹੈ। ਜ਼ਿਕਰਯੋਗ ਹੈ ਕਿ ਇਬੋਲਾ ਦੀ ਪਛਾਣ ਪਹਿਲੀ ਵਾਰ 1976 ਵਿੱਚ ਹੋਈ ਸੀ। ਇਹ ਇੱਕ ਬਹੁਤ ਹੀ ਘਾਤਕ ਬਿਮਾਰੀ ਹੈ, ਜਿਸ ਵਿੱਚ ਮਰੀਜ਼ ਨੂੰ ਤੇਜ਼ ਬੁਖਾਰ, ਕਮਜ਼ੋਰੀ, ਉਲਟੀਆਂ ਅਤੇ ਦਸਤ ਵਰਗੇ ਗੰਭੀਰ ਲੱਛਣ ਹੁੰਦੇ ਹਨ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e