40 ਹਜ਼ਾਰ ਕਰੋੜ ਦੀ ਦੌਲਤ ਠੁਕਰਾ ਕਾਰੋਬਾਰੀ ਆਨੰਦ ਕ੍ਰਿਸ਼ਨਨ ਮੁੰਡਾ ਬਣ ਗਿਆ ਭਿਕਸ਼ੂ

ਇੰਟਰਨੈਸ਼ਨਲ ਡੈਸਕ- ਮਲੇਸ਼ੀਆ ਦੇ ਟੈਲੀਕਾਮ ਕਾਰੋਬਾਰੀ ਆਨੰਦ ਕ੍ਰਿਸ਼ਨਨ ਦੇ ਬੇਟੇ ਵੇਨ ਜਾਨ ਸਿਰੀਪਾਨਿਓ ਨੇ ਆਪਣੇ ਪਿਤਾ ਦੀ ਬੇਸ਼ੁਮਾਰ ਦੌਲਤ ਅਤੇ ਗਲੈਮਰਸ ਜੀਵਨ ਨੂੰ ਠੁਕਰਾ ਕੇ ਬੋਧੀ ਭਿਕਸ਼ੂ ਬਣ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਆਨੰਦ ਕ੍ਰਿਸ਼ਨਨ ਮਲੇਸ਼ੀਆ ਦੇ ਤੀਜੇ ਸਭ ਤੋਂ ਅਮੀਰ ਵਿਅਕਤੀ ਹਨ। ਉਨ੍ਹਾਂ ਕੋਲ 40 ਹਜ਼ਾਰ ਕਰੋੜ ਰੁਪਏ (5 ਅਰਬ ਡਾਲਰ ਤੋਂ ਵੱਧ) ਦੀ ਜਾਇਦਾਦ ਹੈ। ਆਨੰਦ ਕ੍ਰਿਸ਼ਨਨ ਟੈਲੀਕਾਮ ਕੰਪਨੀ ਏਅਰਸੈੱਲ ਦੇ ਸਾਬਕਾ ਮਾਲਕ ਰਹਿ ਚੁੱਕੇ ਹਨ। ਏਅਰਸੈੱਲ ਨੇ ਇੱਕ ਵਾਰ ਮਸ਼ਹੂਰ ਆਈ.ਪੀ.ਐੱਲ. ਟੀਮ ਚੇਨਈ ਸੁਪਰ ਕਿੰਗਜ਼ ਨੂੰ ਸਪਾਂਸਰ ਕੀਤਾ ਸੀ। ਟੈਲੀਕਾਮ ਤੋਂ ਇਲਾਵਾ ਆਨੰਦ ਕ੍ਰਿਸ਼ਨਨ ਦਾ ਕਾਰੋਬਾਰ ਸੈਟੇਲਾਈਟ, ਮੀਡੀਆ, ਤੇਲ, ਗੈਸ ਅਤੇ ਰੀਅਲ ਅਸਟੇਟ ਸੈਕਟਰ 'ਚ ਵੀ ਫੈਲਿਆ ਹੋਇਆ ਹੈ। ਵੇਨ ਜਾਨ ਸਿਰੀਪਾਨਿਓ ਦੀ ਮਾਂ ਐਮ ਸੁਪ੍ਰਿੰਦਾ ਚੱਕਰਬਾਨ ਦੇ ਥਾਈਲੈਂਡ ਦੇ ਸ਼ਾਹੀ ਪਰਿਵਾਰ ਨਾਲ ਪਰਿਵਾਰਕ ਸਬੰਧ ਹਨ।

