ਕੈਨੇਡਾ ਪੁਲਸ ਨੂੰ ਵੱਡੀ ਸਫਲਤਾ, 83 ਮਿਲੀਅਨ ਡਾਲਰ ਦੀ ਕੋਕੀਨ ਜ਼ਬਤ

ਟੋਰਾਂਟੋ (ਰਾਜ ਗੋਗਨਾ)- ਕੈਨੇਡਾ ਵਿੱਚ ਅਧਿਕਾਰੀਆਂ ਨੇ ਬੀਤੇ ਦਿਨ ਇੱਕ ਬਦਨਾਮ ਮੈਕਸੀਕਨ ਕਾਰਟੇਲ ਨਾਲ ਜੁੜੀ ਡਰੱਗ ਤਸਕਰੀ ਨੂੰ ਲੈ ਕੇ 83 ਮਿਲੀਅਨ ਡਾਲਰ ਦੀ ਕੋਕੀਨ ਜ਼ਬਤ ਕੀਤੀ। ਜੋ ਕਿ ਕੈਨੇਡਾ ਦੇਸ਼ ਦੇ ਟੋਰਾਂਟੋ ਦੇ ਇਤਿਹਾਸ ਵਿੱਚ ਡਰੱਗ ਦੀ ਸਭ ਤੋਂ ਵੱਡੀ ਢੋਆ-ਢੁਆਈ ਹੈ। ਅਧਿਕਾਰੀਆਂ ਨੇ ਇਸ ਗੱਲ ਦੀ ਘੋਸ਼ਣਾ ਕੀਤੀ। ਇਹ ਕੋਕੀਨ 835 ਕਿਲੋਗ੍ਰਾਮ ਤੋਂ ਵੱਧ ਸੀ ਜਿਸ ਦਾ ਜਾਲਿਸਕੋ ਨਿਊ ਜਨਰੇਸ਼ਨ ਕਾਰਟੈਲ ਨਾਲ ਸਬੰਧ ਹੋਣ ਦਾ ਦੋਸ਼ ਹੈ, ਜਿਸ ਨੂੰ ਨਿਆਂ ਵਿਭਾਗ ਨੇ "ਦੁਨੀਆ ਦੀਆਂ ਸਭ ਤੋਂ ਹਿੰਸਕ ਅਤੇ ਪ੍ਰਫੁੱਲਤ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਕਰਨ ਵਾਲੇ ਸੰਗਠਨਾਂ ਵਿੱਚੋਂ ਇੱਕ" ਦੱਸਿਆ ਗਿਆ ਹੈ।

ਟੋਰਾਂਟੋ ਪੁਲਸ ਨੇ ਇੱਕ ਨਿਊਜ਼ ਰੀਲੀਜ਼ ਵਿੱਚ ਕਿਹਾ ਕਿ ਅਧਿਕਾਰੀਆਂ ਨੂੰ ਇੱਕ ਟਰੱਕ ਵਿੱਚ ਛੁਪਾ ਕੇ ਰੱਖੀ ਗਈ 475 ਕਿਲੋਗ੍ਰਾਮ ਕੋਕੀਨ ਦਾ ਪਤਾ ਲੱਗਾ ਅਤੇ ਬਾਕੀ ਨੂੰ ਛੁਪਾਉਣ ਵਾਲੇ ਘਰਾਂ ਤੋਂ ਜ਼ਬਤ ਕੀਤਾ ਗਿਆ। ਪੁਲਸ ਨੇ ਕਿਹਾ ਕਿ ਇਕ ਟਰੱਕ ਅਤੇ ਇਸ ਦਾ ਮਾਲ ਮੈਕਸੀਕੋ ਤੋਂ ਸ਼ੁਰੂ ਹੋਣ ਵਾਲੇ ਇੱਕ ਵੱਡੇ ਅੰਤਰ-ਰਾਸ਼ਟਰੀ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਮੁਹਿੰਮ ਦਾ ਹਿੱਸੇ ਨਾਲ ਇਕ ਵੱਡੇ ਮੈਕਸੀਕਨ ਗਿਰੋਹ ਨਾਲ ਸਬੰਧ ਹੈ। ਟੋਰਾਂਟੋ ਦੇ ਪੁਲਸ ਮੁਖੀ ਮਾਈਰੋਨ ਡੈਮਕੀਵ ਨੇ ਕਿਹਾ ਕਿ ਕੋਕੀਨ ਨਿਊਫਾਊਂਡਲੈਂਡ ਤੋਂ ਬ੍ਰਿਟਿਸ਼ ਕੋਲੰਬੀਆ ਤੱਕ ਹੋਰ ਕੈਨੇਡੀਅਨ ਖੇਤਰਾਂ ਵਿੱਚ ਵੰਡੀ ਜਾਣੀ ਯਕੀਨੀ ਸੀ। 

