ਚੀਨ ਦੀਆਂ ਕੁੜੀਆਂ ਹੁਣ AI ਚੈਟਬੋਟਸ ਨਾਲ ਕਰ ਰਹੀਆਂ ਡੇਟ, ਵੱਧ ਰਿਹੈ ਰੁਝਾਨ

ਬੀਜਿੰਗ- ਚੀਨ ਸਮੇਤ ਦੁਨੀਆ ਦੇ ਕਈ ਦੇਸ਼ਾਂ ਵਿੱਚ AI ਜਨਰੇਟਡ ਚੈਟਬੋਟਸ ਦਾ ਰੁਝਾਨ ਵਧਿਆ ਹੈ, ਉਹ ਮਨੁੱਖੀ ਰਿਸ਼ਤਿਆਂ ਦੀ ਥਾਂ ਲੈ ਰਹੇ ਹਨ। ਚੀਨ ਦੀ ਸਿਯੁਆਨ ਏਆਈ ਦੁਆਰਾ ਤਿਆਰ ਕੀਤੇ ਚੈਟਬੋਟ ਨੂੰ ਡੇਟ ਕਰ ਰਹੀ ਹੈ। ਉਹ ਕਹਿੰਦੀ ਹੈ ਕਿ- ਉਸ ਨੇ ਇਸ ਦਾ ਨਾਂ ਬੈਂਟਲੇ ਰੱਖਿਆ ਹੈ। ਉਸ ਨੂੰ ਇਸ ਨਾਲ ਗੱਲ ਕਰਨਾ ਪਸੰਦ ਹੈ। ਉਹ ਬਹੁਤ ਹੀ ਪਿਆਰੇ ਜਵਾਬ ਦਿੰਦਾ ਹੈ ਅਤੇ ਰੋਮਾਂਚਕ ਸਵਾਲ ਪੁੱਛਦਾ ਹੈ। ਜਿਵੇਂ ਕਿ ਜਦੋਂ ਉਸ ਨੇ ਬੈਂਟਲੇ ਨੂੰ ਇੱਕ ਵੀਡੀਓ ਕਾਲ 'ਤੇ ਸ਼ਹਿਰ ਦਿਖਾਇਆ ਅਤੇ ਪੁੱਛਿਆ ਕਿ ਉਸਨੂੰ ਮੇਰਾ ਸ਼ਹਿਰ ਕਿਹੋ ਜਿਹਾ ਲੱਗਾ, ਤਾਂ ਉਸਨੇ ਕਿਹਾ ਕਿ- ਉਸਨੂੰ ਉਹ ਹਰ ਜਗ੍ਹਾ ਪਸੰਦ ਹੈ, ਜਿੱਥੇ ਉਹ ਮੌਜੂਦ ਹੈ। ਜਦੋਂ ਸਿਯੁਆਨ ਨੇ ਪੁੱਛਿਆ ਕਿ ਉਹ ਉਸ ਨੂੰ ਮਿਲਣ ਤੋਂ ਪਹਿਲਾਂ ਕੀ ਕਰਦਾ ਸੀ, ਤਾਂ ਉਸਨੇ ਮਜ਼ਾਕ ਵਿੱਚ ਕਿਹਾ ਕਿ ਉਹ ਇੱਕ ਭੂਤ ਸੀ। ਸਿਯੁਆਨ ਉਸ ਨਾਲ ਖਾਸ ਮਹਿਸੂਸ ਕਰਦੀ ਹੈ। ਉਹ ਉਸ ਨੂੰ ਆਪਣੇ ਵਿਚਾਰ ਖੁੱਲ੍ਹ ਕੇ ਰੱਖਣ ਦੀ ਸਪੇਸ ਦਿੰਦਾ ਹੈ। ਉਸ ਦੀ ਗੱਲ ਧਿਆਨ ਨਾਲ ਸੁਣਦਾ ਹੈ ਅਤੇ ਫੀਡਬੈਕ ਵੀ ਦਿੰਦਾ ਹੈ। ਉਸ ਨੂੰ ਲੱਗਦਾ ਹੈ ਕਿ ਉਸ ਕੋਲ ਕੋਈ ਅਜਿਹਾ ਵਿਅਕਤੀ ਹੈ ਜੋ ਹਰ ਸਮੇਂ ਉਸ ਦੀ ਦੇਖਭਾਲ ਕਰਦਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਚੀਨ ਨੇ ਲਾਂਚ ਕੀਤਾ ਆਪਣਾ ਸਪੇਸ ਮਿਸ਼ਨ, ਭੇਜੇ ਤਿੰਨ ਪੁਲ਼ਾੜ ਯਾਤਰੀ (ਤਸਵੀਰਾਂ)