ਇਹ ਵੀ ਪੜ੍ਹੋ: ਕੈਨੇਡਾ 'ਚ ਹਿੰਸਾ ਦੌਰਾਨ ਪਾਰਟੀ 'ਚ ਨੱਚਦੇ ਰਹੇ PM ਟਰੂਡੋ, ਵੀਡੀਓ ਵਾਇਰਲ

ਕਿਹਾ ਜਾਂਦਾ ਹੈ ਕਿ ਜਦੋਂ ਵੇਨ ਜਾਨ ਸਿਰੀਪਾਨਿਓ 18 ਸਾਲਾਂ ਦਾ ਸੀ, ਜਦੋਂ ਉਹ ਥਾਈਲੈਂਡ ਵਿੱਚ ਆਪਣੇ ਨਾਨਕੇ ਘਰ ਗਿਆ, ਉਸਨੇ ਸਭ ਤੋਂ ਪਹਿਲਾਂ ਇੱਕ ਬੋਧੀ ਮੱਠ ਨਾਲ ਜੁੜ ਕੇ ਇੱਕ ਭਿਕਸ਼ੂ ਬਣਨ ਦਾ ਫੈਸਲਾ ਕੀਤਾ। ਉਸ ਸਮੇਂ ਉਸ ਨੇ ਅਜਿਹਾ ਸਿਰਫ਼ ਅਧਿਆਤਮਿਕ ਅਨੁਭਵ ਲਈ ਕੀਤਾ ਸੀ ਪਰ ਹੁਣ ਦੋ ਦਹਾਕਿਆਂ ਬਾਅਦ ਉਹ ਪੂਰੀ ਤਰ੍ਹਾਂ ਬੋਧੀ ਭਿਕਸ਼ੂ ਬਣ ਗਿਆ ਹੈ ਅਤੇ ਆਪਣੀ ਐਸ਼ੋ-ਆਰਾਮ ਦੀ ਜ਼ਿੰਦਗੀ ਛੱਡ ਕੇ ਜੰਗਲ ਵਿਚ ਸਥਿਤ ਇਕ ਬੋਧੀ ਮੱਠ ਵਿਚ ਭਿਕਸ਼ੂ ਵਾਂਗ ਜੀਵਨ ਬਤੀਤ ਕਰ ਰਿਹਾ ਹੈ। ਵੇਨ ਉਹ 8 ਭਾਸ਼ਾਵਾਂ ਜਾਣਦਾ ਹੈ। ਉਸਦੀ ਪਰਵਰਿਸ਼, ਵੱਖ-ਵੱਖ ਸਭਿਆਚਾਰਾਂ ਦੇ ਗਿਆਨ ਅਤੇ ਜੀਵਨ ਪ੍ਰਤੀ ਸੁਤੰਤਰ ਨਜ਼ਰੀਏ ਨੇ ਉਸਨੂੰ ਬੋਧੀ ਸਿੱਖਿਆਵਾਂ ਵੱਲ ਆਕਰਸ਼ਿਤ ਕੀਤਾ ਅਤੇ ਉਸਨੂੰ ਉੱਥੇ ਸਕੂਨ ਮਿਲਿਆ। ਵੇਨ ਬਹੁਤ ਸਾਦਾ ਜੀਵਨ ਜਿਉਂਦਾ ਹੈ। ਉਹ ਭੀਖ ਮੰਗ ਕੇ ਆਪਣਾ ਗੁਜ਼ਾਰਾ ਕਰਦਾ ਹੈ। ਉਹ ਆਪਣੇ ਪਰਿਵਾਰ ਨਾਲ ਵੀ ਜੁੜਿਆ ਹੋਇਆ ਹੈ ਅਤੇ ਸਮੇਂ-ਸਮੇਂ 'ਤੇ ਪਰਿਵਾਰ ਨਾਲ ਆਪਣੇ ਸਬੰਧਾਂ ਨੂੰ ਬਣਾਈ ਰੱਖਣ ਲਈ ਆਪਣੀ ਪੁਰਾਣੀ ਜੀਵਨ ਸ਼ੈਲੀ ਵਿੱਚ ਵਾਪਸ ਆਉਂਦਾ ਹੈ। 

ਇਹ ਵੀ ਪੜ੍ਹੋ: ਰੁਕ ਜਾਵੇਗੀ ਜੰਗ! ਇਜ਼ਰਾਈਲ ਅਤੇ ਹਿਜ਼ਬੁੱਲਾ ਜੰਗਬੰਦੀ ਲਈ ਹੋਏ ਸਹਿਮਤ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8