ਪਾਕਿਸਤਾਨ ''ਚ ''ਹਥਿਆਰ'' ਰੱਖਣ ਦੇ ਦੋਸ਼ ''ਚ ਚੀਨੀ ਨਾਗਰਿਕ ਗ੍ਰਿਫ਼ਤਾਰ

ਪੇਸ਼ਾਵਰ (ਏਐਨਆਈ): ਪਾਕਿਸਤਾਨ ਦੀ ਪੁਲਸ ਨੇ ਖੈਬਰ ਪਖਤੂਨਖਵਾ ਦੇ ਕੋਹਾਟ ਜ਼ਿਲੇ ਦੇ ਦਾਰਾ ਆਦਮਖੇਲ ਕਬਾਇਲੀ ਉਪਖੰਡ ਤੋਂ ਇਕ ਚੀਨੀ ਨਾਗਰਿਕ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਅਤੇ ਉਸ 'ਤੇ ਬਿਨਾਂ ਲਾਇਸੈਂਸ ਦੇ ਪਿਸਤੌਲ ਅਤੇ ਕਾਰਤੂਸ ਰੱਖਣ ਦੇ ਦੋਸ਼ਾਂ ਤਹਿਤ ਮਾਮਲਾ ਦਰਜ ਕੀਤਾ ਹੈ। ਚੀਨੀ ਨਾਗਰਿਕ, ਜਿਸ ਦੀ ਪਛਾਣ ਲੀ ਸ਼ਿੰਗ ਲੀ ਵਜੋਂ ਹੋਈ ਹੈ, ਨੂੰ ਸੋਮਵਾਰ ਨੂੰ ਯਾਤਰਾ ਦਸਤਾਵੇਜ਼ ਪੇਸ਼ ਕਰਨ ਵਿੱਚ ਅਸਫਲ ਰਹਿਣ 'ਤੇ ਵਿਦੇਸ਼ੀ ਕਾਨੂੰਨ ਦੇ ਤਹਿਤ ਵੀ ਕੇਸ ਦਰਜ ਕੀਤਾ ਗਿਆ ਸੀ।

ਮਾਮਲੇ ਦੀ ਜਾਣਕਾਰੀ ਦਿੰਦੇ ਹੋਏ ਥਾਣਾ ਦਾਰਾ ਆਦਮਖੇਲ ਦੇ ਐੱਸਐੱਚਓ ਤਾਰਿਕ ਮਹਿਮੂਦ ਨੇ ਦੱਸਿਆ ਕਿ ਲੀ ਨੂੰ ਐਤਵਾਰ ਨੂੰ ਮੁੱਖ ਦਾਰਾ ਬਾਜ਼ਾਰ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਅਤੇ ਪੇਸ਼ਾਵਰ ਦੇ ਮਟਾਨੀ ਪੁਲਸ ਦੇ ਅਧਿਕਾਰ ਖੇਤਰ 'ਚ ਪੈਂਦੇ ਇੰਡਸ ਹਾਈਵੇਅ 'ਤੇ ਸਥਿਤ ਪੁਲਸ ਚੌਕੀ 'ਤੇ ਅਧਿਕਾਰੀਆਂ ਨੂੰ ਸੌਂਪ ਦਿੱਤਾ ਗਿਆ ਸੀ। ਡਾਨ ਦੇ ਅਨੁਸਾਰ ਹਾਲਾਂਕਿ ਉਸਨੇ ਕਿਹਾ ਕਿ ਪੁਲਸ ਨੇ ਉਸਨੂੰ ਸੋਮਵਾਰ ਨੂੰ ਫਿਰ ਇੱਕ ਪਿਸਤੌਲ ਦੇ ਨਾਲ ਬਾਜ਼ਾਰ ਵਿੱਚ ਦੇਖਿਆ। ਉਸਨੇ ਕਿਹਾ ਕਿ ਕਿਉਂਕਿ ਪੁਲਸ ਉਸਦੀ ਸੁਰੱਖਿਆ ਨੂੰ ਲੈ ਕੇ ਚਿੰਤਤ ਸੀ, ਇਹ ਮਾਮਲਾ ਪੁਲਸ ਉੱਚ ਅਧਿਕਾਰੀਆਂ ਦੇ ਧਿਆਨ ਵਿੱਚ ਲਿਆਂਦਾ ਗਿਆ ਸੀ। ਨਿਰਦੇਸ਼ ਮਿਲਣ ਤੋਂ ਬਾਅਦ ਚੀਨੀ ਨਾਗਰਿਕ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ।

ਪੜ੍ਹੋ ਇਹ ਅਹਿਮ ਖ਼ਬਰ-ਪਾਕਿਸਤਾਨ : ਪੇਸ਼ਾਵਰ 'ਚ ਆਟਾ ਵੰਡ ਕੇਂਦਰ ਦੇ ਬਾਹਰ ਲੋਕ ਹੋਏ ਬੇਕਾਬੂ, ਪੁਲਸ ਨੇ ਛੱਡੇ ਅੱਥਰੂ ਗੈਸ ਦੇ ਗੋਲੇ

ਐਸਐਚਓ ਮਹਿਮੂਦ ਨੇ ਕਿਹਾ ਕਿ ਲੀ ਤੋਂ ਅੰਗਰੇਜ਼ੀ ਅਤੇ ਚੀਨੀ ਭਾਸ਼ਾ ਵਿੱਚ ਗੂਗਲ ਅਨੁਵਾਦ ਦੀ ਵਰਤੋਂ ਕਰਕੇ ਪੁੱਛਗਿੱਛ ਕੀਤੀ ਗਈ, ਪਰ ਉਹ ਚੁੱਪ ਰਿਹਾ। ਉਸਨੇ ਕਿਹਾ ਕਿ ਬਾਅਦ ਵਿੱਚ ਚੀਨੀ ਨਾਗਰਿਕ ਨੂੰ ਕੋਹਾਟ ਦੀ ਇੱਕ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ, ਜਿੱਥੇ ਜੱਜ ਨੇ ਉਸ ਤੋਂ ਪੁੱਛਗਿੱਛ ਵੀ ਕੀਤੀ, ਪਰ ਉਸਨੇ ਸਵਾਲਾਂ ਦੇ ਜਵਾਬ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਡਾਨ ਮੁਤਾਬਕ ਜੱਜ ਨੇ ਉਸ ਨੂੰ ਜੁਡੀਸ਼ੀਅਲ ਰਿਮਾਂਡ 'ਤੇ ਕੋਹਾਟ ਜੇਲ੍ਹ ਭੇਜ ਦਿੱਤਾ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।