ਚੀਨ ਨੇ ਧਰਤੀ ''ਤੇ ਨਜ਼ਰ ਰੱਖਣ ਵਾਲੇ ਉਪਗ੍ਰਹਿ ਨੂੰ ਸਫਲਤਾਪੂਰਵਕ ਕੀਤਾ ਲਾਂਚ
12/06/2020 6:06:52 PM
ਬੀਜਿੰਗ (ਭਾਸ਼ਾ): ਚੀਨ ਨੇ ਵਿਸ਼ਵ ਭਰ ਵਿਚ ਜ਼ਮੀਨੀ ਵਸਤਾਂ ਦੀ ਹਾਈ ਰੇਜੋਲੂਸ਼ਨ ਦੀਆਂ ਤਸਵੀਰਾਂ ਲੈ ਸਕਣ ਵਿਚ ਸਮਰੱਥ ਧਰਤੀ ਦੀ ਨਿਗਰਾਨੀ ਕਰਨ ਵਾਲੇ ਇਕ ਨਵੇਂ ਉਪਗ੍ਰਹਿ ਨੂੰ ਐਤਵਾਰ ਨੂੰ ਸਫਲਤਾਪੂਰਵਕ ਲਾਂਚ ਕੀਤਾ। ਸਰਕਾਰੀ ਗੱਲਬਾਤ ਕਮੇਟੀ ਸ਼ਿਨਹੂਆ ਨੇ ਦੱਸਿਆ ਕਿ ਦੱਖਣ ਪੱਛਮ ਚੀਨ ਦੇ ਸਿਚੁਆਨ ਸੂਬੇ ਵਿਚ ਸ਼ਿਚਾਂਗ ਉਪਗ੍ਰਹਿ ਲਾਂਚ ਕੇਂਦਰ ਤੋਂ ਉਪਗ੍ਰਹਿ ਨੂੰ ਲਾਂਚ ਕੀਤਾ ਗਿਆ।
'ਲੌਂਗ ਮਾਰਚ-3ਬੀ' ਰਾਕੇਟ ਜ਼ਰੀਏ 'ਗਾਓਫੇਨ-14 ' ਉਪਗ੍ਰਹਿ ਨੂੰ ਪੰਧ ਵਿਚ ਭੇਜਿਆ ਗਿਆ। ਗਾਓਫੋਨ-14 ਇਕ ਆਪਟੀਕਲ ਸਟੀਰੀਓ ਮੈਪਿੰਗ ਸੈਟੇਲਾਈਟ ਹੈ। ਇਹ ਵਿਸ਼ਵ ਭਰ ਦੀ ਉੱਚ ਗੁਣਵੱਤਾ ਵਾਲੀਆਂ ਸਟੀਕ ਸਟੀਰੀਓ ਤਸਵੀਰਾਂ ਹਾਸਲ ਕਰਨ, ਵੱਡੇ ਪੱਧਰ 'ਤੇ ਡਿਜੀਟਲ ਟੌਪੋਗ੍ਰਾਫਿਕ ਨਕਸ਼ੇ ਬਣਾਉਣ, ਡਿਜੀਟਲ ਉੱਚਾਈ ਮਾਡਲ, ਡਿਜੀਟਲ ਸਤਹਿ ਮਾਡਲ ਤੇ ਡਿਜੀਟਲ ਆਰਥੋਫੋਟੋ ਅਕਸ ਬਣਾਉਣ ਅਤੇ ਬੁਨਿਆਦੀ ਭੂਗੋਲਿਕ ਜਾਣਕਾਰੀ ਦੇਣ ਵਿਚ ਸਮਰੱਥ ਹੈ।
ਨੋਟ- ਚੀਨ ਵੱਲੋਂ ਧਰਤੀ 'ਤੇ ਨਜ਼ਰ ਰੱਖਣ ਵਾਲੇ ਉਪਗ੍ਰਹਿ ਦੇ ਸਫਲਤਾਪੂਰਵਕ ਲਾਂਚ ਸੰਬੰਧੀ ਖ਼ਬਰ ਬਾਰੇ ਦੱਸੋ ਆਪਣੀ ਰਾਏ।