ਪੜ੍ਹੋ ਇਹ ਅਹਿਮ ਖ਼ਬਰ-'ਪੰਜਾਬੀ ਆ ਗਏ ਓਏ', ਕੈਨੇਡਾ 'ਚ ਸਿੱਖ ਸੁਰੱਖਿਆ ਗਾਰਡ ਨੇ ਸ਼ਖ਼ਸ ਦੀ ਕੀਤੀ ਕੁੱਟਮਾਰ, ਵੀਡੀਓ ਵਾਇਰਲ

ਟੋਰਾਂਟੋ ਪੁਲਸ ਸੇਵਾ ਦੁਆਰਾ ਕੇਵਿਨ ਮਾਸਟਰਮੈਨ ਨੇ ਕਿਹਾ ਕਿ ਅਸੀਂ ਤੁਹਾਨੂੰ ਦੱਸ ਸਕਦੇ ਹਾਂ ਕਿ ਸਾਡੀਆਂ ਸੜਕਾਂ ਤੋਂ 835 ਕਿਲੋਗ੍ਰਾਮ ਕੋਕੀਨ ਮਿਲਣ ਨਾਲ ਸਾਡੇ ਭਾਈਚਾਰਿਆਂ ਦੀ ਜਾਨ ਬੱਚ ਗਈ ਹੈ। ਜਿਸ ਨਾਲ ਕਈ ਪਰਿਵਾਰ ਮੌਤ ਦੇ ਮੂੰਹ ਵਿੱਚ ਜਾਣੇ ਸਨ। ਅਧਿਕਾਰੀਆਂ ਨੇ ਇਸ ਜਾਂਚ ਵਿੱਚ 6 ਦੇ ਕਰੀਬ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਜਿਨ੍ਹਾਂ ਵਿਚ ਦੋ ਮੈਕਸੀਕਨ ਨਾਗਰਿਕ ਹਨ, ਜੋ ਕੈਨੇਡਾ ਵਿਚ ਕਾਨੂੰਨੀ ਤੌਰ 'ਤੇ ਦਾਖਲ ਹੋਏ ਸਨ ਅਤੇ ਚਾਰ ਕੈਨੇਡੀਅਨ ਲੋਕ ਸਨ। ਅਤੇ ਤਿੰਨ ਹੋਰ ਸ਼ੱਕੀਆਂ ਲਈ ਗ੍ਰਿਫ਼ਤਾਰੀ ਵਾਰੰਟ ਜਾਰੀ ਕੀਤੇ ਗਏ ਹਨ। ਜਿੰਨਾਂ ਵਿੱਚ ਦੋ ਮੈਕਸੀਕਨ ਨਾਗਰਿਕ ਅਤੇ ਨਿਆਗਰਾ ਫਾਲਜ਼ ਤੋਂ ਇੱਕ 60 ਸਾਲਾ ਕੈਨੇਡੀਅਨ ਸ਼ਾਮਿਲ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।