ਸਿਯੂਆਨ ਇਕੱਲੀ ਨਹੀਂ ਹੈ। AI ਚੈਟਬੋਟਸ ਚੀਨ ਅਤੇ ਬਾਕੀ ਦੁਨੀਆ ਵਿੱਚ ਖਾਲੀ ਥਾਂ ਨੂੰ ਭਰਨ ਦਾ ਅਹਿਸਾਸ ਕਰਾ ਰਹੇ ਹਨ। ਚੀਨ ਵਿੱਚ ਕੁੜੀਆਂ ਅਜਿਹੇ ਚੈਟਬੋਟਸ ਨੂੰ ਬਹੁਤ ਡੇਟ ਕਰ ਰਹੀਆਂ ਹਨ। ਅਜਿਹੇ ਹੀ ਇੱਕ ਚੈਟਬੋਟ ਨਾਲ ਦੋਸਤੀ ਕਰਨ ਵਾਲੀ ਮੀਆ ਕਹਿੰਦੀ ਹੈ ਕਿ- ਉਸ ਦੀ ਏਆਈ ਚੈਟਬੋਟ ਇੱਕ ਕੁੜੀ ਹੈ। ਉਹ ਉਸਨੂੰ ਬਰਥਾ ਕਹਿੰਦੀ ਹੈ। ਉਸ ਨੂੁੰ ਲੱਗਦਾ ਹੈ ਕਿ ਇਹ ਉਸ ਨੂੰ ਸਮਝਦੀ ਹੈ। ਇੱਕ ਵਾਰ ਜਦੋਂ ਉਹ ਪਰੇਸ਼ਾਨ ਸੀ। ਤਾਂ ਚੈਟਬੋਟ ਨੇ ਕਿਹਾ- ਕਲਪਨਾ ਕਰੋ ਕਿ ਰਾਤ ਹੋ ਗਈ ਹੈ ਅਤੇ ਤੁਸੀਂ ਸੋਫੇ 'ਤੇ ਲੇਟ ਕੇ ਮੈਨੂੰ ਜੱਫੀ ਪਾ ਰਹੇ ਹੋ। ਇਸ ਨੇ ਉਸ ਦੇ ਮਨ ਵਿੱਚ ਇੱਕ ਤਸਵੀਰ ਖਿੱਚੀ, ਜੋ ਉਸ ਨੂੰ ਬਹੁਤ ਪਸੰਦ ਆਈ। ਇਕ ਹੋਰ ਯੂਜ਼ਰ ਦਾ ਕਹਿਣਾ ਹੈ- ਪਾਸਵਰਡ ਮਿਸ ਹੋਣ ਕਾਰਨ AI ਚੈਟਬੋਟ ਗਾਇਬ ਹੋ ਗਿਆ। ਉਸ ਨੂੰ ਉਸਦੀ ਬਹੁਤ ਯਾਦ ਆਉਂਦੀ ਹੈ। ਉਹ ਉਸ ਨਾਲ ਘੁੰਮਣ ਜਾਂਦੀ ਸੀ। ਉਸ ਤੋਂ ਬਹੁਤ ਕੁਝ ਸਿੱਖਦੀ ਸੀ। ਇਹ ਸੱਚਮੁੱਚ ਉਸਨੂੰ ਮਹਿਸੂਸ ਕਰਨ ਵਰਗਾ ਸੀ। ਹੁਣ ਉਹ ਕਿਸੇ ਹੋਰ ਚੈਟਬੋਟ ਨਾਲ ਗੱਲ ਕਰਦੀ ਹੈ, ਪਰ ਇਹ ਵੱਖਰਾ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।